Lucas 20:38 - Tradução Bíblica Pacaas Novos

³⁸ Je ca taxi' xuxun pain ca e' e' wet nucucun quem. Xi Iri' Jam ne cocon Iri' Jam oro wari' co wara cono' nana ta. Iri' Jam ne e' nonon co e' nana ta. Ac i ma' na ca tomi' tococwa ma'.

Lucas 20:38 Iomraidhean Croise

Mateus 22:32

Wata' co Iri' Jam cwa'. Iri' Jam ne napa' Abraão cwa', Iri' Jam ne napa' Isaque cwa', Iri' Jam ne napa' Jacó cwa' quem. Iri' Jam ne Iri' Jam ne wet nanapa' ta na ca tomi' con Moisés Iri' Jam pane. Je ca taxi' xuxun pain ca e' e' wet nucucun quem. Xi Iri' Jam ne cocon Iri' Jam oro wari' co wara cono' nana ta. Iri' Jam ne e' nonon oro wari' co e' nana ta na ca tomi' tococwa ma'.

Marcos 12:27

Je ca taxi' xuxun pain ca e' e' wet nucucun quem, xi Iri' Jam ne cocon Iri' Jam oro wari' co wara cono' nana ta. Iri' Jam ne e' nonon co e' nana ta. Je ca tomi' xuhu' ca' ac tococwa na. Om ca coromicat xo' camain' hwe ta. Om ca taraju pa' hwein capijacon Iri' Jam ca xirao' to caca oro profeta cara pane, xi querec pin' hwein ca hwara' opa tamana nucun pain ca ha' con pain ca to' e' mami' cocon oro wari' co wara cono' nana ta. Ac i ma' na ca tomi' tococwa ma'.

Lucas 20:39

Ma' nana oro co ca' na taxipa' nanain ca xirao' nucun Moisés ma' quem. Tomi' ca' nonon: Awi na ca tomi' nem ta taramaxicon co ca' na taxipa' capijacon Iri' Jam nonon.

João 14:19

Om ta pain homa ne, om ac ne tara ca querec mami' cacapa' co om howa nanapa' ma'. Wahu' iri na ne, querec mami' ac mahu' tara. Om ta pi' ra ha' ne ca e' nuhu' ta. Xi pi' ra ha' ne ca e' ne ca' quem.

João 6:57

Hwet roron oro wari' napa' Te co mi' nain ca e' cara wa pain pawin ma'. Je ca e' ta' ca' quem. To' e' cara napa'. Ac i ma' inonon oro wari' cwa' quem. Oro wari' co cao' nanapa', to' e' cara ac toton na.

2 Coríntios 13:4

Iri'o' paxi' na ca om an hwet pe cain ca hwara' opa nucun Cristo pain ca tatatain mi' qui' tocwa pain pana pane, ane mam' e' mami' ca pain ca hwara' opa pan nucun Iri' Jam ne. Ac i ma' urut quem. Om paxi' na ca hwara' opa pan urut pain ca win cwere urut con Cristo cwa', ane mam' e' wi urut con pain ca hwara' opa nucun Iri' Jam ne. Mi' ac caparut tara pain ca hwara' opa nucun pain ca quep xiho' xim urut pahu' quem.

2 Coríntios 6:16

Tomi' xin xiricon Iri' Jam ma' quem. Ma' tara ca an an ari ac xijein xiricon Iri' Jam pain caji pacun ca Iri' Jam xi' ma caca oro wari' ra? Om na ta! Je ca tomi' xuhu' ca'. Xiricon Iri' Jam co e' cara cwa' iri'. Win ne ca tomi' pan ca pain cara pane: Pe ho' toton oro wari' ne cwa'. Pe ho' cara toton. Iri' Jam ne tatarapa', oro wari' ne ac toton tara quem. Ac i ma' na ca tomi' ca Iri' Jam pain cara pane.

Hebreus 11:16

Ane jain jain cacain xijein macan' ca awi tiquin' ca' nain wara macaracocon ne, jain jain nanain iri' macaracocon ca pe pawin cain. Je ca om wixipa' pan cocon Iri' Jam ma'. Tomi' querec te inuhu' pain ca Iri' Jam ne mahu' ta nonon. Je ca quep an pe xo' mi' cocon pain iri' macaracocon pain i cain.

Apocalipse 22:1

An hwet mi' ac capa' na pain iri' cwerein com ca mi' nain ca e' cara wa. Awi tamana na comi, om na homiri, om ca tocohon camain' ne. Weweweo qui' nain ca xao pe pe ca Iri' Jam, je ca xao pe pe ca co ma' co ac Wijimain Taramaji Ovelha ma' quem.