Lucas 20:36 - Tradução Bíblica Pacaas Novos

³⁶ Om ta cono' mami' ac cacama quem, xi an xiho' ara cocon oro jam co taramaja mi' nonon Iri' Jam ta. Mana panxica Iri' Jam nana, xi om ne ca to' e' mami' ara tococwa ta.

Lucas 20:36 Iomraidhean Croise

Mateus 22:30

E' mami' iri tatara co wara cono' nana ne, an xiho' ac cocon tara oro jam co taramaja mi' nonon Iri' Jam. Om ta cut caca narima'. Ca narima' nequequem ma', om ta cut cacama tarama' quem.

Marcos 12:25

E' mami' iri tatara co wara cono' nana ne, an xiho' ac cocon tara oro jam co taramaja mi' nonon Iri' Jam. Om ta cut caca narima'. Ca narima' nequequem ma', om ta cut cacama tarama' quem.

Romanos 8:16

Pain ca Te pin xun Iri' Jam cwa', je Tamataracon ca tomi' xo' nain ximixi'. To' taxi' napari' pain ca mana panxica Iri' Jam pin iri' ca'.

1 Coríntios 15:26

To' quiji' pin to' quiji' pin, wara ca' tara ca cono' wa ma', to' quiji' pin ac cain tara quem. Om pin ac ne tara ta.

1 Coríntios 15:42

Ac i ma' tara cwerexi' pain ca to' e' mami' xim capari' Iri' Jam quem. An xiho' tarain tocwi trigo ca oin' xine ma'. Maram mao ac ne tara, cunu pin ac iri' tara quem. E' mami' iri xi' ne, om ta cunu mami' iri', om ta cono' mami' iri'.

1 Coríntios 15:49

Main cwere an xiho' pin xun wari' co maqui' nain pawin pane. Win ne ca cwere an xiho' xun wari' co macan' curucun pane quem.

Filipenses 3:21

To' jimama' tarain oro cwerexi' ca om hwara' opa ca', ca cono' taxipa' ca'. An xiho' ac xin tara curucun ca awi tamana ma', ca om mi' pin camain' ma'. To' jimama' tarapari' pain iri' ca hwara' opa nucun. Ha' toron pain ca to' jimama' capari' quem, xi om ne ca to' jimama' xim ara capari' pain ca hwara' opa nucun ca mam' taramaxicon pe ho' tococwa oro wari' je oro carawa ta.

Apocalipse 20:6

Param mi' tata pain ca awi wa oro co e' mami' cain' nana ma', co iri' wari' nucun Iri' Jam nana ma'. Om ta cono' mami' caca, om ta wixicaracao' mi' tococwa pain cote ne xe. Sacerdote pin tatara pain ca taramaja mi' xun cocon Iri' Jam con Cristo ma', taramaxicon wi ac cocon tara, ma' 1.000 tara cawaxi' pain ca taramaxicon wi xun cocon ta.

Apocalipse 21:4

Xic cawain' xic cawain' pi' pin tarain oro comi tococon pain ca awaran nucucun. Om ta cono' mami' wa, om ta tomi' xaxa' mami' wa, om ta awaran mami' wa, om ta caxi mami' wa quem. Xi om pin ara ne oro coximi wara macan' ta. Ac i ma' na ca tomi' wa ca maqui' nain ca mam' xao pe ca Iri' Jam.

Apocalipse 22:9

Ane tomi' capa' ne, ta pe torotop mi' querec te mapa' me ta. Ac wum ina, taramaja mi' e' inon Iri' Jam ta. An xiho' inem, an xiho' inonon co win howa ma ma', an xiho' inonon oro co tomi' hwet nanain capijacon Iri' Jam ma'. An xiho' inonon co tomi' ha' nanain oro ca xirao' pe xine pain tapari carawa ca joc top ca'. Pe torotop mi' querec te pan ron Iri' Jam ta! Ac i ma' na ca tomi' capa' ma'.