Pagar cain ma' ira ac ca na Pedro. Corom mao ac cain na xirim ca to caca ma'. Tomi' querec ton Jeju paxi' na ira, ane tomi' cain' pan con Jeju ne: Cain' cain' ne ca coromicat nem ma' quem Simão Pedro ac con na. Ma' co pagar jein imposto caca oro taramaxicon ma' quem? Pagar jein tata oro ca nari nucucun ra? Om ca pagar jein tococwa oro xucucun wari' ra? Ac i ma' na ca tomi' querec con ma'.
Lucas 20:22 - Tradução Bíblica Pacaas Novos22 Je ca tomi' querec xim urut pum ca' ac cocon na. Hohot na pain ca pagar tocwa pain imposto taramaxicon nucucun oro romano ra? Om ca hohot ne ra? Ac i ma' na ca tomi' querec ximama' cocon ma'. Faic an caibideil |
Lucas 20:22
14 Iomraidhean Croise
Ma ac caca na, hwet ac cocon na Jeju. Tomi' ac cocon na: Tomi' xim urut pum taramaxicon co ca' na taxipa' capijacon Iri' Jam. Taxi' urut pum pain ca tomi' xo' taxipa' ma ma'. Ca' na xo' taxipa' main capijacon Iri' Jam quem. Om ca tomi' querec te paxica' momon oro wari'. Ca' na xo' maparut pain capijacon Iri' Jam ca an hwet mi' napari' pain ca xuruxut xo' wa pain ca tomi' ha' je capari' quem.
Tomi' em' ac cocon na: Tomi' querec urut con wari' cwa'. Taxi' pin urut con pain ca ja' teretem cocon oro win ma' nuxut cwa' quem. Ta tomi' ha' hun taramaxicon nucucun oro romano me, ta pagar hun pain oro imposto me ta nonon. Wata' co Cristo ta, iri' taramaxicon ina ta nonon, ac i ma' na ca tomi' em' cocon ma'.
Pain pije' iri na ne, pain ca xirao' qui' cacain wixicocon oro wari' oro taramaxicon pane, ma' ac ca na Judas co maqui' nain Galileia pane. Tomi' in pin xuxun oro taramaxicon e' ac ca na, mija ac caca na oro win ma' ca co taxipa' nonon quem. Aram aram to' pa' pin ac tocwa na co ma' quem. Ja' wawaran ja' wawaran pi' pin ac tococwa na oro co taxipa' ca pane.
Sanasan