Lucas 20:19 - Tradução Bíblica Pacaas Novos

¹⁹ He, tomi' napari' ron ac caca na oro co ca' na taxipa' nanain ca xirao' nucun Moisés ma', cocon oro taramaxicon nucucun oro sacerdote ma' quem, pain ca taraju cocon pain ca pijim' joc mam' mi' cocon cocon co to' pa' pin nonon panxica waximain totain uva ma'. Je ca quep xun paxi' cocon ma', ane jin' cocon oro wari' ne.

Lucas 20:19 Iomraidhean Croise

Marcos 11:18

Oro taramaxicon nucucun oro sacerdote ma', cocon oro co ca' na taxipa' nanain ca xirao' nucun Moisés ma' quem, taraju nanain ca tomi' nucun Jeju. Tomi' xo' ac xucucun na: Cain' cain' xuxun quem? Cain' xi to' pa' pin ac xun quem xucucun. Jin' ara xi' nonon Jeju, xi wa wa pan ara cocon oro wari' ta. Wa wa wa wa pi' pin nonon. Taraju hohot ara xi' nonon ca pijim' nucun.

Marcos 12:12

He, tomi' napari' ron ac caca na oro taramaxicon nuxut pain ca judeu urut ca', pain ca taraju cocon pain ca pijim' joc mam' mi' cocon cocon co to' pa' pin nonon panxica waximain totain uva ma'. Je ca quep xun paxi' cocon ma'. Ane jin' cocon oro wari' ne. Je ca om quep cocon ma'. Mama' ac caca na.

Lucas 20:14

Ane om tomi' ha' caca co taramaja to nanain xitot ma' ne. Querec iri nonon panxica ne, pain ca xut qui' nucun ma', tomi' xo' ac xucucun na: Wirico co ma' panxica waximain xitot ta xucucun. Mi' pin iri tara cote ca ne, mene pin ac cain tara totain uva ca' xucucun. To' pa' pin xun ta ac xucucun na. Menexi' pin ac ne tara totain uva ca' xucucun. Ma ac xucucun na.