Lucas 20:17 - Tradução Bíblica Pacaas Novos

¹⁷ Noro pan ac cocon na Jeju. Om ca noro ni ca' tococwa, noro tata. Tomi' querec ac tococwa na: Cain' ca tomi' mao ne ca xirao' pe xine pain capijacon Iri' Jam quem? Ca' na ca xirao' pe xine: Pacun ca noc pin caca wari' co quep xin paxi' nanain xirim ma', aram aram iri' pacun ca to' teren nain xirim pin na. Ac i ma' na ca xirao' pe xine pain capijacon Iri' Jam pane.

Lucas 20:17 Iomraidhean Croise

Mateus 21:42

Je ca tomi' xuhu' ca' ac tococwa na. Om ca noro camain' hwein ca xirao' pe xine pain capijacon Iri' Jam ra? Ca' na ca xirao' pe xine: Pacun ca noc pin caca wari' co quep xin paxi' nanain xirim ma', aram aram iri' pacun ca to' teren nain xirim pin na. Wirico Iri' Jam pan na co ara nain i ma'. Wa wa tamana ac urun na quem. Ac i ma' na ca xirao' pe xine pain capijacon Iri' Jam pane na ca tomi' tococwa ma'.

Marcos 10:23

Noro in noro in ac ca na Jeju. Tomi' ac tococwa na co taxipa' ca ma': Oro wari' co caramaju nana ma', i'ina tamana nonon pain ca xin ne cocon Iri' Jam pain ca taramaxicon pe ho' toton cocon ta na ca tomi' tococwa ma'.

Marcos 12:10

Je ca tomi' xuhu' ca' ac tococwa na. Om ca noro camain' hwein ca xirao' pe xine pain capijacon Iri' Jam ra? Ca' na ca xirao' pe xine: Pacun ca noc pin caca wari' co quep xin paxi' nanain xirim ma', aram aram iri' pacun ca to' teren nain xirim pin na.

Marcos 3:5

Noro ac tococwa na pain ca to to mam' pin cocon ma'. Mana' tata, tomi' xaxa' na cocon quem. Xi noc ara cacain ca taraju pa' wa ta. Tomi' ac con na co xirac micon ma': Coc matam rain mum ma' ta non. Coc matam ac cain na, awi pin ac ne na con.

Lucas 19:41

Wixicam pin ac cacain na Jerusalém. Querec iri nain oro xirim Jeju ne, aca ac ca na, xi xiram pa' ara tococwa co to nanain ta.

Lucas 22:37

Xi na ara ne pain ca hwet pin ne ca xirao' pe xine capijacon Iri' Jam ta. Ca' na ca xirao' pe nein: Ac ca caracat ca na cocon, xi to' pa' wi ara cocon cocon oro caracat ta na ca xirao' pe nein. Je ca tomi' xuhu' ca' ac tococwa na. Na e' na pain ca hwet pin ne ca xirao' pe nein pata'. Hwet pin ta' na ca xirao' pe nein pata' na ca tomi' tococwa ma'.

Lucas 22:61

Tucu in hwet pan ac con na Taramaxicon nexi' ma'. Noro ac con na. Querec iri non Jeju Pedro ne, mam' pe wet ac cain na ca tomi' nucun pane: Om ta aca querec ca me pain xim ca', tomi' ac momon tara: Om ca querec pin' ton ta ac momon tara pata', 3 tara ca tomi' ac i ma' momon ma' quem non pane.

Lucas 24:44

Je ca tomi' xuhu' pain ca pe ho' pe ho' wet xuhu' pane ac tococwa na. Na e' na pain ca hwet pin ne oro capijacon Iri' Jam pata'. Oro ca xirao' nucun Moisés cocon oro profeta, je pain Oro Tamara' quem, na e' na pain ca hwet hwet pi' pin ne pata' ac tococwa na.

João 15:25

Je i ma' ira, na e' na pain ca noc cacapa' ta. Ma' ta hwet pin ne ca xirao' pe xine capijacon Te ca howa paxi' caca ca'. Noc ximama' nanapa', ac i ma' na ca xirao' pe nein pata' ta naparut.

Atos 4:11

Wirico Jeju co tomi' mi' ne capijacon Iri' Jam pane: Pacun ca noc hwe pane, pain ca quep xin paxi' hwein xirim pane, aram aram iri' pacun nein xirim pin na ta. Ac i ma' na ca tomi' ne capijacon Iri' Jam con Jeju pane.

Efésios 2:20

Ac ca quep cain xirim ara xi' na Iri' Jam. Oro apóstolo cocon oro profeta ma', ac oro pacun pain caximain xirim nana. Wari' pain ca howa xun Jeju cwa', ac oro pacun ca mam' quep cain Iri' Jam iri'. Jeju Cristo iri na ne, wirico co ac iri' cote ne pacun ca to' teren nain xirim pain caximain ma' quem.

1Pedro 2:6

Je ca xirao' pe xine pain capijacon Iri' Jam ma' quem. Taraju wet xine. Tora' inon wari' co hohot tamana napa' cwa'. An pe inon pain Sião. Ac iri' pacun ca to' teren nain xirim. Wari' co howa non ma', om ta xat camain' ne ximicon. Ac i ma' na ca xirao' pe nein ma'.