Lucas 20:16 - Tradução Bíblica Pacaas Novos

¹⁶ Taraju wet xine e': Hwet pan totoron co taramaja to nanain totacon ma', to' parapa' pin ac cocon tara, noro ac cocon tara oro xucucun co taramaja to nanain totain uva nucun quem na ca tomi' tococwa ma'. Oro wari' ma', co taraju nonon pain ca pijim' nucun ma', tomi' ac caca na: Cain' cain' xira waximain xitot ne? Om ca ha' camain' ne pain ca ara wa i ma' ta nana.

Lucas 20:16 Iomraidhean Croise

Mateus 21:34

Wixicam pin iri na oro xec nein ca paca' pin ne memem ne, tomi' ac ca na waximain xitot ma', tomi' tata co taramaja mi' e' nonon pain ca pe pan ca ma'. Hwet jujun co taramaja to nanain totain uva ne cain, cut ac hwein tara memem ne cocon ta tata. Ma ac caca na, mama' ac caca na quem.

Mateus 21:41

Om na, na e' na pain ca to' parapa' pin tococwa ta nana. Om ta xiram pa' camain' tococwa. Xi caracat tamana ara caca ta. Noro ac tococwa tara oro xucucun quem, taramaja to jein tota ca' ac tococwa tara. Paca' pin iri tara memem pain oro xijein cawaxi' ne, mi' xo' ac cocon tara pain munucun quem na ca tomi' caca ma'.

Mateus 22:7

Mana' tamana ac ca na taramaxicon. To' parapa' pin jujun ta ac tococwa na oro soldado nucun. To' parapa' pin jujun caram cwain co to' parapa' pin nonon oro wari' ne cara ne. Tom pin jein cidade nucucun quem ta na ca tomi' tococwa ma'.

Marcos 12:9

Tomi' querec ac tococwa na: Cain' cain' ta' ca waximain xitot quem? Taraju wet xine e'. Hwet pan totoron oro co taramaja to nanain totacon, to' parapa' pin ac cocon tara, noro ac cocon tara oro xucucun co taramaja to nanain totain uva nucun quem.

Lucas 19:27

Tomi' ac tococwa na cocon co noc nonon pain ca taramaxicon pe ho' cocon ma': Cut qui' jujun ta. To' parapa' pin jujun. Coco' ja' pan xine cocon. Ma' ta querec xuhu' pain ca to' parapa' pin huhun ta tata. Ac i ma' na ca pijim' cocon Jeju ma'.

Lucas 20:15

Xin hwet ca' ac cocon na pain xitot, to' pa' pin ac cocon na quem. Ac i ma' nana co taramaja to nanain totain uva pane na ca pijim' nucun Jeju. Tomi' querec ac tococwa na: Cain' cain' ta' ca waximain xitot quem?

Atos 13:46

Tomi' mip pan ac cocon na Paulo con Barnabé ma'. Om ca tomi' jin' camain' caca, tomi' ca' tata: Na e' na pain ca pijim' cain' xihwe pain ca judeu hwe ma'. Je ca pijim' urut pahu' ca', pijim' urut pahu' pain capijacon Iri' Jam con Jeju. Ane noc hwein ne. Je ca querec pin' xihwe pain ca om na ne pain ca mi' xihwe pain ca e' cara wa ta. Je ca in ca' xim urut pahu' ca'. An to pin xut pahu'. Pijim' e' xut cocon co om judeu nana cwa'.

Romanos 11:1

Je ca tomi' xuhu' ca'. Tomi' querec xuhu': Joc in pin nonon oro win judeu ta' Iri' Jam pain ca wari' ne pan cocon ra? Om na, om ca joc in pin camain' cocon ta, xi joc in pin capa' ta. Hwanana ne pan ara xi' inon Israel cara pane, hwanana ne inon Abraão cara pane quem. Oro win ma' ne inonon oro waram winacon Benjamim cwa' quem.

Romanos 11:11

Je ca tomi' xuhu' ca'. Tomi' querec xuhu': Pain ca camara' caca oro win judeu ta' cwa', camara' to wet cara ac caca ma' tara ra? Om na, om ca camara' to wet cara camain' caca ta! Noro jujun pain ca caracat nucucun ma'. Caracat pin iri nana ne, tomi' ac tococwa na oro co om judeu nana ma', to' witan pin xuhu' ta pan ac cocon na Iri' Jam. Hehe tatara oro judeu pahu', mana' ac caca tara, jain jain ac cacain tara ca witan pin wa quem na ca tomi' tococwa co om judeu nana ma'.

Romanos 3:31

Tomi' querec xuhu' pain i ca' quem: Howa iri urun Jeju ne, je ca joc in pin xin ca xirao' nucun Moisés ra? Om na, om ca joc in pin camain' xin ta. Howa iri urun Jeju ne, querec pin' ac irin na ca hwet hwet pi' pin ne oro ca xirao' nucun Moisés ca xirao' pe ca pane.

Romanos 3:4

Om na ta, om ca an in camain' cain capijacon. Ara cara nain, iri'o' cara na Iri' Jam quem. Wiricoco oro wari' pan nana co tama' mixein nana ma'. Win ne ca tomi' ca Davi cara pane, pain ca tomi' con Iri' Jam pane. Ca' non pane: Querec pin' teterem oro wari' pain ca tomi' iri'o' nem ma'. Tomi' em' paxi' teterem. Ame ma e', main na ra teterem pain ca tomi' nem ta, ac i ma' na ca tomi' con Iri' Jam Davi pane.

Romanos 3:6

Om na, om ca tomi' ac xin i ma' ta. Mo xi ac i ma' ne con, om xi wap ac tococwa oro wari' ma' quem.

Romanos 6:15

Cain' cain' xixi' quem? Hohot na pain ca tomi' ximama' xin i ca' ra? Tomi' ca' xixi' ra? Momon caracat xixi', xi tomi' mami' capari' Iri' Jam pain ca tomi' ha' jein ca xirao' nucun Moisés, ma' ta hohot mahu' ma' capari'. Tomi' ca' pin ara xi' napari': Howa e' xine pain ca quep xiho' xuhu' ca', pain ca xiram pa' e' xuhu' pain ca to' hohot pin xuhu' ca' napari', ac i ma' xira ca tomi' xixi' ra? Om na ta, om ca na camain' ne ca tomi' ac i ma' iri' ta.

Romanos 6:2

Om na, om ca na camain' ne pain ca caracat cara iri' ta. Ma' tara ca caracat cara ac iri' ra? Om na ta. Cono' ca' ara xi' irin ca caracat wa ta.

Romanos 7:13

Cain' cain' xira quem? To' pa' pin napa' carawa ca awi ra? To' pa' pin napa' ca xirao' nucun Moisés ca awi ra? Om na, om ca to' pa' pin camain' capa' ta! To' pa' pan napa' ca caracat wa ta. Mam' to' pa' pin napa' pain carawa ca awi, mam' to' pa' pin napa' pain ca xirao' nucun Moisés ca awi. Ma' ta querec pin' main ca om awi nein ca caracat wa ta napa' Iri' Jam. Je ca hu capari' ca'. Ma' ta querec pin' hwein ca pan tem tamana nein ca caracat wa ta napari'.

Romanos 7:7

Cain' cain' xixi' quem? Tomi' ximama' ca' xixi' ra? Em' pan na ca xirao' nucun Moisés ta, ac i ma' xixi' ra? Om na, om ca na camain' ne pain ca tomi' ximama' ac i ma' iri' ta. Taraju pa' je e', tomi' pan xije. Mo xi om ne ca xirao' nucun Moisés ma', om xi querec pin' tain ca caracat wa. Mo xi om xirao' caho' capa' pain ca param ximao wa caramaxicon win ma' ta' cwa', mo xi om tomi' ca' capa': Ta param ximao main caramaxicon win ma' ma me ta, mo xi om tomi' ac i ma' capa' ca', om xi querec pin' tain ca param ximao wa ta.

Romanos 9:14

Cain' cain' xixi' quem? Tomi' ximama' ca' xixi' ra? Om ca tora' xo' ca Iri' Jam, ac i ma' xixi' ra? Om na, om ca na camain' ne pain ca tomi' ac i ma' iri' ta. Tora' xo' ca Iri' Jam ca' ira!

1 Coríntios 6:15

Om ta coximinain curucun Cristo ne ma' hwein cwerexi' ca' ra? Coximinain curucun Cristo ne cwerexi' ca' ira, wara taxi' hwein i ma' ta. Hohot tara pain ca quep xim caxicam narima' pain ca coximinain curucun Cristo iri' ca' ra? Hohot tara pain ca an tapan' mi' xim pain coximinain curucun Cristo ra? Om na, om ca hohot camain' ne ta!

Gálatas 2:17

Jain jain tamana urun Iri' Jam pain ca to' hohot capari' pane, xi om ne ca win cwere ara xun Cristo pain ca howa xun ta urun. Caracat hwe ta ac cacapari' na oro win judeu iri' quem. Win caca oro co om judeu nana ma', co om tomi' ha' nanain oro ca ara je cocon Iri' Jam pain ca xirao' nucun Moisés ta nanapari'. Cain' cain' xirara quem? Wirico Cristo xira co to' caracat napari' ra? Om na ta!

Gálatas 3:21

Cain' ca coromicat mi' hwein ca xirao' nucun Moisés quem? Tomi' in pin nain oro ca tomi' pe nucun Iri' Jam pain ca tomi' xo' con Abraão pane ra? Om na, om ca tomi' in pin camain' xijein ta! Mo xi to' e' cara capari' ca tomi' ha' nexi' ca', je i ma' xira ca to' hohot nuhu' ca xirao' nucun Moisés ta qui' capari' quem.

Gálatas 6:14

Wata' iri na ne, noc inain ca xec xec wa. Ac ca xec xec e' ta' na pain ca tomi' querec te ton Taramaxicon nexi' Jeju Cristo pain ca mi' pin caho' capari' pain pana pane. Ac ca xec xec e' tain na panaxicon ta. Horoman pin napa' oro caramaji macan' ca', horoman pin napa' oro ca param ximama' wa ca' quem. Ac ca cono' ca' capa' na, xi win xumu mami' tain ta.