Lucas 20:14 - Tradução Bíblica Pacaas Novos

¹⁴ Ane om tomi' ha' caca co taramaja to nanain xitot ma' ne. Querec iri nonon panxica ne, pain ca xut qui' nucun ma', tomi' xo' ac xucucun na: Wirico co ma' panxica waximain xitot ta xucucun. Mi' pin iri tara cote ca ne, mene pin ac cain tara totain uva ca' xucucun. To' pa' pin xun ta ac xucucun na. Menexi' pin ac ne tara totain uva ca' xucucun. Ma ac xucucun na.

Lucas 20:14 Iomraidhean Croise

Mateus 16:7

Na ra ac urut na. Xi cut mam' xin capam' ta, je ca tomi' ac i ma' capari' ca' xujuxut.

Mateus 21:34

Wixicam pin iri na oro xec nein ca paca' pin ne memem ne, tomi' ac ca na waximain xitot ma', tomi' tata co taramaja mi' e' nonon pain ca pe pan ca ma'. Hwet jujun co taramaja to nanain totain uva ne cain, cut ac hwein tara memem ne cocon ta tata. Ma ac caca na, mama' ac caca na quem.

Lucas 19:47

Jeju ma', pijim' pe nain ca tao' caho' nein cote ne xiricon Iri' Jam pain oro xijein xec. Je ca ca' na to tococwa pain capijacon Iri' Jam oro wari'. Oro taramaxicon ma' iri nana ne, to' pa' pin xun nonon. Oro taramaxicon nucucun oro sacerdote ma', cocon oro co ca' na taxipa' nanain ca xirao' nucun Moisés ma' quem, cocon oro xucucun taramaxicon nucucun oro judeu ma' quem, to' pa' pin xun paxi' nonon Jeju.

Lucas 20:13

Cain' cain' xita' ne ac xucun na waximain xitot ma'. Coromicat pan ac ca na, tomi' ton panxita' cwa', co om noc camain' ta' cwa'. Hwet roron quem arain, cut pan rain memem ne cocon ta ton. Am tomi' ha' cocon quem paxi' na ca coromicat nucun cote ca ira.

Lucas 20:15

Xin hwet ca' ac cocon na pain xitot, to' pa' pin ac cocon na quem. Ac i ma' nana co taramaja to nanain totain uva pane na ca pijim' nucun Jeju. Tomi' querec ac tococwa na: Cain' cain' ta' ca waximain xitot quem?

Lucas 20:19

He, tomi' napari' ron ac caca na oro co ca' na taxipa' nanain ca xirao' nucun Moisés ma', cocon oro taramaxicon nucucun oro sacerdote ma' quem, pain ca taraju cocon pain ca pijim' joc mam' mi' cocon cocon co to' pa' pin nonon panxica waximain totain uva ma'. Je ca quep xun paxi' cocon ma', ane jin' cocon oro wari' ne.

Lucas 20:5

Cain' xi tomi' xun quem ac xucucun na. Mo ta mi' non pain Iri' Jam xun, tomi' querec mami' ac capari' tara, para om howa hun quem tarapari'.

Lucas 22:2

Oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés ma', tomi' xo' ac xucucun na. Cain' cain' xuxun Jeju quem? Cain' xi to' pa' pin ac xun quem, ac i ma' paxi' xucucun. Ane jin' tococwa oro wari' ne.

Atos 2:23

Iri' Jam ma', wara an pe xo' nain ca coromicat nucun pane, pain ca main quep totoron ta cuhu' con. Je ca om narain ho' cuhu' con. Quep hun, to' pa' pin jun ta ac huhun na oro caracat co om tomi' ha' camain' nonon Iri' Jam. Tatatain mi' ac cocon na pain pana.

Atos 3:15

To' pa' pin iri nonon Jeju oro soldado ne, ac ca to' pa' pan hun na. To' pa' pin hun ma' ira! To' pa' pin hun co ma' co to' e' napari' cwa', co mi' xim napari' pain ca e' cara wa pain pawin ta. Ac i ma' paxi' hwe, ane to' e' mami' con Iri' Jam ne. Querec urut con pain ca e' mami' nucun quem.

Romanos 8:17

Je ca mi' xim capari' pain oro ca awi wa ca wara tomi' pe mi' capari' pane, xi om ne ca mana panxica ara iri' ta. Main cut xin con, cut wi xin con Cristo. Mo ta an xiho' xun Cristo pain ca jain jain nucun pain macan' ca', mo ta jain jain wi xun, tomi' querec te ac capari' tara Iri' Jam. Tomi' querec te wi ac capari' tara con Cristo, mi' wi ac capari' tara pain ca jao jao ma' xun pain ca awi nucun pain ca hwara' opa nucun quem.

Hebreus 1:2

Pain xocori ca' iri na ne, pain ca tomi' xim capari' ca', wirico Panxica co tomi' hwet roron pain capija ta ca quem. Wirico Panxica co tora' ca pain ca mene rain oro carawa ta con pane quem. Wirico Panxica co win mu ca pain ca to' ma' qui' cain macan' je pawin, je oro caramajinain ca' quem.