Lucas 2:9 - Tradução Bíblica Pacaas Novos

⁹ Hwet qui' ac ca na jam co taramaja mi' non Iri' Jam. Xat pe ho' nonon. Toha toha mam' pin nonon ca toc meremem nucun Iri' Jam quem. Jin' tamana nana.

Lucas 2:9 Iomraidhean Croise

Mateus 1:20

Pain ca coromicat coromicat wet cain i ma' ne, tohwein' ac con na jam co taramaja mi' non Iri' Jam. Wirico jam co hwet pan non pain ca tohwein' nucun José. José winacon taramaxicon Davi ac con na. Ta hehe ma cam me ta. An ram narima' nem ma', Maria ma'. Je Tamataracon Iri' Jam ca mi' nam pain ca nam' nequem ta na ca tomi' con ma'.

Lucas 1:28

Hwet iri nam ne, tomi' ac cam na: Maqui' ina ta Maria. Tomi' querec te ra inem, xi om ne ca param mi' ara quem, pain ca awi wa Iri' Jam co Iri' Taramaxicon ta. Pe ho' nem quem na ca tomi' cam ma'.

Lucas 2:8

Pain xim nein ca pan' qui' ca cawinacam ma', ma' nana wari' co querec wet nanain ovelha nucucun. Hwet to nanain i ma', pain ca cao' to ne ovelha nucucun. Querec wet towa nanain. Pe xipana na Belém ma'.

Lucas 24:4

Cain' cain' xira ne ac xequequem na. I'ina na ximicacam. Ane ane coco' to ho' ac cacam na wari' ma'. Ma' 2 nana. Toc meremem tamana na womicocon, ac ca joc xec mip ca xina na cocon.

João 12:41

Xirao' ac i ma' na Isaías pane. Xi om ne ca wara querec ara cain ca hwara' opa nucun Jeju pain ca awi tamana nucun ta. Tomi' hwet ac cain na quem.

Atos 12:7

Ane ane hwet qui' ac ca na jam co taramaja mi' non Taramaxicon nexi'. Toha pin ac ne na naran pain man ca tao' pe pe tocwa ma'. Meo non pain quiricon, ho' querec ac con na quem. Hap ra, tequi' pe ra ta ac con na. Camara' ca' ac nein micon na arain too ma' quem.

Atos 27:23

Taxi' ina, xi hwet pa' ara capa' jam co taramaja mi' non Iri' Jam ta. Hwet pa' napa' pain xim cara ne. Wirico Iri' Jam co wari' ne napa' cwa', co pe torotop mi' querec te ta' cwa', wirico co mam' napa' con jam co taramaja mi' non. Tomi' ac capa' na:

Atos 5:19

Tao' to paxi' tata. Ane maqui' cain xim jam co taramaja mi' non Taramaxicon nexi' ne. Pa pin nain oro manain xirinain ca tao' to tao' to to wa ma', o hwerehwet qui' ac tococwa na quem. Tomi' ac tococwa na:

2 Coríntios 3:18

Taraju pa' taraju pa' pi' pin irin xocori ca tomi' xo' nucun Iri' Jam quem. Ac ca hot ca' capari' na con wom co tatep pa' nain tocoxi' Taramaxicon nexi' cwa', ac ca toha pan iri' na pain ca toha mi' capari' pain ca awi tamana nucun quem. Je ca ha' capari' pain ca taraju pa' wa. Ca to' jimama' ac capari' na, ca to' jimama' ac capari' na, aram aram an xiho' pin ac xun tara quem. Wirico Taramaxicon nexi' ma', co iri' Tamataracon Iri' Jam ma', wirico co ara mi' napari' pain.

2 Coríntios 4:6

Xi toha mi' ara caparut pain iri' xumuxut Iri' Jam ta. Win ca pain ca xo' tomi' qui' cain ca jitacat nein xim pain ca toha pin ra ta qui' cain xec pain cara pane. Ac i ma' naparut quem, ac ca toha mi' caparut na pain ca toc meremem nucun pain xumuxut pain ca coromicat nuxut. Ma' ta querec pin' hwein ca hwara' opa ne ca toc meremem pe nain tocon Cristo ta naparut.

1 Timóteo 3:16

Iri' Jam ma', om ca an hwet querec cain ca coromicat an pe xo' nucun ca howa iri' con Cristo Jeju pane. Pain xocori ca' iri na ne, an hwet mi' napari' con. Ca' napari' con: Wari' pin na Cristo. An hwet mi' napari' pain ca awi nucun Tamataracon Iri' Jam. Querec nonon oro jam co taramaja mi' nonon Cote ca. Pijim' hwet ac tocwa na cocon oro wari' co om judeu nana. Mija nana oro wari' co howa nonon pain oro xijein macan'. Piri' in hwet ac con na Cote ca pain pawin. Ac i ma' na tamara' ca com mi' xun ca'.

Hebreus 12:21

Querec iri nanain ne, mija tamana ac ne na ca jin' nucucun. Jin' tamana na Moisés quem. Cocoroc ina pain ca jin' ne ta ac ca na.

Apocalipse 18:1

An hwet mi' iri napa' pain carawa ca hwet pa' xim tacama caxicam narima' jam co taramaja mi' non Iri' Jam ne, querec ac ton na xucun jam co taramaja mi' non Iri' Jam. Quiji' qui' nain pawin. Hwara' opa tamana na. Toc meremem tamana na, toha mi' nain oro xijein macan'.

Apocalipse 20:11

Querec ac tain na cote ne ca mam' xao pe ca taramaxicon. Towo' na. Querec inon co xao pe pe nain quem. Jein ca' non macan' je pawin quem. Om ca querec mami' xine.