Lucas 2:7 - Tradução Bíblica Pacaas Novos

⁷ Pain ca xo' tan' mama' cacama ma', noro paxi' nanain ca pi'am to wa pain xirim ca pi'am to caca oro wari' co maqui' nanain pira. Ane om mam' cacamain ca pi'am to wa ne. Pi'am to e' nanain xirinain burro je ovelha. Je ca pan' pe ca cawinacam. Je win ma' cam pije', wirico co pan' cain' cacam oro xequequem humaxicam co camara' xi' nana pa'ao'. Wiric pa' ac con na con wom, an terem' pe ac con na pain pana ca cao' to ne oro carawa.

Lucas 2:7 Iomraidhean Croise

Mateus 1:25

An paxi' nam, ane om quep cam ne. Pain ca om pan' querec ca cawinacam ma', om ca quep cam. Om om, pan' qui' ho' na cawinacam. O' ma' ac con na, Jeju ac con na quem.

Mateus 13:55

Om ca panxica co pacara pane ca ra, co ara taxipa' nain pana cara pane ca ra? Om ca cawiji con Maria ra? Om ca aji' con José con Tiago con Simão con Judas cwa' quem?

Mateus 8:20

Tomi' ac con na Jeju: Noro rain oro carawa pain mi ma'. Ma' ma' xam' nain ca pi'am to nein. Noro rain oro me ma' quem. Ma' ma' xam' nain xirinain quem. Wata' iri na ne, pain ca Iri' Wari' ta' ca', om napa' xirim ca pe xo' ta' ca' na ca tomi' con ma'.

Lucas 10:34

Xut hwet ac con na, aramao ton ta ac na, an ac cain na comi uva je homain winain oliva, ji'ao mi' ac con pain na pain oro nonacon. Wiric pa' ac con na con wom. Wara ca' na burro nucun ma', an piri' pe ac con pain na, an mao ac con na pain xirim ca pi'am to caca oro wari' co maqui' nanain pira. Querec wet pe ac con na pain i cain.

Lucas 2:6

Pain ca to to wet cacamain Belém ma', maqui' pin ac ne na xec nein ca pan' ta' ca cawinacam.

Lucas 2:8

Pain xim nein ca pan' qui' ca cawinacam ma', ma' nana wari' co querec wet nanain ovelha nucucun. Hwet to nanain i ma', pain ca cao' to ne ovelha nucucun. Querec wet towa nanain. Pe xipana na Belém ma'.

João 1:14

Wari' pin na co ma' co capijacon Iri' Jam na wixicon. Pe ho' napari' pane. Querec pin' urun pain ca awi tamana nucun pain ca hwara' opa nucun pain ca Iri' Jam nucun. Xi Iri' Panxica Iri' Jam ara ca ta. Om ca noc capari', xiram pa' tamana napari'. Tomi' iri'o' e' na.

2 Coríntios 8:9

Win ca Taramaxicon nexi' Jeju Cristo cwa'. Taxi' ara xi' hun pain ca xiram pa' tamana capari'. Caramaju tamana paxi' na pain ca hwara' opa tamana nucun pain ca taramaxicon nucun pane, je pain ca Iri' Jam nucun pane. Ane an pe pin tain pahu' ta capari' ne. An pe pin iri nain ne, wari' pin ac ca na, ximin pin ac ca na quem. Ma' ta to' caramaju pin xuhu' pain ca mi' xim xuhu' pain oro ca awi wa con Te ta napari'.

Gálatas 4:4

Ane maqui' pa' capari' iri' xec nein ca coromicat an pe xo' ca Iri' Jam ne, pain ca mam' xim xuhu' con Panxita' cwa' capari' pane. Hwet roron oro wari' pain macan' ta non pari'. Wari' pin na, wari' na jicon co wijima non. Judeu na quem, tomi' ha' taxipa' nain ca xirao' nucun Moisés pane.