Lucas 2:40 - Tradução Bíblica Pacaas Novos

⁴⁰ Hwara' hwara' ac ca na pije' ma'. Ca hwara' hwara' ca ma', ca hwara' opa pin ca ma', ca ximicon hwanana ca ma'. Quep xiho' non Iri' Jam, tama' ara mi' non pain oro ca awi wa quem.

Lucas 2:40 Iomraidhean Croise

Lucas 1:80

Hwara' hwara' ac ca na pije' ma'. Ca hwara' hwara' ca ma', ca hwara' opa pin ca pain ximicon ma' quem. Pe taxipa' nain mahweri pane. Pe pe maqui' pa' ac con na xec nein ca pijim' pin cocon oro wari' pane quem.

Lucas 2:47

Caram ma' co taraju nonon pain ca tomi' querec ca ma', wa wa wa wa pi' pin nonon quem. Taraju pa' na xin co cwa' ne ta? Tomi' xo' na xin ne ca' nonon.

Lucas 2:52

Hwara' hwara' ac ca na Jeju ma'. Aram aram hwara' pin ac ca na. Ximicon hwanana pin na, coromicat xo' na, ma' na ximicon. Hohot non Iri' Jam, hohot nonon oro wari' ma' quem.

João 1:14

Wari' pin na co ma' co capijacon Iri' Jam na wixicon. Pe ho' napari' pane. Querec pin' urun pain ca awi tamana nucun pain ca hwara' opa nucun pain ca Iri' Jam nucun. Xi Iri' Panxica Iri' Jam ara ca ta. Om ca noc capari', xiram pa' tamana napari'. Tomi' iri'o' e' na.

Atos 4:33

Pijim' hwara' opa tamana nana oro apóstolo pain ca pijim' pijim' tiquin' cacain ca e' mami' nucun Taramaxicon nexi' Jeju. Iri' Jam ma', quep xiho' tamana nonon co howa nonon Jeju ma' quem. Quep xiho' quep xiho' pi' pin nonon.

Efésios 6:10

Tomi' xim inuhu' pain i ca' quem: Win cwere cara jun Taramaxicon nexi' ta, ma' ta to' hwara' opa cuhu' ca hwara' opa tamana nucun.

2 Timóteo 2:1

Je ca tomi' xim ca' arain. To' hwara' opa ne pain xumu ca' ron Iri' Jam. Na non pain ca to' hwara' opa quem. Xi om ca Cristo co xiram pa' e' nem ma', pain ca mi' e' quem, pain oro ca param nucun.