Lucas 2:36 - Tradução Bíblica Pacaas Novos

³⁶ Pe nain cote ne xiricon Iri' Jam narima' ma' quem. Ana na wixicam. Profetisa na. Cote cama ma', Fanuel ma', iri' hwanana ne non hwanana Aser cara pane. Horon tamana na Ana. Ma' paxi' nam tarama' pain cara pane. Wara mi' pin ca' nam taxicam pane. Ma' 7 e' na cawaxi' pain to ho' xequequem pane, mi' pin ac ca na.

Lucas 2:36 Iomraidhean Croise

Lucas 2:35

Querec pin' ac xine tara ca coromicat nucucun pain iri' ximicocon. Tomi' xaxa' tamana ac ma tara quem Maria. Ac ca xucun' pa' xim quem tara cote ne quit pain xumum na ca tomi' cam Maria Simeão ma'.

Lucas 2:38

Pain ca tomi' tomi' wet ca Simeão ma', je win maqui' cama Ana ma'. Xut hwet ac cacam na. Tomi' querec te inem con pije' cwa' ta Te Iri' Jam ac cama na. Tomi' hwet ac tococwa na oro wari' con pije' ma'. Tomi' hwet tomi' hwet xam' tata con co winim' nanain xec nein ca to' witan toton cocon oro wari' nein Jerusalém Iri' Jam.

Atos 2:18

Maqui' iri tara oro xec nein ca mao rain macan' ta ton Iri' Wari' ne ne, mi' ac toton tara pain Tamatara oro wari' co taramaja mi' nanapa'. Ca tarama' nucucun, ca narima' nequequem quem, mi' ac tatam tara pain Tamatara. Tomi' hwet ac cacamain tara capija.

Atos 21:9

Ma' 4 nana mana panxica ma'. Om om wet nanam tarama'. Tomi' hwet taxipa' nanain capijacon Iri' Jam ca an hwet mi' cacam Tamataracon ma'.

1 Coríntios 11:5

Narima' co om tatep pa' nain winacam ma' iri na ne, mo ta tomi' ton con Iri' Jam ma', mo ta pijim' hwet tain camain capijacon quem, pain ca om tatep pa' camain winacam ma', ac ca om tomi' ha' con na taxicam co taramaxicon ne cama, om ca querec pin' con pain ca hwara' opa nucun quem. An xiho' nam caxicam narima' co wijac pi' pin wa tenenequem ma'.

1 Coríntios 12:1

Tomi' xo' ho' xuhu' pain carawa ca mi' capari' Tamataracon Iri' Jam ta xere, pain ca mi' capari' pain ca taramaja mi' taxi' xun Taramaxicon nexi' ca'. Taraju pa' je e'.

1 Timóteo 3:2

Je ca tomi' xim ca': Wari' co querec wet nonon co howa nana ma', om ca na camain' ne pain ca hwet ne wixicon pain ca caracat wa. Xica' pe tara manacon. Ma' tara ximicon pain ca om ara e' cain ca param pan nucun. Coromicat xo' tara. Xut xo' tara. Tomi' querec te totoron oro wari' co hwet nonon pain xiricon. Ca' na taxi' totoron pain capijacon Iri' Jam co howa nana ma'.

1 Timóteo 5:9

Tomi' ho' xim cacam oro narima' co cono' ca' nanam waram taxicacam ma', co quep xiho' xi' wawa ma'. Narima' co tiquin' ca' nain ca 60 pin ne cawaxi' nequem ma', hohot ac ne tara pain ca quep xiho' wi tacama cacam oro xequem narima' co wara cono' ca' nanam taxicacam. Mo ta quep xiho' xim tacama, na e' na pain ca ma' xica' pe ca taxicam pain ca e' e' wet nucun pane.

Apocalipse 7:6

Ma' 12.000 nana waram winacon Aser. Ma' 12.000 nana waram winacon Naftali. Ma' 12.000 nana waram winacon Manassés.