Lucas 2:32 - Tradução Bíblica Pacaas Novos

³² Ac naran totoron oro wari' co om judeu nana ma'. To' querec pin' totoron pain ca iri'o' ne capijam. To' querec pin' totoron pain ca wari' ne maparut quem, pain ca wari' nein Israel urut ca'. Ac i ma' na ca tomi' con Iri' Jam Simeão ma', pain ca awin con Jeju pain taparacon.

Lucas 2:32 Iomraidhean Croise

Mateus 4:16

To paxi' nanain ca jitacat nein xim ira, ane querec cacain cote ne naran ne. Jin' paxi' nanain ca cono' wa ira, ane toha pin cocon naran ne. Ac i ma' na ca xirao' pe ca profeta Isaías pane.

Lucas 2:10

Ta jin' mahu' me ta ac tococwa na. Taraju wet xine. Tomi' hwet xim inuhu' pain ca awi wa ca xo' hwet pa' nuhu' ma'. Ja' tomi' querec te tamana turuhu'. Ja' tomi' querec te ja' tomi' querec te pi' pin totoron oro wari' quem.

Lucas 2:31

Mi' maparut con. Querec pin' querec pin' pi' pin totoron oro wari' pain oro xijein macan'.

Atos 26:23

Wara xirao' to ca' nonon pane: Jain jain tara co ma' co wara tomi' pe ca Iri' Jam pane nonon, jain jain tara pain ca to' pa' pin tocwa, e' mami' ac ca tara ta nonon. Wirico tara co e' mami' cain' ta nonon. Pijim' ac tococwa tara pain capijacon oro wari' ta nonon quem. Pijim' hwet xun tata oro win judeu iri', pijim' hwet xun tata co om judeu nana ma' quem, pain ca pijim' hwet xun tococwa pain capijacon ca an xiho' nain naran ma', pain ca to' taraju pa' tococwa pain ca to' witan xun tococwa ta nonon quem. Ac i ma' na ca tomi' con taramaxicon Agripa Paulo ma'.

Atos 28:28

Je ca tomi' xuhu' ca', taraju pa' jein ca tomi' xuhu' ca' ac tococwa na. Noc paxi' hwein ca howa wa capijacon Iri' Jam ca tomi' hwet napari' pain ca to' witan xim ta capari' ca'. Ane pijim' mi' xun tococwa pain oro wari' co om judeu nana ne. Howa tatarain ta na ca tomi' tococwa ma'.

1 Coríntios 1:31

Ma' ta tomi' hwet e' hwein ca tomi' querec te nuhu' pain ca to' witan pin cuhu' Taramaxicon Iri' Jam ta napari'. Win ne ca xirao' pe xine pain capijacon pane. Ca' na con pane: Mo ta tomi' hwet tain cain ca awi wa wari' ma', tomi' hwet e' tarain ca awi nucun Taramaxicon Iri' Jam ta. Ac i ma' na ca xirao' pe xine pain capijacon Iri' Jam.

Apocalipse 21:23

Om ca ma' xira xina co toha mi' napari' na caca oro wari' co to nanain cidade. Om ca ma' xira panawo' co toha mi' napari' na caca quem. Xi toha mi' pan ara cocon ca toc meremem nucun Iri' Jam ta. Co ma' co ac Wijimain Taramaji Ovelha ma', toha mi' nonon quem, wirico pan co ac naran nonon.