Lucas 2:13 - Tradução Bíblica Pacaas Novos

¹³ Ane ane hwerehwet qui' ac caca na oro jam co taramaja mi' nonon Iri' Jam. Mija nana. Om ca paric camain' caca. Awi na Iri' Jam awi na Iri' Jam ta nana pain ca tomi' querec te cocon ma'. Tomi' ac caca na:

Lucas 2:13 Iomraidhean Croise

Lucas 15:10

Je ca tomi' xuhu' ca' ac tococwa na. Tomi' querec te ac i ma' nana oro jam co taramaja mi' nonon Iri' Jam, tomi' querec te tamana nonon wari' co cwirin' pin nain ca caracat nucun. Xica' pe paxi' na, tomi' querec te tamana nonon ta na ca tomi' tococwa ma'.

Lucas 2:12

Mo querec je. Mam' iri jun pije' co wiric pa' wa con wom ne, co terem' pe nain pana ca cao' to ne oro carawa ma', taxi' ac mahu' tara pain ca tomi' iri'o' xuhu' ca' na ca tomi' tococwa ma'.

Lucas 2:14

Tomi' querec te tomi' querec te pi' pin nonon Iri' Jam oro co to nanain iri' pawin cain. Toron toron om pin tara ximicocon oro wari' co xiram pa' pan ca pain macan' ca' quem na ca tomi' caca ma'.

Efésios 3:10

Ca' na ca coromicat nucun cocon oro jam cocon oro taramaxicon nucucun co hwara' opa to nanain pawin ma': Mo ta querec cocon co howa nonon Panxita' cwa', pain ca win ma' ne pin xucucun ca', querec pin' ac cacapa' tara pain oro ca taxi' tamana ne ca' na ca coromicat nucun.

1 Timóteo 3:16

Iri' Jam ma', om ca an hwet querec cain ca coromicat an pe xo' nucun ca howa iri' con Cristo Jeju pane. Pain xocori ca' iri na ne, an hwet mi' napari' con. Ca' napari' con: Wari' pin na Cristo. An hwet mi' napari' pain ca awi nucun Tamataracon Iri' Jam. Querec nonon oro jam co taramaja mi' nonon Cote ca. Pijim' hwet ac tocwa na cocon oro wari' co om judeu nana. Mija nana oro wari' co howa nonon pain oro xijein macan'. Piri' in hwet ac con na Cote ca pain pawin. Ac i ma' na tamara' ca com mi' xun ca'.

Hebreus 1:14

Cain' cain' caca oro jam co taramaja mi' nonon quem? Om ca tomi' ha' tomi' ha' pi' pin cocon Iri' Jam pain ca quep xiho' jujun oro wari' co to' witan xuxun ta tococwa ra? Je i ma' ca taramaja nucucun ma' ira!

1Pedro 1:12

Tomi' xo' ca' tata oro profeta pane: Tomi' hwet iri hwein oro carawa jimao ca maqui' ta' ma' ne, om ca quep xiho' pan xujuhu', om na. Quep xiho' pan huhun oro xucucun wari' co maqui' xi' nana pa'ao' ta na ca tomi' xo' tococwa pane. Je ca tomi' xuhu' ca'. Wahu' pan co quep xiho' xi' wawa pain ca tomi' hwet nucucun pane. Je ca pijim' hwet xihwe pain xocori ca' quem. Oro co pijim' hwet nunuhu' pain capijacon Iri' Jam con Jeju ma', mam' pijim' hwet nunuhu' pain ca hwara' opa nein Tamataracon Iri' Jam ca mam' capari' pain pawin pane. Capijacon Iri' Jam ca pijim' xihwe ma', jain jain pan nanain oro jam co taramaja mi' nonon ma'. Taraju pa' xixi' na nanain.

Apocalipse 5:11

Noro ac ta' na, taraju ac toton na oro jam co taramaja mi' nonon Iri' Jam. Mija tamana nana, om ca tomi' ac tococwa, xi mija tamana ara caca ta. Coco' coco' mam' pin nanain ca mam' xao pe nucun iri' Taramaxicon ma', coco' coco' mam' pin nanain caram ma' co e' nana ma', co ac jam paxi' nana ma', coco' coco' mam' pin nanain oro taramaxicon ma' quem.