Lucas 2:11 - Tradução Bíblica Pacaas Novos

¹¹ Pan' qui' na wari' co to' witan xim nuhu' ta. Xo' pan' nain xim ca'. Pan' pe nain Belém ca', ca pan' pe pan ne ca pije' nucun taramaxicon Davi cara pane. Pije' co xo' pan' cwa', wirico co Cristo ma', co iri' Taramaxicon ma'.

Lucas 2:11 Iomraidhean Croise

Mateus 1:16

Jacó ma', wanxi' ac con na José. José ma', an ac cam na Maria co wijima non Jeju. Jeju ma', wirico co Cristo ma', ac i ma' na ca tomi' cocon oro wari' quem.

Mateus 1:21

Pan' qui' ac ca tara cawinacam. O' ma' ac mon tara, Jeju ac mon tara. To' witan toton ara xi' nonon oro win ma' ca ma', mi' toton ara xi' nonon pain ca witan ca' cacain ca wap wa pain ca caracat nucucun quem na ca tomi' con ma'.

Mateus 16:16

Wum co Cristo ta. Panxica Iri' Jam co e' cara ma ta ac con na Simão Pedro.

Mateus 16:20

Tomi' mip ac caparut na pain ca taxipa' urut con ca'. Ta tomi' hwet mahu' cocon oro wari' pain xocori ca' me, ta tomi' hwet huhun pain ca Cristo ta' ca' me naparut.

Lucas 1:43

Je ina me! Para xiram pa' capa' Iri' Jam cwa' ne? Xi mi' ara capa' pain ca hwet mapa' pain ca jicon Taramaxicon ne ma ta.

Lucas 1:69

Mi' napari' con wari' co hwara' opa tamana, co to' witan xim napari'. Iri' hwanana ne non taramaxicon Davi cara pane, co taramaja mi' non pane.

Lucas 2:26

Wara tomi' pe non Tamataracon Iri' Jam pane. Om ta mi' pin querec ma, querec ac mon tara Cristo co wara tomi' pe ca Iri' Jam pane na ca tomi' pe con pane.

Lucas 2:4

Je ca mao ca José ma' quem, mao nain cidade ca camara' to caca hwanana nucun cara pane. Paca' nain cidade nucun pain Nazaré ma', ca pe nain Galileia ma', mao ac cain na Judeia cain, pain cidade ca pan' pe ne ca pije' nucun taramaxicon Davi cara pane. Xi iri' hwanana ne ara con Davi José ta. Belém na wixinain cidade ca pan' pe ca Davi pane.

João 1:41

Pirao' hap ton aji' Simão ta ac ca na, mo hwet ac con na. Mam' urut con Messias ta aji' ac con na. Cristo na ca tomi' mao ne ca Messias wa pain capijaxut pain ca judeu urut ca'.

João 1:45

Pirao' ac con na Natanael Filipe. Tomi' ac con na: Mam' urut con co xirao' pe ca Moisés pain ca xirao' pe cain oro capijacon Iri' Jam ca tomi' ha' je capari' pane, co xirao' pe caca oro profeta pane quem. Mam' urut con. Jeju na wixicon. Panxica José na. Maqui' nain Nazaré ta na ca tomi' con ma'.

João 11:27

Howa ina ta Taramaxicon ne ac cama na. Howa inem pain ca Cristo ma ma', pain ca Panxica Iri' Jam ma ma', pain ca mao rain macan' ta qui' quem Cote ma pane na ca tomi' con ma'.

João 20:31

Oro ca xirao' mi' xuhu' ca', xirao' mi' e' inuhu' pain, ma' ta howa hun Jeju pain ca Cristo ca ma', pain ca Panxica Iri' Jam ca ma' quem inuhu'. Mo ta howa hun, om ta pi' ra ha' ne ca e' nuhu' ta.

João 4:25

Tomi' ac cama na: Maqui' ta' tara iri' taramaxicon co Messias urut, wirico Cristo ta. Main maqui' ta' tara, taxi' inon. Maqui' iri tara ne, tomi' xo' tomi' xo' pi' pin ac caparut tara pain oro ca param nucun Iri' Jam ac con na.

João 4:42

Tomi' ac cacam na narima': Howa pin urut con Jeju ta. Om ca howa e' urut con pain ca taraju urut pum pain ca tomi' hwet maparut con, om na. Howa urut con, xi om ne ca taraju pan ara urut pain ca tomi' nucun ta. Je ca howa urut con ca'. Querec pin' urut con. Wirico na co to' witan taxi' ca' nonon pain ca caracat nucucun oro wari' pain oro xijein macan' ca' na ca tomi' cacam ma'.

João 6:69

Howa urut pum. Querec pin' urut pum quem. Wum co Iri' Wari' co wara tora' ca Iri' Jam pane! Iri' Panxica ma ta! Ac i ma' na ca tomi' ca ma'.

João 7:41

Ma' ac caca na oro xucucun co tomi' ca' nana quem: Wirico co Cristo ta nana. Ane tomi' in pin cocon oro xucucun ma' ne. Ma' tara ca maqui' ac cain Galileia Cristo ra?

Atos 10:36

Taxi' hun Iri' Jam pain ca wara tomi' hwet caparut pain ca wari' nein Israel urut ca', pain ca ha' pin cuhu' pain ca toron toron om pin ne xumuhu' pain ca caracat nuhu', xi om ca Jeju Cristo co taramaxicon pe ho' taramaxicon pe ho' pi' pin nonon oro wari' ta caparut pane.

Atos 13:23

Wanxi' tiquin' wanxi' tiquin' iri nana waram winacon Davi co wanxi' tiquin' nana pa'ao' ne, aram aram pan' qui' ac ca na Jeju. Wirico Iri' Jam co mi' napari' con. Mi' napari' con Jeju pain ca wari' nein Israel iri' ca'. Ma' ta to' witan ca' xim cuhu' pain ca caracat nuhu' ta napari'. Win ne ca wara tomi' pe mi' ton con Davi cara pane ta na.

Atos 17:3

Ca' na ca tomi' xo' pan cocon Paulo ma': Wari' nucun Iri' Jam co Cristo ma', na e' na pain ca jain jain ca pain ca to' pa' pin tocwa. Na e' na pain ca e' mami' ca. Win ne ca xirao' to caca oro profeta cara pane ta tata. Je ca tomi' xuhu' ca' ac tococwa na. Jeju cwa', co pijim' hwet xuhu' cwa', wirico co Cristo ta. Ac i ma' na ca tomi' tococwa ma'.

Atos 2:36

Je ca tomi' xuhu' ca' oro win ma' ne ac tococwa na. Wahu', oro win ma' iri' pain ca wari' nein Israel iri' ma' quem, taraju pa' jein i ca' con Jeju cara pane, co tatatain mi' hwe pain pana pane: To' taramaxicon pin non Jeju Iri' Jam ta. Wum co Cristo ma', co wara tomi' pe ta' pane. Taramaxicon pe ho' roron oro wari' ta non pari'. Ac i ma' na ca tomi' cocon oro wari' Pedro ma'.

Atos 5:31

Mi' ac con na pain ca xao pe ho' ne pain iri' cwere ca' con. Mi' non pain ca to' witan xim capari' ca' quem. Ma' ta cwirin' pin hwe pain ca wari' nein Israel hwe ma' napari', ma' ta xic am pin tain ca caracat nuhu' ta napari' quem.

1 Coríntios 15:47

Wari' co ma' cain' pane, wirico Adão cara pane, maqui' nain macan'. Xucun wari' co maqui' pa'ao' ma' iri na ne, wirico Cristo ma', maqui' nain pawin.

Filipenses 2:11

Querec pin' totoron pain ca hwara' opa nucun quem. Iri' Taramaxicon na Jeju Cristo ta tatara oro wari' pain oro xijein macan'. Ac i ma' tara ca an hwet pe cacain ca awi nucun Cotere' Iri' Jam ma' quem.

Filipenses 3:8

Om ca noc xica' pe tain oro ca ara ta' cocon hwanana ne pane, noc noc pi' pin inain oro ca hohot napa' pane quem, xi om ne ca hohot tamana pin ara capa' Taramaxicon ne Cristo Jeju ta. Noc pin inain, om ca howa mami' tain oro ca ara ta' pane. Ac oro carawa ca wixicaracao' pin wa ma' napa', noc pin inain ta. Ma' ta iri' wari' nucun Cristo ta' ina, ac i ma' pin na ca coromicat ne ca'.

Colossenses 2:6

Je ca tomi' xuhu' ca'. Xuruxut xo' xuruxut xo' tiquin' je pain ca win cwere hun Cristo Jeju ma'. Win ne ca howa hwein ca pijim' xihwe con, pain ca Taramaxicon na ta xihwe con pane.

1João 4:14

Querec urut con Panxica pain ca maqui' cain macan' pane. Tomi' hwet urut cocon oro wari' pain ca mam' capari' con Cote ca quem. Hwet roron oro wari' pain macan' cain, to' witan ca' roron pain ca caracat nucucun ta non pari'.

1João 5:1

Mana panxica Iri' Jam nana oro wari' co howa nonon Jeju ma', pain ca Cristo ca ma'. Oro wari' co om noc nonon Cotere' Iri' Jam cwa', om ca noc cocon oro win ma' caca co Te nonon quem.