Lucas 2:1 - Tradução Bíblica Pacaas Novos

¹ Pan' qui' iri na João ne, om ca pain homa ne, tomi' ac ca na iri' taramaxicon nucucun oro romano ma', Augusto ma'. Tomi' tomi' pi' pin tata oro wari' co to nanain oro macan' ca taramaxicon pe ca pane. Na e' na pain ca xirao' to xine oro wuxuhu' ta tata.

Lucas 2:1 Iomraidhean Croise

Mateus 22:17

Je ca tomi' querec xim urut pum ca' ac cocon na. Cain' cain' ne ca coromicat nem quem, pain ca tomi' capari' Moisés quem? Hohot na pain ca pagar tocwa pain imposto taramaxicon nucucun oro romano ra? Om ca hohot ne ra? Ac i ma' na ca tomi' querec ximama' cocon Jeju ma'.

Mateus 24:14

Pijim' mama' ac cacain tara oro xijein macan' oro wari' ne quem. Tomi' hwet tomi' hwet xam' ac cocon tara oro wari' pain capijacon Iri' Jam ma', pain ca tomi' xo' cocon pain ca taramaxicon pin ta' ca Iri' Jam ma'. Taraju taraju xam' iri tatara oro wari' ne, pi' pin ac ne tara macan' ta.

Marcos 14:9

Je ca tomi' xuhu' ca', tomi' iri'o' inuhu'. Oro wari' co pijim' mama' xin nanain pira ma', pain ca tomi' hwet xun cacapa' cocon oro xucucun wari' ma', pijim' hwet ac cacain tara ca ara mi' capa' cam cwa' ta. Mam' pe wet cara ac tacama tara ta na ca tomi' tococwa ma'.

Marcos 16:15

Mama' jein oro xijein macan' ta ac tococwa na. Pijim' hwet pijim' hwet xam' jujun pain capija pain ca to' witan toton ta' oro wari' ta na ca tomi' tococwa ma'.

Lucas 2:3

Oro wari' ma', mama' mama' pi' pin ac cacain na iri' cidade ca camara' to caca oro hwanana nucucun pane, ma' ta xirao' to xine wixixi' ta nana quem.

Lucas 2:5

An mao nam Maria ma', co an ta' ca ma'. Xirao' to tatarain wixixi' ta nam. Nam' na Maria ma' quem.

Lucas 3:1

Pain pin iri na ne, pain ca ma' 15 pin ne cawaxi' pain ca taramaxicon pe cain Roma Tibério César pane, taramaxicon pe nain Judeia Pôncio Pilatos. Taramaxicon pe nain Galileia Herodes. Taramaxicon pe nain Itureia je Traconites Filipe, coxa' ca Herodes. Taramaxicon pe nain Abilene Lisânias ma' quem.

Atos 11:28

Tomi' hwet xuhu' pain ca xo' tomi' capa' Tamataracon Iri' Jam ta ac ca na xucun ma', Ágabo na wixicon. Pe' tamana tatara oro wari' co to nanain oro xijein macan' ta na. (Iri'o' na ca tomi' nucun Ágabo quem, xi pe' tamana ara caca oro wari' pain ca taramaxicon taramaxicon wet ca Cláudio cara pane ta.)

Atos 25:11

Mo xi pan tem ta', mo xi mi' pin ma' tara ne capa' Iri' Jam ma', je i ma' xira, om xi nain ho' xije pain ca mi' pin wa. Ane om iri'o' ne ca tomi' nucucun pain ca tomi' em' cacapa' ca' ne. Om na wari' co hwara' opa ma', pain ca an mao jun ta ac cocon caram cwa' pata' ta. Je ca tomi' xim ca' taramaxicon. Tomi' querec pan xirapa' iri' taramaxicon César na ina ta na ca tomi' con ma'.

Atos 25:21

Ane noc inain ta ca ne. Tao' pe cara ximapa' pain i ca' ta ac capa' na. Maqui' iri tarapa' xec nein ca tomi' querec pan ton capa' iri' taramaxicon César ne, tomi' querec pan ac capa' tara ta na ca tomi' capa'. Na ra ac ton na, tomi' ac toton na oro soldado ne cwa': Querec wet xo' jun pain xirinain ca tao' to tao' to to wa ca'. Maqui' iri tara xec nein ca na capa' pain ca o mi' jun con César xuhu' ne, o mi' ac hun con tara ta inonon, ac i ma' na ca tomi' con Agripa Festo ma'.

Romanos 1:8

Tomi' cain' xuhu' pain i ca' quem: Tomi' querec te inon Iri' Jam ne cwa' pahu'. Wirico Jeju Cristo co mi' napa' pain ca tomi' querec te ton pahu'. Xi om ne ca taraju taraju xam' ara cucuhu' oro wari' pain oro xijein macan'. Howa nonon Jeju ta nunuhu' oro wari' pain oro xijein macan'.

Filipenses 4:22

Oro wari' nucun Iri' Jam cwa', wiricoco co taramaja to nanain xiricon taramaxicon César ma' quem, mam' pe wet urut cocon ta nunuhu'.