Lucas 19:8 - Tradução Bíblica Pacaas Novos

⁸ Ane tequi' pe ca Zaqueu ne, tomi' ac con na Taramaxicon nexi': Taraju wet ne e' Taramaxicon ac con na. Oro caramaju ca', an to ni an to ni tain, 2 tara ca an to ni nein pata'. Wirain ca pe ho' xim napa', an xiho' tarain wirain ca mi' toton oro wari' co ximin nana ma', co om nonon carawa. Oro wari' co an noc xa ta' pane quem, pain ca cut noc xa 100 tain dinheiro nucun xucun pane, cut in mi' 400 ac ton pain tara. Pain ca cut noc xa 1.000 tain dinheiro nucun xucun pane quem, cut in mi' 4.000 ac ton pain tara quem na ca tomi' pe con ma'.

Lucas 19:8 Iomraidhean Croise

Lucas 11:41

Je ca tomi' xuhu' ca': Param ximama' maho' jein oro caramaxicocon oro win ma' nuhu' ma', pan teretem maho' je quem. Xiram pa' pan jujun co ximin nana ma', xiram pa' jujun pain iri' xumuhu' ta. Querec hohot ac cuhu' tara Iri' Jam. Ac ca hohoc xo' xujuhu' tara con ta na ca tomi' con ma'.

Lucas 12:33

Je ca tomi' xuhu' ca': Vender jein caramajuhu' ma'. Cut iri jein dinheiro nein ne, mi' mi' ac huhun pain tara oro wari' co om nonon carawa. Ma' ac cuhu' tara oro carawa ca om pi' ra ha' ma'. Ac ca cut in xo' tamana hwein tara carawa pain pawin cain. To wet cara ac ne tara quem. Om ara xi' nain i cain wari' co cut noc xa tain nain oro caramajixi', om nain i cain oro caxicon tohoro' co cao' nain quem.

Lucas 16:9

Je ca tomi' xuhu' ca' ac tococwa na. Xiram pa' jujun oro wari', mam' xiram pa' jujun pain oro carawa ca cut hwe pain macan' ca'. Om pin iri turuhu' oro carawa ne, pain ca cono' pin xi' hwe ma', tomi' querec te pan ac cucuhu' tara pain ca aram aram to pin xin hwein pawin cain ta na ca tomi' tococwa ma'.

Lucas 19:7

Oro wari' co querec nonon Jeju pain ca hwet con Zaqueu ma', tomi' ximama' tomi' ximama' pi' pin ac caca na. Cain' cain' xira quem? Pe ho' a xiron co caracat ta nana.

Lucas 7:13

Querec iri nam Taramaxicon nexi' ne, xiram pa' ac cam na. Ta aca ma me ta nam.

Lucas 7:19

Mo hwet jun Taramaxicon nexi' ta ac tococwa na. Tomi' querec ca' jun: Wum tara co wara tomi' pe ca Iri' Jam pane, co main maqui' tara ta ca pane ra? Winim' jun xucun maparut ra? Ac i ma' tara ca tomi' querec hun ta tata.