Lucas 19:7 - Tradução Bíblica Pacaas Novos

⁷ Oro wari' co querec nonon Jeju pain ca hwet con Zaqueu ma', tomi' ximama' tomi' ximama' pi' pin ac caca na. Cain' cain' xira quem? Pe ho' a xiron co caracat ta nana.

Lucas 19:7 Iomraidhean Croise

Mateus 20:11

An pin iri nanain ne, tomi' mana' pin ac cocon na taramaxicon.

Mateus 20:4

Wahu' quem ac tococwa na. Taramaja mama' jein totain uva ne ta. Pagar xo' xuhu' quem ac tococwa na.

Mateus 9:11

Querec iri nanaparut oro fariseu ma' ne, pain ca cao' to ho' urut cocon oro caracat ma', tomi' querec ac cacaparut pain ca taxipa' urut con Jeju. Cain' cain' xira co ma' co ca' na nuhu' pain capijacon Iri' Jam ma' quem? Para cao' pe ho' cocon co cut in taxipa' nanain oro imposto ca pagar je cacapari' oro taramaxicon quem? Para cao' pe ho' cocon oro caracat ma' quem na ca tomi' cacaparut ma'.

Lucas 15:2

Ane tomi' ximama' pan cocon Jeju oro fariseu cocon oro co ca' na taxipa' nanain ca xirao' nucun Moisés ne. Tomi' ximama' ca' nonon: Om xi tomi' querec te cocon oro caracat Jeju cwa'! Om xi cao' pe ho' cocon ta nana pain ca tomi' ximama' cocon ma'.

Lucas 19:6

Quiji' hap ac ca na, maji ta ac con na. Tomi' querec te non quem.

Lucas 19:8

Ane tequi' pe ca Zaqueu ne, tomi' ac con na Taramaxicon nexi': Taraju wet ne e' Taramaxicon ac con na. Oro caramaju ca', an to ni an to ni tain, 2 tara ca an to ni nein pata'. Wirain ca pe ho' xim napa', an xiho' tarain wirain ca mi' toton oro wari' co ximin nana ma', co om nonon carawa. Oro wari' co an noc xa ta' pane quem, pain ca cut noc xa 100 tain dinheiro nucun xucun pane, cut in mi' 400 ac ton pain tara. Pain ca cut noc xa 1.000 tain dinheiro nucun xucun pane quem, cut in mi' 4.000 ac ton pain tara quem na ca tomi' pe con ma'.

Lucas 5:30

Ane om querec hohot cocon oro fariseu cocon oro win ma' caca co ca' na taxipa' nanain ca xirao' nucun Moisés ma' ne. Tomi' ximama' ac cocon na co taxipa' ca Jeju: Para cao' to ho' huhun co cut in taxipa' nanain oro imposto ma'? Para cao' to ho' huhun oro caracat ma' quem? Para toc to ho' huhun ma' quem na ca tomi' querec cocon ma'.

Lucas 7:34

Wata' pain ca Iri' Wari' ta' ca' iri na ne, cao' ina, toc inain comi uva quem. Tomi' ximama' ac mahu' na: Xocomu ma, toc tamanain pe ma, taxipa' momon oro caracat ma', oro co cut in taxipa' nanain oro imposto ma', wiricoco oro wari' co hwet taxipa' wixicocon pain ca pan teretem nucucun ma' quem, wiricoco nana co taxipa' ma ma', ac i ma' na ca tomi' ximama' mahu'.

Lucas 7:39

Querec iri nain i ma' fariseu co cao' pe ho' ne non ma' ne, Simão ma'. Querec iri nam caxicam narima' pain ca ji'ao mi' con pain caji towaxi' caximacon Jeju ma' ne, coromicat pan ac xucun na: Cain' cain' xira co cwa' ne ta? Mo xi iri' profeta ca, querec pin' ac cam xira narima' co quep non ma', querec pin' xiram pain ca caxicam narima' cama ma' na ca coromicat nucun.