Lucas 19:44 - Tradução Bíblica Pacaas Novos

⁴⁴ Corom hwet ac cucuhu' tara, om ta xiram pa' camain' cucuhu', to' parapa' pin tuturuhu'. Wahu', mana panxihwe ma' quem, to' parapa' to' parapa' pi' pin ac cucuhu' tara. Om ta to wet xica' pe camain' ne oro pacun nein oro xuruhu' ma' quem, to' pa horohot pi' pin tatarain ta. Xi querec pin' hun Iri' Jam pain ca to' witan xim paxi' cuhu' pata' ta na ca tomi' tococwa pain ca aca nucun.

Lucas 19:44 Iomraidhean Croise

Mateus 24:2

In ac hwein oro xirim ca' ra ac caparut na. Ame hwe e', main maqui' tara xec nein ca to' pa horohot pi' pin xin xine oro xirim ca'. Om ta to wet xica' pe camain' ne oro pacun nein. To' pa horohot pi' pin ac xine tara ta. Tomi' iri'o' inuhu' ta na ca tomi' caparut ma'.

Marcos 13:2

In ac main oro horonain xirim ca' ra ac con na. Ame ma e', main maqui' tara xec nein ca to' pa horohot pi' pin xin xine oro xirim ca'. Om ta to wet xica' pe camain' ne oro pacun nein. To' pa horohot pi' pin ac xine tara ta na ca tomi' con ma'.

Lucas 1:68

Awi tamana na Iri' Jam co Iri' Taramaxicon cwa', co howa iri' pain ca wari' nein Israel iri' ca'. Na e' na pain ca tomi' hwet xin ca tomi' querec te nexi' con ta. Xi hwet ara capari' pain ca wari' ne capari' ca'. To' witan xim napari' quem.

Lucas 1:78

Ac i ma' xim napari' Iri' Jam nexi', xi xiram pa' tamana ara capari' ta. Je ca mam' xim capari' con wari' nucun co an xiho' non xina pain ca xo' hwet pin nucun pain xo' xec. Maqui' toron Iri' Jam co pe nain pawin.

Lucas 19:42

Wa inuhu' me ac tococwa na. Mo xi ma' ne xumuhu' pain xec ca', mo xi querec pin' hwein carawa ca to' om pin tain nain ca toron ne xumuhu' ma'. Ane om na mami' cuhu' pain xocori ca' ne. Xi howa je na hwe ta. Ac ca om ne na tucuhu', ac ca joc xim xihwe na pain ca querec pin' hwein quem.

Lucas 21:6

Oro ca querec hwe ca', ame hwe e', main maqui' tara oro xec pain ca to' pa horohot pi' pin xin xine oro xirim ca'. Om ta to wet xica' pe camain' ne oro pacun nein. To' pa horohot pi' pin ac xine tara ta na ca tomi' tococwa ma'.

1Pedro 2:12

Xuruxut xo' je pain ca to ho' huhun oro wari' co om howa nana ma'. Tomi' em' paxi' tuturuhu', pan teretem nana ta paxi' tuturuhu'. Je i ma' ira, xuruxut xo' je, ma' ta querec pin' cucuhu' pain ca ara hwein oro ca awi wa ta. Aram aram awi na Iri' Jam ta ac caca tara pain xec nein ca in qui' ta' nucun quem.