Lucas 19:37 - Tradução Bíblica Pacaas Novos

³⁷ Wixicam pin iri nain wana ca quiji' mao nain Pacun Nein Oliveira ma' ne, tomi' querec te tomi' querec te pi' pin ac caca na oro wari' co taxipa' nonon Jeju ma'. Mija nana, om ca paric camain' caca. Merem ac caca na: Awi tamana na Iri' Jam ta nana. Xi mija ara ne oro ca ara ca Jeju ma', ca querec caca ma', pain ca ara cain oro ca om ara taxi' ne ca wari' wa ma'.

Lucas 19:37 Iomraidhean Croise

Mateus 21:1

Wixicam pin iri urut pain Jerusalém ne, hwet ac urut pain na Betfagé ma', ca pe ja' pan nain Pacun Nein Oliveira ma'. Tomi' ac tococwa na win ma' nuxut pain ca taxipa' urut con ca'. Ma' 2 nana co tomi' ca.

Marcos 13:3

Mama' ac cacain na Pacun Nein Oliveira ma'. Xao pe ac ca na Jeju. Querec pira nanain cote ne xiricon Iri' Jam pain xijein cacarain taparain com ma'. Tomi' querec pan ac con na Pedro con Tiago con João con André. Xica' to nana, om nana xucucun. Tomi' querec ac cocon na:

Marcos 14:26

Com iri nanain tamara' pain ca in ac cocon Iri' Jam ne, hwerehwet mama' ac caca na, mama' ac cacain na Pacun Nein Oliveira ma'.

Lucas 18:43

Querec mami' hap ac ca na, ja' ja' ac con na Jeju. Awi na Iri' Jam awi na Iri' Jam ta na quem. Oro wari' ma' quem, querec iri nana pain ca quep ma' mami' xine tocon ne, awi na Iri' Jam awi na Iri' Jam ta nana quem.

Lucas 19:20

Xut hwet ac con na xucun ma', co taramaja mi' e' non ma'. Taramaxicon ne ac con na. Main ca' moeda nein ouro ca mi' mapa' pane. An pe xo' inain, wiric pa' inain con pawiricon wom.

Lucas 19:29

Wixicam pin iri nanain ca paric to ne xirim pain Betfagé ma' ne, je pain Betânia ma', ca to ja' pan nain pacun ma', ca Pacun Nein Oliveira caca oro wari' ma', tomi' ac tococwa na co taxipa' ca ma'. Ma' 2 nana co tomi' ca ma'.

Lucas 19:36

Xao pe nain wijimain burro Jeju ma', tiquin' mao ac ca na. Ca tiquin' mao ca ma', ca cum xo' cocon womicocon pain wana oro wari' ma' quem.

Lucas 7:16

Jin' tamana ac caca na oro wari' ma', in ac nonon Iri' Jam pain ca awi na awi na cocon ma'. Pe ho' pin napari' profeta co hwara' opa cwa'! Hwet pin capari' Iri' Jam pain ca xiram pa' toton capari' pain ca wari' ne capari' ca' ira! Ac i ma' na ca tomi' caca ma'.

João 12:18

Co taraju nana ma', pain ca an hwet pe ac i ma' cain ca hwara' opa nucun ma', ma' mija nana co xuruxut cam' nonon ma'.