Lucas 19:29 - Tradução Bíblica Pacaas Novos

²⁹ Wixicam pin iri nanain ca paric to ne xirim pain Betfagé ma' ne, je pain Betânia ma', ca to ja' pan nain pacun ma', ca Pacun Nein Oliveira caca oro wari' ma', tomi' ac tococwa na co taxipa' ca ma'. Ma' 2 nana co tomi' ca ma'.

Lucas 19:29 Iomraidhean Croise

Mateus 21:17

Hwerehwet ca' ac urut cocon na, paca' ac urut pain na Jerusalém. Mama' ac urut pain na Betânia. Je i cain ca pi'am to urut ma'.

Lucas 19:30

Mama' jein ca paric to ne xirim ma', ca querec hwe ma'. Hwet pin iri jein ne, mam' ac hwein tara wijimain burro ca tucu pan wa ma', ca om xao pe querec camain' wa ma'. Tacom' hot jein, an qui' ac hwein tara ta.

Lucas 19:37

Wixicam pin iri nain wana ca quiji' mao nain Pacun Nein Oliveira ma' ne, tomi' querec te tomi' querec te pi' pin ac caca na oro wari' co taxipa' nonon Jeju ma'. Mija nana, om ca paric camain' caca. Merem ac caca na: Awi tamana na Iri' Jam ta nana. Xi mija ara ne oro ca ara ca Jeju ma', ca querec caca ma', pain ca ara cain oro ca om ara taxi' ne ca wari' wa ma'.

Lucas 21:37

Jeju ma', pijim' pe taxipa' nain ca tao' caho' nein cote ne xiricon Iri' Jam pain oro xijein xec pane. Je ca ca' na to taxipa' tococwa pain capijacon Iri' Jam oro wari' pane. Irawin pin iri na ne, maji ta ac tococwa na co taxipa' ca ma', mama' ac cacain na pacun ma', Pacun Nein Oliveira ma'. Je ca pi'am to taxipa' caca ma'.

Lucas 22:39

Paca' ac cain na Jerusalém Jeju, mao ac cain na Pacun Nein Oliveira. Je curucun pane. Ja' ja' nonon co taxipa' ca quem.

Lucas 24:50

Maji ta ac ca na Jeju, o mama' ac tococwa na co howa nonon ma'. Wixicam pin iri nanain ca paric to ne xirim pain Betânia ne, cut piri' ac cain na micon, tomi' ac tococwa na: Param mi' inuhu' pain ca ara mi' cuhu' pain oro ca awi wa Te Iri' Jam ta tata.

Atos 1:12

Quiji' ca' ac cacain na Pacun Nein Oliveira ma'. In mama' xin Jerusalém ta ac caca na, xuruxut mama' ac caca na. Om ca pira ne Jerusalém ma'. Ac ca xica' pe ne na quilômetro nein.