Lucas 19:26 - Tradução Bíblica Pacaas Novos

²⁶ Om na, je ca tomi' xuhu' ca' ac tococwa na. Wari' co taramaja xo' ma', co win xumu nain ca taramaja nucun ca mi' ton ca', mi' tiquin' ac ton pain tara ca taramaja wa. Wari' co om taramaja xo' ma' iri na ne, co om win xumu nain ca taramaja nucun ca mi' ton ca', an ca' ac ton pain tara ca taramaja nucun ta. Tomi' iri'o' inuhu' ta na ca tomi' tococwa ma'.

Lucas 19:26 Iomraidhean Croise

Mateus 13:12

Wari' co taraju wet ma', co taraju pa' xo' nain ca taraju nucun ma', mi' hwara' mami' ac tocwa tara pain ca taraju pa' wa. Wari' co om taraju pa' nain ca taraju nucun ma' iri na ne, pain ca om taraju wet xo' ca ma', an ca' ac tocwa pain tara wijimain ca taraju pa' nucun ma' quem.

Mateus 21:43

Je ca tomi' xuhu' ca' ac tococwa na. Iri' Jam ma', wari' ne paxi' nuhu' pain ca taramaxicon pe ho' toton cuhu' ira. Ane noc pin mahu' ne. Je ca maho' pin xim cuhu' pain ca judeu hwe ma'. Wari' ne wari' ne om pin xim nuhu' Iri' Jam. Wari' ne pin totoron oro xucucun wari' co tomi' ha' xun nonon ma'.

Marcos 4:25

Je ca tomi' xuhu' ca': Wari' co taraju wet ma', co taraju pa' xo' nain ca taraju nucun ma', mi' hwara' mami' ac tocwa tara pain ca taraju pa' wa. Wari' co om taraju pa' nain ca taraju nucun ma' iri na ne, pain ca om taraju wet xo' ca ma', an ca' ac tocwa tara pain wijimain ca taraju pa' nucun ma' quem na ca tomi' tococwa ma'.

Lucas 16:3

Noc pin napa' pain ca taramaja mi' mami' ton taramaxicon ne cwa' ac xucun na co querec wet nain caramaxicon ma'. Cain' cain' xita' quem ac xucun na. Om ca taramaja ac ta' pain xitot, xi hwara' opa ta' ta. Wixipa' xita' pain ca tama' mi' xine toton pain dinheiro je oro carawa oro wari' ma' quem, ac i ma' na ca coromicat pan xucun.

Lucas 19:25

Cain' cain' xima quem taramaxicon nuxut ac cocon na. Wara ma' 10 ara xi' non ta nonon.

Lucas 8:18

Je ca tomi' ca' xuhu' ca': Taraju wet jein ca tomi' xuhu' ca'. Wari' co taraju wet ma', co taraju pa' xo' nain ca taraju nucun ma', mi' hwara' mami' ac tocwa tara pain ca taraju pa' wa. Wari' co om taraju wet ma' iri na ne, co om taraju pa' xo' nain ca taraju nucun ma', an ca' ac tocwa tara pain wijimain ca taraju pa' nucun ma' quem na ca tomi' tococwa ma'.

Atos 1:20

Tomi' tomi' tiquin' ac na Pedro ma': Je i ca' ca xirao' pe ca taramaxicon Davi cara pane, pain ca xirao' pe cain Oro Tamara' pain capijacon Iri' Jam pane. Ca' na con: Mahwerin' tara xiricon ta. Om om tatara wari' co to nanain ta. Ac i ma' na ca xirao' pe ca pane. Ma' na wirain con quem. Ca' na con: Ma' tara xucun wari' co pe tain nain maxicon pain ca taramaja nucun ma' quem. Ac i ma' na ca xirao' pe nucun pane.

2João 1:8

Ma' tara xumuhu' me. Mo ta ha' huhun co pijim' mixein ac i ma' nana ma', waraju ac hwein tara oro ca taramaja nexi' pain ca taramaja mi' xun Iri' Jam. Howa cara iri jein oro ca pijim' mi' xihwe pain capijacon Iri' Jam ne, cut mi' cut mi' pi' pin ac cuhu' tara pain oro ca an to xo' mi' cuhu' Iri' Jam pain pawin cain.

Apocalipse 2:3

Taxi' inuhu' pain ca quereme cara hwein oro ca to' i'ina nuhu' ma', je pain ca hwara' opa hwe pain ca jain jain nuhu' cocon oro wari' co quep em' nunuhu' pata'. Taxi' inuhu' pain ca om an pe mahu' ma' quem.

Apocalipse 3:11

Maqui' ho' ta' ina, om ta om om ta', maqui' hap ta' ina. Win xumu cara xine, ta an to camain' hwein oro ca ara xo' hwe ma', ma' ta om cut ca' xihwe pain carawa ca awi ca main mi' xim xuhu' ta.