Lucas 19:22 - Tradução Bíblica Pacaas Novos

²² Taramaja mi' xo' ximapa' ta caxicon pije' ac con na taramaxicon nucun. Wap mip xim ta. Win ne ca tomi' mapa' ca', pain ca om ca xiram pa' taxi' ma ta mapa' ca', om ta xiram pa' xim pain ca wap mip xim quem. Taxi' mapa' pain ca om xiram pa' taxi' ta' ca'. Taxi' mapa' pain ca mene taxipa' tain caramaxicon xucun wari'. Taxi' mapa' pain ca an xiho' ton wari' co top nain caramaji totacon xucun wari' quem.

Lucas 19:22 Iomraidhean Croise

Mateus 12:37

Wahu' pain i ma' quem, mo ta hohot ne ca tomi' nuhu' pain ca e' e' wet nuhu' ca', tomi' ac cuhu' tara: Hohot hwe, xi om ne ca hohot ara ne ca tomi' nuhu' pane. Mo ta om hohot ne ca tomi' nuhu' pain ca e' e' wet nuhu' ca', tomi' ac cuhu' tara quem: Om ca hohot hwe, xi om ne ca tomi' ximama' ara hwe pain ca e' e' wet nuhu' pane, na e' na pain ca mama' hwein xe ta, ac i ma' tara ca tomi' cuhu' ta na ca tomi' tococwa ma'.

Mateus 22:12

Tomi' querec ac con na: Cain' cain' xima quem win ma' ne? Para corom ma pain ca om pe mon iri' wom ma' quem non. Hehe ac ca na.

Lucas 19:21

Xi jin' ara xim ta. Mo ta pan' am ca' capa' dinheiro nucun taramaxicon ne ca', mana' ac capa' tara, ac i ma' na ca coromicat ta' pum pane. Om ara xi' na ca xiram pa' taxi' ma ta. An xiho' mon wari' co mene taxipa' nain caramaxicon xucun wari'. An xiho' mon wari' co top nain caramaji totacon xucun wari' ma' quem na ca tomi' ximao ca ma'.

Lucas 19:23

Je xi an pe xo' main moeda ne pain banco quem? In qui' iri xita' ne, cut mi' ac cacapa' pain xira wara jaminain je xocori ca cut mami' caca pain ca mam' taramaja cacain quem na ca pan to' cain taraxicon.

Romanos 3:19

Je ca tomi' xuhu' ca'. Oro ca tomi' nucun Iri' Jam cwa', pain ca xirao' nucun Moisés ma', tomi' tata oro judeu, tomi' tomi' pi' pin napari' quem. Ma' ta tomi' narain ho' tomi' narain ho' om pin xujuhu' pain ca pan teretem nuhu' ta napari', ma' ta hehe pin hwe ta napari'. Ma' ta querec pin' xujuhu' pain ca om hohot mahu' ma', pain ca wap xim xuhu' ca' napari' quem.