Lucas 19:21 - Tradução Bíblica Pacaas Novos

²¹ Xi jin' ara xim ta. Mo ta pan' am ca' capa' dinheiro nucun taramaxicon ne ca', mana' ac capa' tara, ac i ma' na ca coromicat ta' pum pane. Om ara xi' na ca xiram pa' taxi' ma ta. An xiho' mon wari' co mene taxipa' nain caramaxicon xucun wari'. An xiho' mon wari' co top nain caramaji totacon xucun wari' ma' quem na ca tomi' ximao ca ma'.

Lucas 19:21 Iomraidhean Croise

Lucas 19:20

Xut hwet ac con na xucun ma', co taramaja mi' e' non ma'. Taramaxicon ne ac con na. Main ca' moeda nein ouro ca mi' mapa' pane. An pe xo' inain, wiric pa' inain con pawiricon wom.

Lucas 19:22

Taramaja mi' xo' ximapa' ta caxicon pije' ac con na taramaxicon nucun. Wap mip xim ta. Win ne ca tomi' mapa' ca', pain ca om ca xiram pa' taxi' ma ta mapa' ca', om ta xiram pa' xim pain ca wap mip xim quem. Taxi' mapa' pain ca om xiram pa' taxi' ta' ca'. Taxi' mapa' pain ca mene taxipa' tain caramaxicon xucun wari'. Taxi' mapa' pain ca an xiho' ton wari' co top nain caramaji totacon xucun wari' quem.

Romanos 8:15

Xi mi' ara capari' pain Tamataracon ta. Tamataracon ca mi' capari' ca', om ca mi' capari' pain ca in hwet xin ca tama' jin' nexi' pain ca an xiho' mami' xun wari' co jin' non taramaxicon nucun ma', om na. Mi' iri napari' pain Tamataracon ne, je ca to' mana panxica Iri' Jam pin capari'. Je ca ha' capari' pain ca Te pin xun Iri' Jam cwa'.

Romanos 8:7

Je ca noc cocon Iri' Jam oro wari' co win xumu nanain oro ca param nucucun ma'. Xi tomi' ha' cacain capijacon ta. Om ca tomi' ha' taxi' cacain quem.

2 Timóteo 1:7

Ta taramaja jin' ma me. Xi mi' capari' pain ca jin' wa Tamataracon Iri' Jam ta. Mi' iri napari' pain Tamataracon ne, to' hwara' opa ac capari' na, mi' ac capari' na pain ca om noc xijexi', mi' ac capari' na pain ca coromicat xo' wa quem, pain ca om ara e' xin ca param nexi'.

Tiago 2:10

Je ca tomi' xuhu' ca'. Wari' co tomi' ha' paxi' nain oro wirain ca tomi' ha' je capari' Iri' Jam ma', mo ta ma' xica' pe ne ca tomi' nucun ca om tomi' ha' ca ma', ari ari pi' pin nain oro ca tomi' nucun. Em' ma, xi tomi' ha' tomi' ha' pi' pin main ca tomi' ne ta non Iri' Jam.

1João 4:18

Om ca noc capari' Iri' Jam. Je ca om jin' xun ca', xi noc camain' capari' ta. Jin' xuxun xi wap xim capari' ta. Ane om wap xim capari' ne. Je ca tomi' xuhu' ca'. Wari' co jin' non Iri' Jam ma', om ca querec pin' querec con pain ca om noc iri'o' con ma'.

Judas 1:15

Ma' ta tomi' xo' tomi' xo' pi' pin xun tococwa oro wari' pain oro carawa ca ara caca pane. Maqui' tara, ma' ta em' hwe, mama' jein cote ne xe ta ac tococwa tara oro co caracat nana pain ca miri'om cocon Iri' Jam pane, je pain oro ca pan teretem nucucun, je pain oro ca tomi' napat nucucun pain ca tomi' napat cocon Iri' Jam pane. Ac i ma' na ca wara tomi' pe nucun Enoque cocon oro co caracat nana pain ca miri'om cocon Iri' Jam.