Lucas 19:15 - Tradução Bíblica Pacaas Novos

¹⁵ Ane miri'om pan tococwa ne. Taramaxicon pe ho' roron ta ac con win ma' nucucun na iri' taramaxicon cwain. In mao ac cain na macaracon. Wa' mao iri na ne, harahap je ac tococwa na co taramaja mi' e' nonon ma', co wara mi' ca pain dinheiro cara pane. Ma' ta taxi' toton pain ca taramaja nucucun ta tata. Am mam' taramaja mam' taramaja hwara' pin cacain quem tata.

Lucas 19:15 Iomraidhean Croise

Mateus 25:19

Pain pain, aram aram in qui' ac ca na taramaxicon nucucun. Tomi' querec ac tococwa na: Ma' carawa ca ara hwe pain dinheiro ne cara pane quem tata.

Lucas 12:48

Noro jun xucun ma' quem, co ara ni nain carawa ca om hohot non taramaxicon nucun ma', xi taxi' cain carawa ca ara ra con ma'. Wap ton paxi' toron taramaxicon nucun, ane om wap tamana ton con ne. Je ca tomi' xuhu' ca' ac tococwa na. Mo ta mi' cuhu' pain oro ca taramaja wa Iri' Jam ma', na e' na pain ca tomi' ha' hun pain. Mo ta mi' tiquin' cuhu' pain oro wirain ca taramaja wa, na e' na pain ca tomi' ha' tiquin' hun pain quem na ca tomi' tococwa ma'.

Lucas 19:14

Ane noc cocon oro win ma' ca ne. Noc nonon pain ca taramaxicon pin ta' ca ma'. Je ca tomi' xo' xucucun: Tora' paric xuxun oro win ma' nexi' cwa'. Hwet ac cocon tara iri' taramaxicon cwain, tomi' ac cocon tara: Noc urut con pain ca taramaxicon pe ho' caparut win ma' nuxut pum ta totoron, tomi' ac i ma' totoron iri' taramaxicon cwain ta nana.

Lucas 19:16

Co tomi' cain' ca ma', xut hwet ac con na. Taramaxicon ne ac con na. Moeda nein ouro ca mi' mapa' pane, mam' taramaja mam' taramaja hwara' pin inain. Ma' 10 pin ac capa' na quem na ca tomi' con ma'.