Lucas 19:12 - Tradução Bíblica Pacaas Novos

¹² Ca' na ca pijim' nucun: Ma' na wari' co hwara' opa ma'. Hwet ton iri' taramaxicon pain xijein macan' pain pira ta ac ca na. Ma' ta mi' capa' pain ca taramaxicon pe ho' toton oro win ma' ne cwa' ta na. Taramaxicon pin iri ta' ne, in qui' ac ta' tara ta na.

Lucas 19:12 Iomraidhean Croise

Mateus 21:38

Ane om tomi' ha' caca co taramaja to nanain totacon ma' ne. Querec iri nonon panxica ne, pain ca xut qui' nucun ma', tomi' xo' ac xucucun na: Wirico co ma' panxica waximain xitot ta xucucun. Mi' pin iri tara cote ca ne, mene pin ac cain tara totain uva ca' xucucun. To' pa' pin xun ta ac xucucun na. Menexi' pin ac ne tara totain uva ca' xucucun. Ma ac xucucun na.

Mateus 28:18

Xut hwet ac caparut na, tomi' ac caparut na: Mi' napa' pain ca taramaxicon wa Te Iri' Jam. Taramaxicon pe pi' pin rain pawin je macan' ta napa'.

Marcos 12:1

Pijim' joc mam' mi' xuhu' cocon oro co taramaja to nanain totain uva ta ac tococwa na, pijim' ac tococwa na: Ma' na wari' pane. Oin' ac cain na totain uva. Tao' caho' ac cain na, xe' ac cain na manain cote ne pacun ca mam' hum' pe xine cominain uva quem. Quep ac cain na xirim ca mao pawin ma' quem, ma' ta piri' pe ca wari' co querec wet nain ta na. Tomi' xo' ac tococwa na co taramaja to taxipa' nanain xitot. Taramaja to jein totain uva ne ca' ac tococwa na. Paca' iri tara memem ne, mene ac hwein tara xijein cacarain ma', mene ac tain tara xijein cacarain ca' quem, ac i ma' tara ca pagar xuhu' pain ca taramaja nuhu' ta ac tococwa na. Mao tain pira ina ta ac tococwa na, mao ac ca na quem.

Marcos 16:19

Taramaxicon nexi' Jeju ma', tomi' ac i ma' iri nonon co taxipa' ca ma' ne, an piri' mao ac tocwa na pain pawin. Xao pe ho' pin ac cain na iri' curucun Iri' Jam.

Lucas 20:9

Pijim' joc mam' mi' ac tococwa na cocon oro co taramaja to nanain totain uva: Ma' na wari' pane. Oin' ac cain na totain uva. Tomi' xo' ac tococwa na co taramaja to taxipa' nanain xitot. Taramaja to jein totain uva ne ca' ac tococwa na. Paca' iri tara memem ne, mene ac hwein tara xijein cacarain ma', mene ac tain tara xijein cacarain ca' quem, ac i ma' tara ca pagar xuhu' pain ca taramaja nuhu' ta ac tococwa na. Mao tain pira ina ta ac tococwa na, mao ac ca na, mon to wet ac cain na i cain.

Lucas 24:51

Pain ca tomi' tomi' wet tococwa ma', piri' ca' ac tococwa na, an piri' mao ac tocwa na pain pawin.

João 18:37

Je ca tomi' xim ca', taramaxicon ma ma' ira ac con na. Wum co tomi' pan nain i ma' ira, pain ca taramaxicon ma mapa' ma' ac con na. Je ca pan' ne ca pije' ne pane, je ca maqui' tain macan' pane. Tomi' hwet toton pain oro ca iri'o' wa oro wari' ta ina pane. Taraju wet nanapa' oro wari' co param nanain ca iri'o' wa quem na ca tomi' ca Jeju.

Atos 17:31

Cwirin' je napari', xi wara an pe xo' ara cain xec pain ca tomi' querec xim capari' pain oro carawa ca ara iri' pain ca e' e' wet nexi' ca'. Tomi' xo' roron, querec pin' roron co em' nana ta, wara tomi' ac i ma' non wari' co wara tora' ca ma'. Wari' co wara tora' ca ma', mi' pin na pane, to' e' mami' ac con na quem. Ma' ta querec pin' hun pain ca wara tora' pan ton ca' napari'. Ac i ma' na ca pijim' cocon oro taramaxicon Paulo pane.

1 Coríntios 15:25

Xi na e' ara ne pain ca taramaxicon taramaxicon cara cain' ca ta, aram aram maqui' pa' ac con tara xec nein ca to' quiji' pin toton cocon oro taramaxicon co noc nonon ma', wiricoco oro jam, wiricoco oro wari' quem, wiricoco oro co noc nonon ma' quem, to' quiji' pin ac tococwa tara.

Hebreus 9:28

Ac i ma' na Cristo pain ca mi' pin nucun quem. Mi' pan xucun con Iri' Jam, om ca ara mami' cain, om ca mi' pin mami' ca quem. Ma' ta to' om pin tain ca caracat nucucun oro wari' co mija nana ta na. Maqui' mami' tarain macan' quem. Maqui' mami' iri tara ne, om ta to' om mami' cain ca caracat nexi'. To' witan xuhu' pain ca winim' mahu' ta napari'.

1Pedro 3:22

Wirico Jeju Cristo co mao nain pawin, pe ho' pin ac cain na iri' curucun Iri' Jam ma' quem. Taramaxicon pe ho' pin ac tococwa na oro jam co taramaja mi' nonon Iri' Jam, cocon oro co taramaxicon nana ma', cocon oro xucucun jam co hwara' opa nana ma' quem.

Apocalipse 1:7

Noro je! Maqui' tara pain tajain nanawin Jeju. Querec querec pi' pin totoron oro wari'. Oro wari' co xucun' pa' nonon quem, querec querec pi' pin totoron. Awaran awaran pi' pin ac caca tara con oro xucucun wari' pain oro xijein macan'. Amém, iri'o' na ca tomi' ne ta.