Lucas 19:10 - Tradução Bíblica Pacaas Novos

¹⁰ Je ca maqui' ta' ca' ac ca na. Wata' pain ca Iri' Wari' ta' ca', hwet inonon oro wari' co an xiho' nonon Zaqueu cwa', co ac ca pan' ara'am caca na pain ca to ni ca' cocon Iri' Jam. Ma' ta pirao' toton, ma' ta to' witan toton ta inonon na ca tomi' tococwa ma'.

Lucas 19:10 Iomraidhean Croise

Mateus 1:21

Pan' qui' ac ca tara cawinacam. O' ma' ac mon tara, Jeju ac mon tara. To' witan toton ara xi' nonon oro win ma' ca ma', mi' toton ara xi' nonon pain ca witan ca' cacain ca wap wa pain ca caracat nucucun quem na ca tomi' con ma'.

Mateus 10:6

Pirao' e' jujun oro wari' nein Israel ma', co an xiho' nanain ovelha ca pan' ara'am ma'.

Mateus 15:24

Om ca hwet roron co om judeu nana ta capa' Iri' Jam quem ac caparut na. Hwet e' roron oro judeu co an xiho' nanain ovelha ca pan' ara'am ca' non waximain napa' ta na ca tomi' caparut ma'.

Mateus 18:10

Ma' tara xumuhu' me ac caparut na. Ta noc camain' huhun oro wari' co an xiho' nonon hwijima' co om hwara' opa nana cwa' me. Je ca tomi' xuhu' ca': Oro jam co taramaja mi' nonon Iri' Jam ma', co querec wet taxipa' nonon ma', tama' to ho' nonon Te co pe pawin cain.

Mateus 18:11

Je ca maqui' ta' ca' ac ca na. Wata' pain ca Iri' Wari' ta' ca', maqui' ina, ma' ta to' witan toton inonon oro wari' co pan' ara'am nana ta naparut.

Lucas 15:32

Na e' na pain ca an hwet xin ca tomi' querec te nexi' pain ca cao' querec te nexi' ca'. Xi in qui' ara ca coxa' ma cwa'. Mi' pin tara paxi' urun pane. Ane in qui' ca ne. Ac ca e' mami' ca na. Pan' am tara paxi' urun pane quem. Ane in hwet capari' ne. Ac ca mam' xun na ta na ca tomi' con panxica ma'. Ac i ma' na ca pijim' tococwa pane.

Lucas 15:8

Am ma' cama narima' ma', co ma' 10 nam moeda nein dracma ma' ac tococwa na. Pan' am xica' pe ac ne na cam. Cain' cain' xira quem? Om ta pirao' camain ra? Pirao' tain tara. Tom tarain naran, ton ho' ac camain tara xiricam, pirao' pirao' mam' ac camain tara quem.

João 3:17

Hwet roron oro wari' ta ara xi' napa' Te pahu' pane. Ma' ta to' witan momon napa' pahu'. Om ca tomi' ca' capa': Hwet roron, ac juiz ra cocon, em' hwe, xi om ne ca caracat nuhu' ta roron, om ca tomi' ac i ma' capa' pahu', om na. To' witan roron ta napa' pahu'. Je ca hwet roron capa' pahu' pane.

Romanos 5:6

Je ca tomi' xuhu' ca'. Pain ca ximin ximin wet nexi' pain ca om quep xiho' taxi' xijexi' pane, maqui' ac ne na xec nein ca wara an pe xo' ca Iri' Jam pane. Mi' pin caho' ac capari' na Cristo. Ma' ta quep xiho' xuhu' pain ca caracat nuhu' ma', pain ca miri'om hun Iri' Jam ta napari'.

Hebreus 7:25

Je ca ha' con pain ca to' witan cara capari' pain ca to' wixicam pin capari' con Iri' Jam. To' witan cara napari', xi e' cara pan ara ca ta. Ma' ta tomi' mi' xuhu' con Te ta napari'.