Lucas 18:7 - Tradução Bíblica Pacaas Novos

⁷ Quep xiho' tam ta na. Om ta ac i ma' ca Iri' Jam quem ra? Om ta quep xiho' cocon oro wari' nucun co wara tora' ca ma', co tama' quep xiho' xut cocon oro wari' co mixein nanaparut cwa' nonon pain xec je pain xim quem ra? Miri'om cara totoron ra? Om ta miri'om cara cocon ta.

Lucas 18:7 Iomraidhean Croise

Mateus 24:22

Mo xi om to' wijimain pin cain oro xec nein ca jain jain nucucun oro wari' Iri' Jam ma', om xi witan camain' caca. Ane to' wijimain pin tain cain ne. Xi ma' ara caca oro wari' nucun co tora' ca ma'.

Mateus 7:11

Je ca tomi' xuhu' ca' ac tococwa na. Wahu' pain ca wari' hwe ma', caracat paxi' hwe, ane ma' ne xumuhu' ne. Xiram pa' taxi' huhun mana panxihwe pain ca mi' e' huhun pain carawa ca awi. Cain' cain' ca Cotere' co pe pawin cain quem? Om ta xiram pa' tamana pan ca quem? Om ta mi' cocon pain carawa ca awi oro wari' co mi' ne nonon pain ra? Mi' pan totoron pain ta.

Lucas 11:13

Je ca tomi' xuhu' ca' ac tococwa na. Wahu' pain ca wari' hwe ma', caracat paxi' hwe, ane ma' ne xumuhu' ne. Xiram pa' taxi' huhun mana panxihwe pain ca mi' e' huhun pain carawa ca awi. Cain' cain' ca Cotere' co pe pawin cain quem? Om ta xiram pa' tamana pan ca quem? Om ta mi' cocon pain Tamataracon oro wari' co mi' ne nonon pain ra? Mi' pan totoron pain ta na ca tomi' tococwa ma'.

Lucas 2:37

Om ca an mami' con tarama' Ana. Wara tiquin' mao na cawaxi' nequem quem, ma' 84 na cawaxi' nequem. Om ca paca' camain' camain ca tao' caho' ne cote ne xiricon Iri' Jam. In ac taxipa' non Iri' Jam pain ca pe torotop mi' querec te con. An pe taxipa' nain ca cao' wa pain ca tomi' con, je cwerequem, pain xec je pain xim quem.

Lucas 21:28

Je ca tomi' xuhu' ca' ac tococwa na. Hwet pin ta' iri tara oro i cara ca tomi' ta' ne, om ta na ne pain ca jin' hwe. Hwara' opa je. Tomi' querec te je quem. Xi om ne ca wixicam pin ta' ara ne xec pain ca to' witan pin xim xihwe ta na ca tomi' tococwa ma'.

Romanos 8:33

Tora' napari' Iri' Jam. Ma' tara wari' co tomi' em' napari' con Iri' Jam ra? Om na ta. Wirico Iri' Jam ara xi' na co wara to' hohot pin napari' ta.

Colossenses 3:12

Tora' nuhu' Iri' Jam, iri' wari' ne nuhu'. Om ca noc camain' cuhu'. Je ca hohot ne pain ca xiram pa' tamana xujuhu' ma'. An hwet mi' xujuhu' pain ca awi wa. Ta xec xec hwe me ta. Tomi' wixite xujuhu'. Tomi' pan hot xujuhu' quem.

1 Tessalonicenses 3:10

Tama' tomi' urut con pain xec je pain xim quem. Jain jain urut con, tomi' mip ca' urut con pain iri' xumuxut ca': Mi' xut pain ca querec mami' urut cocon pain iri' curucucun ta urut con pahu'. Mi' xut pain ca quep xiho' urut cocon pain capijam ca om taraju pa' querec caca ma', ma' ta hwara' opa cara caca pain ca howa nucucun ta urut con pahu'.

2 Tessalonicenses 1:6

Hohot na oro ca ara nucun Iri' Jam ma', tama' ara xo' na. Je ca taxi' xun pain ca to' i'ina toton cocon oro wari' co to' i'ina nunuhu' ma'.

1 Timóteo 5:5

Narima' co mi' pin ca' nam taxicam ma', co om ma' camain' ca nari nequem co querec wet nam ma', howa non Iri' Jam pain ca xiram pa' cam ma'. Winim' non pain ca mi' cam pain carawa ca om nam. Tomi' taxipa' non pain xec je pain xim quem. Xiram pa' ne ta Te Iri' Jam, mi' ne pain carawa ca om napa' ca' non.

2 Timóteo 1:3

Tomi' querec te inon Iri' Jam co in ac ta' cwa', pain ca tomi' ha' iri'o' ton pain iri' xumu pain ca taramaja mi' ton ca'. Win caca oro hwanana nexi' pain cara pane, ac i ma' na pain ca in ac ton Iri' Jam ca'. Tomi' querec te inon pain ca tomi' mi' xim con. Tama' an hwet mi' inon pain wuxum, pain xec je pain xim quem. Tomi' querec te inem con ta inon pum.

2 Timóteo 2:10

Je ca quereme tain oro ca to' i'ina napa' ca'. Ma' ta quep xiho' toton oro wari' co tora' ca Iri' Jam ta ina. Quereme inain oro ca to' i'ina napa' ca'. Ma' ta to' witan pin tococwa pain ca howa cocon Cristo Jeju ma' inonon. Ma' ta mi' tococwa pain ca e' cara wa pain ca to ho' cara cocon Iri' Jam pain pawin cain.

Tito 1:1

Paulo ina pain ca xirao' mi' xim ca'. Wari' nucun Iri' Jam ina pain ca taramaja mi' e' ton ca'. Apóstolo ra napa' Jeju Cristo quem, pain ca tomi' hwet roron pain capija oro wari' ta capa' pane. Quep xiho' roron oro wari' co tora' ta' cwa' napa' pane. Ma' ta howa xo' cacapa' ta napa' cocon. Ma' ta taraju pa' cacain capija ca iri'o' ca', ca ca' na nonon pain ca xuruxut xo' taxi' wa pain ca win xumu e' cacain ca param ne ta napa'.

1Pedro 1:1

Pedro ina pain ca xirao' mi' xuhu' ca'. Apóstolo ra napa' Jeju Cristo pane, pain ca tomi' hwet roron pain capija oro wari' capa' pane. Xirao' mi' inuhu' pain ca wara tora' cuhu' Iri' Jam pane. Ac ca tatirim to hwein na oro macarahu' ma', pain Ponto, pain Galácia, pain Capadócia, pain Ásia, je pain Bitínia ma' quem.

2 Pedro 3:9

Xi ma' ara caca oro wari' co coromicat ca' nana: I'ina na Iri' Jam, xi ara pin cain ca wara tomi' pe nucun ta nana. Ane om i'ina ca ne, om ca om om ca. Winim' cara e' nuhu'. Noc noc xam' napari' pain ca pan' ara'am iri' pain ca wap xim capari'. Param e' napari' pain ca cwirin' cwirin' pi' pin xin ca caracat nexi' ta.

Apocalipse 18:20

Merem ac tococwa tara oro wari' nucun Iri' Jam: Wahu' pain ca to hwein pawin ma', tomi' querec te tamana je! Wahu' quem, pain ca wari' nucun Iri' Jam hwe ma', wahu' quem oro apóstolo cocon oro profeta ma' quem, tomi' querec te tamana je! Wap pin nonon oro wari' nein Babilônia Iri' Jam ma', wap pin nonon oro co an xiho' nanam caxicam narima'. Xi om ne ca quep em' ara cuhu' pane ta. Ac i ma' tara ca merem tococwa ma'.

Apocalipse 6:10

Merem mip ca' nana: Cain' cain' ta' ma ma' quem Iri' Taramaxicon co iri'o' ma', co awi tamana pain ca pe ni ca' main ca caracat wa ma'? Cain' cain' ta' ma ma' quem? Je xi wap hap momon oro wari' co to nanain oro xijein macan' quem? Em' hwe, mama' jein cote ne xe ta ximomon quem? Win ne ca to' parapa' pin cacaparut pane, ac i ma' na ca merem mip cocon ma'.

Apocalipse 7:15

Je ca coco' quima hwet cacain ca mam' xao pe ca Iri' Jam ma' ac capa' na. In ac to nonon pain xiricon ma', pe torotop mi' querec te nonon pain xec, je pain xim quem. Co ma' co xao pe pe nain ca mam' xao pe nucun ma', pe ho' cara totoron, querec wet cara totoron quem.