Lucas 18:4 - Tradução Bíblica Pacaas Novos

^4-5 Tama' tomi' ho' tomi' ho' paxi' non, ane om ha' cam ne. Om ca quep xiho' ram ha' ca. Aram aram tomi' pan ac xucun na: Mija a xira narima' cwa'! Om paxi' na ca jin' ton Iri' Jam. Om paxi' na ca xiram pa' toton oro wari' ma' quem. Miri'om e' inonon co xiram pa' xut nanapa' ma' quem. Ane to' i'ina capa' pain ca tama' tomi' ho' tomi' ho' capa' cam cwa' ne. Quep xiho' tam ta. Tomi' querec xo' ton, am iri'o' ne pain ca mixein cam ma'. Mo ta querec pin' ton pain ca em' nucun pain ca mixein cam ma', tomi' mi' ac ton tara pain ca wap wa ta na, ac i ma' na ca pijim' tococwa cam narima' con juiz ma'.

Lucas 18:4 Iomraidhean Croise

Lucas 12:17

Coromicat ac xucun na: Cain' cain' xita' quem? Om ara xi' napa' xirim ca an to xo' tain oro caramaji tota ta na ca coromicat xucun.

Lucas 16:3

Noc pin napa' pain ca taramaja mi' mami' ton taramaxicon ne cwa' ac xucun na co querec wet nain caramaxicon ma'. Cain' cain' xita' quem ac xucun na. Om ca taramaja ac ta' pain xitot, xi hwara' opa ta' ta. Wixipa' xita' pain ca tama' mi' xine toton pain dinheiro je oro carawa oro wari' ma' quem, ac i ma' na ca coromicat pan xucun.

Lucas 18:2

Ca' na ca pijim' tococwa ma': Ma' na wari' co juiz pe ho' nonon oro win ma' ca pain cidade nucucun. Om ca jin' camain' con Iri' Jam, om ca xiram pa' camain' tococwa oro wari' quem.

Lucas 18:3

Ma' na narima' co pe nain cidade nucucun ma'. Wara mi' pin ca' nam taxicam. Tama' hwet ho' hwet ho' non juiz ma'. Jain jain na pain ca tomi' con. Quep xiho' ne con wari' co mixein napa' ma' me. Tomi' xo' ron, nain ho' ne con me na ca tomi' con ma'.

Lucas 20:13

Cain' cain' xita' ne ac xucun na waximain xitot ma'. Coromicat pan ac ca na, tomi' ton panxita' cwa', co om noc camain' ta' cwa'. Hwet roron quem arain, cut pan rain memem ne cocon ta ton. Am tomi' ha' cocon quem paxi' na ca coromicat nucun cote ca ira.

Hebreus 12:9

Noro jujun mana cotere' pain macan' ca' quem. Hu xo' nanapari', tomi' xo' nanapari' pain ca tomi' cacain tarajixi'. Tomi' ha' ac ururun na quem. Je ca tomi' xuhu' ca'. Na e' na pain ca tomi' ha' xun Cotere' co pe pawin cain. E' cara ac iri' tara quem.