Lucas 18:38 - Tradução Bíblica Pacaas Novos

³⁸ Merem pan ac ca na: Jeju. Winacon Davi. Xiram pa' ne ta Jeju na ca merem nucun.

Lucas 18:38 Iomraidhean Croise

Mateus 12:23

Wa wa ac cocon na oro wari' co querec nanain i ma'. Winacon Davi tara co cwa' ra, co wara tomi' pe ca Iri' Jam pane ra? Wirico tara ra nonon.

Mateus 15:22

Maqui' ac cama na narima' co om judeu ma'. Wari' nein Canaã na. Xut hwet ac con na Jeju, merem ac con na: Taramaxicon ne! Winacon Davi! Co hwanana ne non Davi cara pane! Wum co wara tomi' pe ca Iri' Jam pane ta. Xiram pa' ne cam caina cwa'. Ximin na. Corom pe ho' nam caxicon jam ta non.

Mateus 21:15

Oro taramaxicon nucucun oro sacerdote ma', cocon oro co ca' na taxipa' nanain ca xirao' nucun Moisés ma' iri nana ne, mana' tamana ac caca na pain ca querec cacain ca ara ca Jeju ma', pain ca quep xio pin cocon co caxi nana ma'. Mana' tamana nana pain ca taraju cocon oro hwijima' pain ca merem to cacain ca tao' caho' nein xiricon Iri' Jam ma' quem, pain ca in ac xun Winacon Davi ta caca ma'.

Mateus 21:9

Merem ac caca na oro wari', wiricoco co o nonon ma', wiricoco co maqui' nana pa'ao' ma' quem, merem ca' nana: In ac xun Winacon Davi cwa'. Tomi' querec te xun co cwa' co mam' maqui' nain ca hwara' opa nucun Iri' Jam cwa'. In ac xun Iri' Jam co pe nain iri' pawin cwain ta. Ac i ma' na ca merem nucucun.

Mateus 9:27

Mao ta' ta iri na Jeju ne, ja' ja' ac cocon na caram ma' co om tococon. Ma' 2 nana. Merem ac caca na: Xiram pa' xut ta Winacon Davi na ca merem nucucun ma'.

Lucas 18:37

Om na, maqui' na Jeju ma', co wari' nein Nazaré ma' ac cocon na.

Lucas 18:39

Oro wari' co o nana ma', tomi' in pin ac cocon na. Merem maho' ra ta paxi' nonon, ane om ha' ca ne. Merem merem tiquin' na, merem mip na: Winacon Davi. Xiram pa' ne ta Winacon Davi na ca merem nucun.

Romanos 1:3

Pain ca tomi' capari' pain capijacon ca tomi' hwet napari' pain ca to' witan xim capari' ca', tomi' hwet napari' con Panxica. Pain ca wari' nucun Panxica pane, hwanana ne non taramaxicon Davi cara pane.

Apocalipse 22:16

Wata' pain ca Jeju ta' ca', mam' inuhu' con jam co taramaja mi' napa' ma'. Tomi' hwet roron pain oro carawa ca maqui' pa' toton nonon pain ca cut in taxipa' xucucun pain ca howa cacapa' ta inon pahu'. Wata' co iri' winacon taramaxicon Davi co tomi' pe ca Iri' Jam pain cara pane. An xiho' inon pijo' co toc meremem mip ma', co hwet na pain xo' xec. Ac i ma' na ca tomi' ca Jeju.