Lucas 18:37 - Tradução Bíblica Pacaas Novos

³⁷ Om na, maqui' na Jeju ma', co wari' nein Nazaré ma' ac cocon na.

Lucas 18:37 Iomraidhean Croise

Mateus 2:23

To pin ac cacamain na Nazaré cain, je i ma' wixinain cidade ca to pin cacama pane. Ma' ta hwet pin ne capija ca wara tomi' pe ta' pane, pain ca tomi' hwet rain ta toton oro profeta pane na Iri' Jam. Ca' na con pane: Maqui' tarain Nazaré wari' co wara tomi' pe ta' cwa'. Ac i ma' na ca tomi' pe nucun pane.

Lucas 18:36

Taraju iri tata oro wari' co xuruxut tiquin' ca' nonon ma', tomi' querec ac ca na: Ma' carawa pahu'? Para mija hwe pain ca xuruxut tiquin' ca' mahu' ma' na ca tomi' querec tococwa ma'.

Lucas 18:38

Merem pan ac ca na: Jeju. Winacon Davi. Xiram pa' ne ta Jeju na ca merem nucun.

Lucas 2:51

Hwet ac tacacama na, xuruxut xuruxut in mama' ac cacamain na Nazaré. Tomi' ha' nanam quem. Jicon ma', om ca ji'am pin camain i ma' ca ara ne con cawinacam ma'. Mam' pe wet cara nain.

João 1:45

Pirao' ac con na Natanael Filipe. Tomi' ac con na: Mam' urut con co xirao' pe ca Moisés pain ca xirao' pe cain oro capijacon Iri' Jam ca tomi' ha' je capari' pane, co xirao' pe caca oro profeta pane quem. Mam' urut con. Jeju na wixicon. Panxica José na. Maqui' nain Nazaré ta na ca tomi' con ma'.

João 19:19

Pilatos ma', wara tomi' xo' nonon oro soldado nucun ira: Xirao' pe jein wixicon pain pana ma', tatatain mi' ac hwein tara pain tamain panaxicon pain winacon quem. Ca' tara ca xirao' nein pahu': Jeju co maqui' nain Nazaré. Taramaxicon nucucun oro judeu ta tara ca xirao' nein pahu' ta nonon. Ara ac cacain na.

Atos 2:22

Taraju wet xine me oro win ma' ne pain ca wari' nein Israel iri' ca' ac cocon na oro wari' Pedro. Tomi' hwet xuhu' con Jeju cara pane, co maqui' nain Nazaré pane. Taxi' hun pain ca tora' iri'o' con Iri' Jam pane, xi mi' ara con pain ca ara cain carawa ca om ara taxi' ne ca wari' wa pane. Wa wa tamana hun quem. Xi querec ara hun pain ca ara cain ta. Querec pin' hun pain ca hwara' opa nucun quem.

Atos 4:10

Je ca tomi' urut pahu' ca', taraju pa' jein ca tomi' urut pahu' ca'. Taraju pa' taraju pa' pi' pin tatara oro win ma' nexi' pain ca wari' nein Israel iri' quem. Xio pin na wari' cwa', co xat ja' pan nuhu' cwa'. Ca hwara' opa nucun Jeju Cristo co maqui' nain Nazaré pane, je i ma' pan na ca to' xio pin non ma'. Tatatain mi' paxi' hun pain pana pane, ane to' e' mami' con Iri' Jam ne.

2 Coríntios 6:2

Xi ma' ara ne ca xirao' pe xine ca tomi' nucun Iri' Jam ta. Ca' na con: Maqui' iri napa' xec nein ca xiram pa' xim xim ne, ha' ac xim na pain ca tomi' mapa' ma'. Maqui' iri napa' xec nein ca to' witan xim xim ne, quep xiho' ac xim na quem, ac i ma' na ca xirao' pe xine ca tomi' nucun Iri' Jam pane. Je ca tomi' xuhu' ca'. Taraju wet je e'. Maqui' pin na xec nein ca xiram pa' pin xim capari' Iri' Jam ca'. Maqui' pin na xec nein ca to' witan pin xim capari' quem.