Lucas 18:32 - Tradução Bíblica Pacaas Novos

³² Tan' mama' iri xi' ne, quep ac cacapa' tara co noc nanapa' ma'. O mi' ac cacapa' tara cocon oro taramaxicon nucucun co om judeu nana ma' quem. Tatam' tatarapa', tomi' xirac ac cacapa' tara. Tomi' napat tatarapa', cupa' mi' tatarapa', wap ac cacapa' tara, to' pa' pin ac cacapa' tara quem.

Lucas 18:32 Iomraidhean Croise

Mateus 16:21

Je i ma' xec nein ca tomi' xo' pin caparut Jeju pane. Tomi' xo' pin naparut pain ca taxipa' urut con ca'. Tomi' ho' tomi' ho' ac caparut na. Na e' na pain ca mao tain Jerusalém ta. Wa' mao iri tain i cain ne, quep em' ac cacapa' tara oro taramaxicon nexi' pain ca judeu iri' ca', cocon oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés. To' jain jain tamana tatarapa', to' pa' pin ac cacapa' tara. Ma' 3 pin iri tarapa' xec pain ca mi' pin ne ne, e' mami' ac ta' tara ta na ca tomi' xo' caparut ma'.

Mateus 20:19

O mi' ac cacapa' tara cocon co om judeu nana ma' quem. Tatam' tatarapa', tomi' xirac ac cacapa' tara, wap ac cacapa' tara quem. Tatatain mi' ac cacapa' tara pain pana, wa wa mi' pin pe ac tain tara. Ma' 3 pin iri tara xec pain ca mi' pin ne ne, e' mami' ac ta' tara ta naparut.

Mateus 22:6

Oro xucucun ma' iri nana ne, quep ac cocon na oro wari' nucun taramaxicon, to' to' ac cocon na, to' parapa' pin ac cocon na quem.

Mateus 26:67

Ma' ac caca na co cupa' nonon pain tocon ma', to' to' ac cocon na. Ma' ac caca na oro xucucun co wap nonon quem.

Mateus 27:2

Pao' pe ac cocon na, an mao ac cocon na, o mi' ac cocon na con taramaxicon Pilatos.

Marcos 14:65

Ma' ac caca na co cupa' nonon ma'. Tatep pa' nanain tocon, to' to' ac cocon na quem. Ma' co to' nem cwa' quem? Tomi' hwet rain wixicon co to' nem cwa' ta nonon. An mao ac cocon na oro guarda ma', wap wap ac cocon na quem.

Marcos 15:1

Xec pin iri na ne, pain iri' xo' xec ma', tomi' xo' ac xucucun na oro taramaxicon pain ca Sinédrio caca ma'. Mo nana: Oro taramaxicon nucucun oro sacerdote ma', oro xucucun taramaxicon nuxut pain ca judeu urut ca', oro co ca' na taxipa' nanain ca xirao' nucun Moisés ma' quem, tomi' xo' tomi' xo' pi' pin ac xucucun na. Pao' pe ac cocon na Jeju, an mao ac cocon na, o mi' ac cocon na con taramaxicon Pilatos.

Lucas 18:33

Ma' 3 pin iri tara xec pain ca mi' pin ne ne, e' mami' ac ta' tara ta na ca tomi' tococwa ma'.

Lucas 23:1

Maji ta ac caca na oro taramaxicon co cut in to xucucun pain i ma', an mao ac cocon na Jeju. O mi' nonon con taramaxicon Pilatos.

Lucas 23:11

Tatam' ac con na Jeju Herodes cocon oro soldado nucun ma'. Tatam' tatam' nonon, tomi' xirac nonon quem. Mixein mixein nonon pain ca pe cocon con cote ca wom co awi tamana ma', co ac womicon taramaxicon ma'. O mi' mami' jun con Pilatos cwain ta ac tococwa na.

Lucas 23:35

Noro nana oro wari' co coco' to nanain i ma' quem. Oro taramaxicon ma' quem, tatam' nonon Jeju, tomi' xirac ca' nonon: Quep xiho' nonon oro wari' pane. Mo xi Cristo ca, mo xi wara tora' iri'o' con Iri' Jam pane, je i ma' xira ca quep xiho' pan xucun quem na ca tomi' xirac cocon ma'.

João 18:22

Tomi' iri nain i ma' ne, wap ac cain tocon na guarda co xat pe nain i ma'. Tomi' xo' ximon sacerdote co iri' taramaxicon ta non.

João 18:28

Iri' xo' xec pin na. Oro taramaxicon nuxut pain ca judeu urut ma', maji ta, paca' ac cacain na xiricon Caifás ma', an mao ac cocon na Jeju pain xiricon taramaxicon nucucun oro romano. Ane om corom caca ne. Tomi' ca' xucucun: Mo ta corom mama' xin xiricon tatirim cwa', em' pin ac iri' tara, om ac ne tara ca na capari' pain ca cao' xin carawa nein ca tomi' querec te nexi' pain xec nein Páscoa ca' nana. Je ca hwerehwet to ca' cacain xiricon taramaxicon.

João 18:30

Mo xi om pan tem ca, om xi o mi' urut pum con ta ac cocon na.

João 18:32

Tomi' nanain i ma', ma' ta hwet pin ne ca wara tomi' pe nucun Jeju pane, pain ca tomi' mi' cain ca mi' pin ta' nucun pain ca tatatain mi' xun cocon pain pana.

João 18:35

Xi judeu ta' ta ac ca na Pilatos. Wiricoco ara xi' nana oro win ma' nem cocon oro taramaxicon nucucun oro sacerdote co o mi' nanapa' pum ta ac con na. Ma' carawa ca ara ma quem ac con na.

Atos 2:23

Iri' Jam ma', wara an pe xo' nain ca coromicat nucun pane, pain ca main quep totoron ta cuhu' con. Je ca om narain ho' cuhu' con. Quep hun, to' pa' pin jun ta ac huhun na oro caracat co om tomi' ha' camain' nonon Iri' Jam. Tatatain mi' ac cocon na pain pana.

Atos 3:13

Om na ta! Ca hwara' opa pan nucun Iri' Jam ta, co Iri' Jam ne caca hwanana nexi' cara pane, Abraão con Isaque con Jacó cara pane, wirico pan na co quep xio pin non wari' cwa', wirico co an hwet mi' nuhu' pain ca hwara' opa tamana nucun Jeju cara pane, co taramaja mi' taxipa' non pane. Quep jun Jeju ta huhun oro taramaxicon nuhu' pane, o mi' ac cocon na con taramaxicon Pilatos quem. Ma' ta to' pa' pin cocon oro soldado nem ta nonon pane. Om pin ton paxi' non Jeju Pilatos pane. Ane tomi' napat pan hun ne. Noc urut con ta hun.