Lucas 18:23 - Tradução Bíblica Pacaas Novos

²³ Taraju iri nain i ma' ne, tomi' xaxa' ac ca na, xi caramaju tamana ara ca ta.

Lucas 18:23 Iomraidhean Croise

Mateus 19:22

Taraju iri nain i ma' ne, in ca' ac con na Jeju, tomi' xaxa' mao ac ca na quem, xi caramaju tamana ara ca ta.

Marcos 10:22

Hehe ac ca na. Om ca taraju hohot con ca tomi' nucun Jeju. In ca' ac con na, tomi' xaxa' mao ac ca na, xi caramaju tamana ara ca ta.

Lucas 12:15

Tomi' ac tococwa na oro wari': Ma' tara xumuhu' me. Ta param ximama' hwein oro caramaxicocon oro win ma' nuhu' me ta. Ta caramaju xixi' na urut me camain' hwe me ta. Xi to' e' taxi' capari' ca ma' mija capari' oro carawa ta na ca tomi' tococwa ma'.

Lucas 18:22

Taraju iri non Jeju ne, pain ca tomi' ac i ma' ca ma', tomi' ac con na: Ma' ma' wet na carawa ca om ara querec ma ma' non. Vender vender pi' pin rain oro caramajum. Cut iri rain dinheiro nein ne, cut mi' ac momon pain tara co om nonon carawa. Caramaju pe ac main tara pawin cain. Cut mi' cut mi' pi' pin iri roron pain dinheiro nem ne, in hwet ac mapa' tara, ja' ja' ac mapa' tara ta na ca tomi' con ma'.

Lucas 18:24

Querec iri non Jeju ne, pain ca tomi' xaxa' tamana nucun ma', tomi' ac ca na: Oro wari' co caramaju nana ma', i'ina tamana nonon pain ca xin ne cocon Iri' Jam pain ca taramaxicon pe ho' toton cocon ta.

Lucas 19:8

Ane tequi' pe ca Zaqueu ne, tomi' ac con na Taramaxicon nexi': Taraju wet ne e' Taramaxicon ac con na. Oro caramaju ca', an to ni an to ni tain, 2 tara ca an to ni nein pata'. Wirain ca pe ho' xim napa', an xiho' tarain wirain ca mi' toton oro wari' co ximin nana ma', co om nonon carawa. Oro wari' co an noc xa ta' pane quem, pain ca cut noc xa 100 tain dinheiro nucun xucun pane, cut in mi' 400 ac ton pain tara. Pain ca cut noc xa 1.000 tain dinheiro nucun xucun pane quem, cut in mi' 4.000 ac ton pain tara quem na ca tomi' pe con ma'.

Lucas 21:34

Ma' tara xumuhu' me ac tococwa na. Ta win xumu e' hwein oro ca tamanain to wa pain ca toc ximama' wa ca mana' nein tocwa me. Ta toron ximama' ne xumuhu' pain oro ca to' i'ina nuhu' quem me. Mo ta xuruxut ximama' ac i ma' hwe, mo ta om winim' xo' mahu', ane ane hwet pa' ac cuhu' tara xec nein ca in qui' ta' ne.

Lucas 8:14

Carawa ca ara nain tocwi trigo ca camara' to nain pi ma', tomi' joc mam' mi' nain carawa ca ara nonon oro wari' co taraju paxi' nanain capijacon Iri' Jam. Pain pin iri na ne, ma' ac ne na oro ca to' i'ina nonon. Win ne tocwi trigo pain ca mo' nein pi ma', ac i ma' na ca to' i'ina tococwa ma'. Toron toron na ximicocon, coromicat ni ca' ac cacain na capijacon Iri' Jam, win xumu win xumu ac cacain na oro caramaji macan' je oro ca param ximama' nucucun ca mam' tomi' querec te caca ma' quem. Om ca horon tiquin' caca pain ca howa nucucun.

Efésios 5:5

Taxi' jein i ca' quem: Ximin tara wari' co quep nam xequem narima', ximin tara narima' co quep ne non xucun tarama' ma' quem. Ximin tara co coromicat ximao nain quem. Ximin tara wari' co param ximao nain oro carawa ca om awi ma'. Param ximao iri nain oro caramaji macan' wari' ma' ne, ac ca howa cain na, ac Iri' Jam non carawa ca param ximao ca ma'. Wari' co ac i ma' ma', om ta mao camain' cain ca taramaxicon pe ca Cristo con Iri' Jam ta.

Filipenses 3:8

Om ca noc xica' pe tain oro ca ara ta' cocon hwanana ne pane, noc noc pi' pin inain oro ca hohot napa' pane quem, xi om ne ca hohot tamana pin ara capa' Taramaxicon ne Cristo Jeju ta. Noc pin inain, om ca howa mami' tain oro ca ara ta' pane. Ac oro carawa ca wixicaracao' pin wa ma' napa', noc pin inain ta. Ma' ta iri' wari' nucun Cristo ta' ina, ac i ma' pin na ca coromicat ne ca'.

Colossenses 3:5

Je ca tomi' xuhu' ca'. To' om pin jein oro ca param pan teretem ne wara curuhu' ma', ac ca to' parapa' pin hwein tara. Ta quep hwem xequem narima' me. Wahu' quem, pain ca narima' hwe ma', quep e' turuhu' taxuhu' ma'. Ta mam' pe wet hwein oro ca quep ximama' wa me. Ta jain jain hwein oro ca om awi wa me. Ta param hwein ca pan teretem wa me. Ta param ximama' hwein oro carawa me. Wari' co param ximama' nanain oro carawa ma', ac ca Iri' Jam ne cacain na.

1João 2:15

Ta win xumu hwein oro ca om hohot non Iri' Jam pain macan' ca' me, ta win xumu hwein oro ca param ximama' caca oro caracat co to nanain macan' ca' quem. Wari' co win xumu nain oro ca om hohot non Iri' Jam pain macan' ca', om ca win xumu con Cotere'.