Lucas 18:22 - Tradução Bíblica Pacaas Novos

²² Taraju iri non Jeju ne, pain ca tomi' ac i ma' ca ma', tomi' ac con na: Ma' ma' wet na carawa ca om ara querec ma ma' non. Vender vender pi' pin rain oro caramajum. Cut iri rain dinheiro nein ne, cut mi' ac momon pain tara co om nonon carawa. Caramaju pe ac main tara pawin cain. Cut mi' cut mi' pi' pin iri roron pain dinheiro nem ne, in hwet ac mapa' tara, ja' ja' ac mapa' tara ta na ca tomi' con ma'.

Lucas 18:22 Iomraidhean Croise

Mateus 19:21

Tomi' ac ca na: Mo ta iri' wari' xita' na ma ma', mo ta an xiho' ton Iri' Jam ma pain ca om noc cocon oro wari' ma' quem, mo vender vender pi' pin ac main tara oro caramajum. Cut iri rain dinheiro nein ne, cut mi' ac momon pain tara co om nonon carawa. Caramaju pe ac main tara pawin cain. Cut mi' cut mi' pi' pin iri roron pain dinheiro nem ne, in hwet ac mapa' tara, ja' ja' ac mapa' tara ta non.

Lucas 10:42

Ane ma' xica' pe ne carawa ca ara ra xim ca' ne. Na e' na pain ca taraju wet mapa' pain ca ca' na tain capijacon Iri' Jam ta. Je ca param cama coxa' ma cwa', taraju wet napa' pain ca ca' na tain capijacon Iri' Jam. Carawa ca param cama ca', pain ca taraju wet capa' ca', awi tiquin' ca' nain carawa ca ara pan ma ma' quem, pain ca hoc main carawa ca cao' xi' iri' ma'. Om ta tomi' in pin tam pain na ca tomi' cam ma'.

Lucas 12:33

Je ca tomi' xuhu' ca': Vender jein caramajuhu' ma'. Cut iri jein dinheiro nein ne, mi' mi' ac huhun pain tara oro wari' co om nonon carawa. Ma' ac cuhu' tara oro carawa ca om pi' ra ha' ma'. Ac ca cut in xo' tamana hwein tara carawa pain pawin cain. To wet cara ac ne tara quem. Om ara xi' nain i cain wari' co cut noc xa tain nain oro caramajixi', om nain i cain oro caxicon tohoro' co cao' nain quem.

Lucas 16:9

Je ca tomi' xuhu' ca' ac tococwa na. Xiram pa' jujun oro wari', mam' xiram pa' jujun pain oro carawa ca cut hwe pain macan' ca'. Om pin iri turuhu' oro carawa ne, pain ca cono' pin xi' hwe ma', tomi' querec te pan ac cucuhu' tara pain ca aram aram to pin xin hwein pawin cain ta na ca tomi' tococwa ma'.

Lucas 18:21

Om na, tama' tomi' ha' tomi' ha' pi' pin inain i ma' ta. Tomi' ha' qui' inain pain ca pije' ne pane ac con na.

Lucas 18:23

Taraju iri nain i ma' ne, tomi' xaxa' ac ca na, xi caramaju tamana ara ca ta.

Lucas 9:23

Tomi' tomi' pi' pin ac tococwa na oro wari'. Wari' co ja' ja' xim napa' ma', miri'om ac cain tara ca param nucun. Miri'om tarain ca param nucun pain oro xijein xec. Om ta xiram pa' camain' cain curucun pain ca jin' cain ca mi' pin wa. Ac ca an tiquin' pan cain tara panaxicon ca mam' tatatain mi' xun tocwa ma'. Ja' ja' ac capa' tara ta.

Filipenses 3:13

Tomi' ca' inuhu' ta xere: Om ca coromicat mi' xije pain ca ma' pin capa' oro ca ara mi' xim capa' ca'. Om ca coromicat mi' xije pain ca iri' wari' pin ta' ca' quem. Ma' xica' pe na carawa ca ara ta' ta' ca': Om ca mam' pe wet mami' tain oro carawa ca ara napa' pain cara pane. Win xumu e' inain oro carawa ca ara xim napa'.

2 Pedro 3:8

Je ca tomi' xuhu' pain ca tomi' querec te xuhu' ca'. Ta ji'am pin hwein i ca' ca tomi' xim xuhu' ca' me: Ca xica' pe nein xec ma', je pain ca 1.000 nein cawaxi' ma' quem, an an ari na con Taramaxicon Iri' Jam. Om ca querec pira con ca 1.000 nein cawaxi'. Ac ca xica' pe ne na xec con.