Lucas 18:20 - Tradução Bíblica Pacaas Novos

²⁰ Taxi' ara xi' main oro capijacon Iri' Jam ca tomi' ha' je capari' pane. Ca' na con: Ta quep mam manacon win ma' ma me ta. Ta to' pa' mon wari' me ta. Ta an noc xa ma me ta. Ta tomi' mixein mi' mon pain ca em' wa win ma' ma me ta. Tomi' ha' ron cote ma cam jim ta, ac i ma' na ca tomi' ha' je capari' ta na ca tomi' xo' con ma'.

Lucas 18:20 Iomraidhean Croise

Lucas 18:19

Para awi ma mapa' quem ac con na. Om na wari' co awi. Xica' pe na Iri' Jam co awi.

Lucas 18:21

Om na, tama' tomi' ha' tomi' ha' pi' pin inain i ma' ta. Tomi' ha' qui' inain pain ca pije' ne pane ac con na.

Romanos 13:9

Mo na oro ca xirao' nucun Moisés ca hu capari' ca': Wum pain ca tarama' nem ma', ta quep mam manacon win tarama' ma me. Wum pain ca narima' ma ma' quem, ta quep ne mon taxicam win narima' ma quem me. Ta to' pa' mon wari' me ta. Ta an noc xa ma me ta. Ta querec param main caramaxicon win ma' ma me ta. Ma' na oro xijein ca hu nucun quem. Mo ta tomi' ha' tomi' ha' pi' pin xin hwein oro ca xirao' nucun ca', wara tomi' ha' ac hwein tara i ca' con quem. Ta noc mon win ma' ma me ta. Win ne ca om noc pan xijem ma' quem napari', ac i ma' na ca hu nucun. Mo ta tomi' ha' hwein ca hu nucun ca', ac ca wara tomi' ha' hwein na oro xijein ca hu nucun ta.

Romanos 3:20

Je ca tomi' xuhu' ca': Om ca ma' camain' ca wari' co tomi' ca' ca Iri' Jam cwa': To' hohot pin inem, xi om ne ca tomi' ha' ara main ca xirao' nucun Moisés ca', om ca ma' camain' ca wari' co tomi' ac i ma' wa. Mam' to' querec pin' e' napari' pain ca caracat nexi' ca xirao' nucun Moisés ta.

Efésios 6:2

Win ne ca tomi' ne capijacon Iri' Jam pane. Tomi' ca' na: Tomi' ha' ron cote ma cam jim ta. Ma' ta hohot quem oro ca ara ma ma', ma' ta e' cara pe main macan' ca'. Ac i ma' na ca tomi' nein. Pain ca tomi' ha' je tococwa oro hwanana pane, je ca win tomi' pe mi' tococwa pain carawa ca awi co tomi' ha' nana pane.

Colossenses 3:20

Wahu' quem oro hwijima', tomi' inuhu' quem: Tomi' ha' jun cote hwe cam juhu' ma'. Tama' tomi' ha' jejem pain oro ca ara je cucuhu' ma'. Xi om ne ca hohot ara con Taramaxicon nexi' pain ca tama' tomi' ha' hwehwem ta.