Lucas 18:14 - Tradução Bíblica Pacaas Novos

¹⁴ Je ca tomi' xuhu' ca' ac tococwa na. In mama' iri nanain xiricocon ne, querec hohot pan inem ta non Iri' Jam co ma' co cut in taxipa' imposto ma'. Fariseu ma' iri na ne, om ca querec hohot pan inem ta con Iri' Jam. Je ca tomi' xuhu' ca': Wari' co xec xec ma', pain ca hwara' opa ina xi' ma ca ma', to' wixipa' ac tocwa tara. Wari' co om xec xec ma' iri na ne, pain ca om ca hwara' opa ta' ta pan xucun ma', to' hwara' opa pin ac tocwa tara quem na ca tomi' tococwa ma'.

Lucas 18:14 Iomraidhean Croise

Mateus 23:12

Oro wari' co xec xec nana ma', pain ca hwara' opa ina xi' ma caca ma', to' wixipa' to' wixipa' xam' ac tococwa tara. Oro wari' co om xec xec nana ma' iri nana ne, pain ca om ca hwara' opa ta' ta caca ma', to' hwara' opa pin ac tococwa tara quem na ca tomi' caparut.

Mateus 5:3

Param mi' tata pain ca awi wa oro wari' co ximin nana ma', xi wari' ne ara tococwa pain ca taramaxicon pe ho' xun tococwa ma'.

Lucas 1:52

To' quiji' pin tata oro taramaxicon, narain ho' tata pain ca taramaxicon mami' caca. Oro wari' co om hwara' opa camain' nana ma' iri na ne, to' hwara' opa ac tococwa na.

Lucas 10:29

Ac ca taraju pa' ta' ca' tara me na co ma' co tomi' querec non Jeju ma'. Je ca tomi' querec tiquin' con ma' quem: Ma' wari' co win ma' ne ta' quem non.

Lucas 14:11

Je ca tomi' xuhu' ca' ac tococwa na. Oro wari' co xec xec nana ma', pain ca hwara' opa na xi' ma caca ma', to' wixipa' to' wixipa' pi' pin ac tococwa tara. Wari' co om xec xec ma' iri na ne, pain ca om ca hwara' opa ta' pan xucun ma', to' hwara' opa pin ac tocwa tara quem na ca tomi' tococwa ma'.

Lucas 16:15

Tomi' ac tococwa na: Ac ca iri'o' xi' ca' tara me paxi' hwe cocon oro wari' ta, ane querec pin' pan cuhu' Iri' Jam ne. Querec pin' nuhu' pain iri' xumuhu' ma'. Carawa ca in ac caca oro wari' ma', om ca hohot camain' con Iri' Jam. Noc pan nain ta na ca tomi' tococwa ma'.

Romanos 3:20

Je ca tomi' xuhu' ca': Om ca ma' camain' ca wari' co tomi' ca' ca Iri' Jam cwa': To' hohot pin inem, xi om ne ca tomi' ha' ara main ca xirao' nucun Moisés ca', om ca ma' camain' ca wari' co tomi' ac i ma' wa. Mam' to' querec pin' e' napari' pain ca caracat nexi' ca xirao' nucun Moisés ta.

Romanos 4:5

Ane om ac i ma' ne con wari' co howa e' non Iri' Jam ne, co om howa nain ca ara ara pan nucun ma'. Tomi' ca' na: Howa inon Iri' Jam. Wirico co to' hohot pin non wari' co caracat pain ca miri'om con ma', ac i ma' na ca tomi' nucun. Tomi' ac tocwa na quem, tomi' non Iri' Jam: To' hohot pin inem, xi om ne ca howa ara mapa' ta non.

Romanos 5:1

Je ca tomi' xuhu' ca': To' hohot pin napari' Iri' Jam. Xi om ne ca howa ara xun ta. Je ca win ma' ne pin xun ca'. Je ca om toron ne ximixi' ca' quem. Wirico Taramaxicon nexi' Jeju Cristo co mi' napari' pain ca om toron ne ximixi'.

Romanos 8:33

Tora' napari' Iri' Jam. Ma' tara wari' co tomi' em' napari' con Iri' Jam ra? Om na ta. Wirico Iri' Jam ara xi' na co wara to' hohot pin napari' ta.

Gálatas 2:16

Ac i ma' paxi' iri' pain ca judeu iri' ca'. Ane taxi' xin i ca' ne: Om ca to' hohot capari' Iri' Jam pain ca tomi' ha' taxipa' xin oro ca ara je capari' pain ca xirao' nucun Moisés ma', om na. To' hohot napari' pain ca howa xun Jeju Cristo. Je ca howa iri' con Cristo Jeju pain ca judeu iri' ca' quem. Ma' ta to' hohot capari' Iri' Jam pain ca howa xun Cristo ta iri'. Om ca to' hohot capari' pain ca tomi' ha' xin oro ca ara je capari' pain ca xirao' nucun Moisés ta iri'. Xi to' hohot ac tocwa wari' pain ca tomi' ha' e' cain oro ca ara ra con Iri' Jam pain ca xirao' nucun Moisés ta iri', ac i ma' na ca coromicat nexi' pain ca howa pin xun Cristo Jeju ta.

Tiago 4:10

Querec pin' xujuhu' pain ca ximin nuhu' pain ca om querec awi cuhu' Taramaxicon Iri' Jam. An tequi' to ac cuhu' tara, mi' ac cuhu' tara pain ca querec awi cuhu' quem.

Tiago 4:6

Ac i ma' paxi' napari', ane quep xiho' capari' pain ca xiram pa' tamana capari' ne. Je ca xirao' an pe xine pain capijacon Iri' Jam quem: Ari nonon oro co xec xec nana Iri' Jam ta. Oro co om xec xec nana ma' iri nana ne, xiram pa' tata, quep xiho' tata quem. Ac i ma' na ca xirao' pe xine pain capijacon Iri' Jam pane.