Lucas 18:13 - Tradução Bíblica Pacaas Novos

¹³ Co ma' co cut in taxipa' imposto ma' iri na ne, mo mo pe na. Om ca noro piri' ca, noro quiji' nain macan', xi wixipa' ara ca ta. Wap nain quimacon pain ca querec pin' xucun pain ca pan tem nucun. Xiram pa' ne ta Iri' Jam. Caracat ara xi' ina ta na. Ac i ma' na ca pijim' nucun Jeju ma'.

Lucas 18:13 Iomraidhean Croise

Mateus 10:3

Ma' ac ca na Filipe con Bartolomeu con Tomé ma'. Wata' quem, pain ca Mateus ta' ca'. Cut in taxipa' inain oro imposto ca pagar je tococwa oro wari' pane ira. Ma' ac ca na Tiago panxica Alfeu ma'. Ma' ac ca na Tadeu ma'.

Mateus 6:5

Tomi' xun iri jun Iri' Jam ne, ta an xiho' huhun oro wari' co ac ca iri'o' xi' ca' tara me nana ma', co tomi' xec xec nonon Iri' Jam pain ca tomi' xun cocon ma'. Tomi' xun iri nonon ne, coromicat ximama' ac xucucun na: Tomi' pe iri ton Iri' Jam pain oro xirim ca cut in to xijexi' ne, querec pin' ac cacapa' tara oro win ma' ne pain ca tomi' ton ta. Ac i ma' tatarapa' pain ca tomi' pe ton Iri' Jam pain ximijain wana ma' quem. Querec pin' tatarapa' pain ca tomi' ton ta, ac i ma' na ca coromicat ximama' nucucun pain ca an hwet pe pan xucucun pain ca tomi' cocon Iri' Jam. Je ca tomi' xuhu' ca', tomi' iri'o' inuhu': Om ta cut pan cacain carawa ca awi con Iri' Jam. Xi wara cut pin ara cacain ca tomi' querec te nucucun oro win ma' caca pain ca xec xec ximama' nucucun ta.

Mateus 9:13

Je ca tomi' xuhu' ca': Na e' na pain ca taraju pa' hwein capijacon Iri' Jam ca'. Je i ca' ca tomi' nucun: Param inuhu' pain ca xiram pa' huhun oro wari'. Noc inuhu' pain ca tom tain' mi' e' mahu' pain carawa nuhu' ta. Ac i ma' na ca tomi' cuhu' Iri' Jam pain capijacon ca' tata. Je ca tomi' xuhu' ca' ac tococwa na. Om ca cwirin' je toton co wara xuruxut xo' nana ma'. Cwirin' je e' inonon oro caracat cwa', je ca maqui' ta' ca' na ca tomi' tococwa ma'.

Marcos 11:25

Mo ta tomi' xun Cotere' Iri' Jam hwe, mo ta mana' hun wari' pain ca ara cup cuhu' ma'. Mana' mana' om pin jun pain. Ma' ta xic am pin cain ca caracat nuhu' Cotere' co pe pawin cwain.

Lucas 17:12

Tan' mama' iri nanain ca paric to ne xirim ma' ne, xuruxut qui' ac caca na co ma' nonon caji nan. Ma' 10 nana wari' co ma' nonon caji nan. Om ca wixicam cocon, mo mo to ca' nonon.

Lucas 22:41

Xut wijimain ca' ac tococwa na, pe torotop pe ac ca na, tomi' ac con na Cote ca:

Lucas 23:48

Oro wari' co cut in nana ma', pain ca querec xuxun pain ca tatatain mi' tococwa pain pana caca ma', querec iri nanain carawa ca ara non Jeju ne, wap wap ac cacain na quimacocon pain ca tomi' xaxa' tamana nucucun. In mama' ac caca na.

Lucas 5:8

Querec iri nain i ma' Simão Pedro ne, pain ca cut tamana caca hwam ma', pe torotop mi' ac con na Jeju pain caximacon. In ca' ne ta Taramaxicon ne. Om ca na ne pain ca pe ho' cara mapa' ca', xi caracat taxipa' ara ta' ta na ca tomi' con ma'.

Atos 2:37

Taraju pin iri nonon pain ca pijim' nucun ne, jain jain ac caca na, toron tamana na ximicocon. Cain' cain' xuxut quem xere ac cocon na Pedro cocon oro win apóstolo ca ma'.

Romanos 5:8

Ane jimao ca Iri' Jam ne. An hwet mi' ara xi' napari' pain ca om noc capari' ca', xi om ne ca mi' pin caho' ara capari' Cristo ta. Mi' pin caho' napari' pain ca caracat caracat wet nexi' pane.

2 Coríntios 7:11

Je ca tomi' xuhu' ca', taraju wet je e'. Ja' tomi' xaxa' iri nuhu' Iri' Jam pane ne, meo ac cuhu' na pain xumuhu'. Jain jain ac hwe na pain ca win xumu pin hwein ca ara xo' wa. An hwet pe mi' ac maparut na pain ca om quep xiho' hun co caracat ma', om ca miri'om urut con pain ca caracat nucucun ta ac hwe na quem. Jin' pin ac hwe na pain ca wap wi tarapari' xi' ma hun Iri' Jam pain ca aram aram wap ton con quem. Xiram pa' tamana ac maparut na pain ca coromicat maparut, toron ac ne na xumuhu', pan to' mip ac hwein na taraxicon quem. Querec pin' ac xihwe na pain ca om caracat wi hwe con.

1 Timóteo 1:15

Maqui' iri nain macan' Cristo Jeju pane ne, to' witan toton oro caracat ta ac ca na. Iri'o' na ca tomi' ne ca'. Na e' na pain ca howa howa pi' pin xin ca tomi' ne ca'. Wata' co iri' caracat ta. Om na xucun wari' co an xiho' napa' pain ca caracat ne ta.

Hebreus 4:16

Je ta wixicam xun Iri' Jam co xiram pa' taxipa' ma', co quep xiho' taxipa' ma' quem. Om ta jin' xun, ac ca wixicam xun tara pain iri' ca xao pe pe ca pain pawin cain. Ma' ta xiram pa' capari', ma' ta quep xiho' capari' quem. Ximin iri xi' ne, pain ca ma' capari' oro ca to' i'ina napari' ma', xiram pa' hap ac capari' tara, quep xiho' hap ac capari' tara quem.

Hebreus 8:12

Xic am pin tain oro ca pan teretem nuhu'. Om ta mam' pe wet mami' tain oro ca caracat nuhu' ta, ac i ma' na ca tomi' ca Taramaxicon Iri' Jam.