Lucas 17:4 - Tradução Bíblica Pacaas Novos

⁴ Mo ta ara cup quem, mo ta ara cup mami' quem quem, mo ta ma' 7 pin ne ca ara cup mami' quem, pain ca xica' pe nein xec quem. Mo ta ma' 7 pin ne ca in hwet quem, mo ta tomi' ca' quem: Caracat ina, cwirin' pin inain ca ara cup xim ca', mo ta tomi' ac i ma' quem. Je i ma ta, mana' mana' om pin inem pain ca caracat nem ta ac mon tara ta na ca tomi' tococwa na.

Lucas 17:4 Iomraidhean Croise

Mateus 18:16

Mo ta om ha' quem pain ca xica' to nuhu' ma', tomi' ac mon tara xucun co win howa ma ma'. Am 2 caca co tomi' ma ma'. Maji con e', tomi' xo' mami' ton pain ca em' nucun ta. Win ne ca tomi' capari' capijacon Iri' Jam ca', pain ca na e' na pain ca ma' tocwan caca co taraju nunuhu' pain ca tomi' xo' hun wari' pain ca caracat nucun capari'.

Mateus 18:35

Je ca tomi' xuhu' ca' ac caparut na Jeju. Mo ta om tomi' xo' xujuhu' pain ca ara cup xujuhu' ma', pain ca xere xujuhu' pain ca howa nuhu' ma', mo ta om maho' xin ca mana' wa ta xujuhu' pain iri' xumuhu' ma'. Wap ac i ma' wap ac i ma' xam' ac cuhu' tara Te co pe pawin cain ta na ca tomi' caparut pane.

Mateus 5:44

Ane tomi' pan xuhu' pain i ca' ne: Ta noc huhun co noc nunuhu' ma' me. Tomi' mi' jujun con Iri' Jam oro wari' co ja' tequi' quep em' nunuhu' ma' quem.

Mateus 6:12

Xic am pin rain ca caracat nuxut ca' quem. Win ne ca mana' mana' om pin urut cocon oro wari' pain ca caracat nucucun pain ca ara cup cacaparut ca'. Tomi' xo' urut cocon, om ca mana' mami' urut cocon.

Lucas 17:5

Tomi' ac cocon na Jesus oro apóstolo ma': Howa paxi' urut pum Taramaxicon nuxut. To' hwara' pin rain ca howa nuxut quem me na ca tomi' cocon ma'.

Romanos 12:20

Je ca tomi' xuhu' ca': Ta win caca ne huhun me ta. Ara jein ca xirao' pe xine capijacon Iri' Jam. Ca' je: Mo ta ma' ca wari' co noc nuhu' ma'. Mo ta pe' ca, mo ta cao' ta' ca quem, mi' jun pain carawa ca cao' wa. Mo ta toc ta' ca, mi' jun pain ca toc wa quem. Mo ta ac i ma' hun, wixipa' ac cuhu' tara. Ac i ma' na ca xirao' pe xine pain capijacon Iri' Jam.