Lucas 17:30 - Tradução Bíblica Pacaas Novos

³⁰ Ac i ma' tatara oro wari' pain xec nein ca in qui' ta' ne quem. Om ta maqui' ca ma' tatarapa'. Ara ara e' tatarain oro ca ara taxipa' caca ma', ane ane hwet pa' ac toton tara. Wata' pain ca Iri' Wari' ta' ca', ane ane hwet pa' ac toton tara ta.

Lucas 17:30 Iomraidhean Croise

Mateus 16:27

Je ca tomi' xuhu' ca' ac caparut na. Ja' ja' xine. Ta jin' huhun oro wari' co quep em' xim nunuhu' pain ca ja' ja' mahu' me. Maqui' ta' ara xi' na xec nein ca in qui' ta' ne ca', wata' pain ca Iri' Wari' ta' ca', in qui' ac tain tara pawin. Maqui' wi ta' cocon oro jam co taramaja mi' nanapa'. Maqui' wi ta' pain ca hwara' opa nucun Te quem. Pagar ac toton tara oro wari', pagar toton pain oro ca ara caca pain ca e' e' wet nucucun. Win ne ca ara hwe pane toton, mi' mi' xam' ac toton pain tara. Wahu' quem, win ne ca ara hwe pain ca ja' ja' mahu' pane xuhu', pagar pagar xam' ac xuhu' tara quem.

Mateus 24:3

Mama' ac urut na pain Pacun Nein Oliveira ma'. Xao pe ac ca na Jeju. Xuruxut hwet ac urut con na. Xica' to urut, wirico Jeju, warut pain ca taxipa' urut con ca' quem. Tomi' querec ac urut con na: Ma' xec ca hwet pin ta' ne oro ca tomi' ma ca' ne? Cain' xi querec pin' ac urut pain ca wixicam pin ne xec nein ca in qui' ta' nem je pain ca pi' pin ta' ne macan' ca' quem na ca tomi' querec urut con ma'.

Mateus 24:37

Ac pain oro xec nein ca e' e' wet ca Noé cara pane tara, ac i ma' tara pain ca in qui' ta' ne ca', pain ca Iri' Wari' ta' ca'.

Mateus 24:39

Co hwerehwet to nana pane, om ca taxi' cacain ca we' pa' xun cocon com. Om ta cono' iri' nana. Ane cono' pin caca ne. Aram aram we' pa' pin nonon com, cono' cono' pi' pin ac caca na. Ac i ma' tara pain ca in qui' ta' ne quem, pain ca Iri' Wari' ta' ca'.

Mateus 26:64

Wata' cwa' ira. Win ne ca tomi' pan ma ma' ac ca na Jeju. Ane tomi' tomi' pi' pin xuhu' pain i ca' ne. Main maqui' tara xec nein ca querec xim mahu' pain ca xao pe ho' ton Iri' Jam co hwara' opa pan. Wata' pain ca Iri' Wari' ta' ca', querec ac mahu' tara pain ca xao pe ho' tain iri' curucun pain i cain. Querec ac mahu' tara pain ca maqui' wi ta' pain tajain nanawin quem ta na ca tomi' con ma'.

Marcos 13:26

Querec ac cacapa' tara oro wari' pain ca maqui' tain pawin. Wata' pain ca Iri' Wari' ta' ca', maqui' ac ta' tara pain tajain nanawin. Mam' maqui' tain ca hwara' opa tamana ne pain ca toc meremem ne.

Lucas 17:24

Maqui' ta' iri tara xec nein ne, pain ca in qui' ta' ta' pain ca Iri' Wari' ta' ca', ane ane maqui' ac ta' tara, querec querec pi' pin tatarapa' oro wari' pain oro xijein macan'. Win ne ca ane ane coc wein ca comerem ma', pain ca coc wein qui' cain pira pain quirinain pawin cain, ca coc wein mao ac cain na xijein quirinain pawin cain quem, ac i ma' ta' pain ca maqui' hap ne ta. Querec querec pi' pin tatarapa' oro wari' ta.

Lucas 17:29

Maqui' pin iri na xec nein ca paca' cain cidade ca to caca Ló pane ne, je Sodoma pane, camara' qui' ac nein na pawin xe je pacun ca weo pane. Ac xowi' na pain ca camara' qui' nein pawin. To' om to' om pi' pin ac tococwa na oro wari' co om paca' nanain Sodoma pane.

Lucas 21:22

Xi wap xun ara tococwa oro wari' nein Jerusalém ta. Je i ma' tara oro xec nein ta. Win ne ca xirao' to xine pain capijacon Iri' Jam pane, hwet pin ho' tara con ta.

Lucas 21:27

Querec ac cacapa' tara oro wari' pain ca maqui' tain pawin. Wata' pain ca Iri' Wari' ta' ca', maqui' ta' pain tajain nanawin. Mam' maqui' tain ca hwara' opa ne pain ca toc meremem tamana ne.

1 Coríntios 1:7

Je ca mi' cuhu' pain ca taramaja taxi' wa pain oro caramaxicon ma'. Om ca om camain' cuhu' pain. Ha' nuhu' pain ca taramaja taxi' wa pain oro caramaxicon ma', pain ca winim' cara hun Taramaxicon nexi' Jeju Cristo pain ca in qui' ta' nucun.

1 Coríntios 1:8

Wirico Iri' Jam co to' hwara' opa cara nuhu' pain ca howa nuhu' ma'. Wara to' hwara' opa nuhu' pane, mao ac ne ma' tara pahu'. To' hwara' opa to' hwara' opa maqui' pa' ac cuhu' tara Taramaxicon nexi' Jeju Cristo pain xec nein ca in qui' ta' nucun. Ma' ta om coromicat mi' xihwe pain ca pan teretem wa ta nuhu'.

Colossenses 3:4

In qui' iri tara Cristo co mi' nuhu' pain xocori ca e' nuhu' ma' ne, maqui' wi ac hun tara, an xiho' ac hun tara pain ca awi tamana nucun quem.

2 Tessalonicenses 1:7

Ara xo' na pain ca to' om pin tain cain ca jain jain nuhu' pain ca quep em' xihwe ma' quem. To' om pin tarain ca jain jain nuhu', to' om pin tarain ca jain jain nuxut ca' quem, pain ca aram aram quiji' qui' tain cain pawin Taramaxicon nexi' Jeju. Maqui' wi tara pain ca weo nein xe. Ja' ja' totoron oro jam co taramaja mi' nonon ma', co hwara' opa nana ma'.

1Pedro 1:13

Je ca tomi' xuhu' ca'. Coromicat xo' je. Wara awori xo' je pain ca ara xin hwein ca param nucun Iri' Jam. Ma' tara xumuhu'. Howa mip jun Iri' Jam pain ca xiram pa' xim cuhu' ma', pain ca to' witan e' xim cuhu' pain ca in qui' ta' nucun Jeju Cristo ta.

1Pedro 1:7

Noro jein ouro ca om awi cara ma', ca an tom pe xine ma'. Awi paxi' na, ane awi tamana pan capa' ca howa nuhu' ne nuhu' Iri' Jam. Je ca to' i'ina cuhu' oro carawa pain xocori ca' nuhu', ma' ta querec pin' xihwe pain ca howa iri'o' hun Jeju ta nuhu'. Ma' ta awi hwe, tomi' querec te tamana inuhu', hohot tamana mahu' ta xuhu' ca' turuhu' pain xec nein ca aram aram in qui' ta' nucun Jeju Cristo ta.

1Pedro 4:13

Jain jain iri hwe pain ca quep em' xihwe pain ca howa hun Cristo ne, jain jain wi ac hun na. Je ta tomi' querec te qui' hwe pain, ma' ta tomi' querec te tamana hwe pain ca aram aram an hwet mi' xim capari' pain ca hwara' opa nucun pain ca awi tamana nucun quem.

1João 2:28

Je ca tomi' xuhu' ca', pain ca ac ca mana panxita' xuhu' ne ca'. Win cwere jun Cristo. Ma' ta quereme iri' pain ca aram aram in qui' ta' nucun. Ma' ta om jin' iri', ma' ta om wixipa' iri' pain ca to quima hwet xun quem.

1João 3:2

Je ca tomi' xuhu' pain ca tomi' querec te xuhu' ca'. Mana panxica Iri' Jam iri' pain xocori ca', pain ca to to wet xin macan' ca'. Om ca an hwet mi' querec capari' pain ca cwere mama' xi' iri' pain ca to' jimama' xim capari' ca'. Ane taxi' xin i ca' ne: In qui' iri tara Cristo ne, ac wirico pin ac iri' tara, xi om ne ca querec xun ara xi' pain iri' curucun pain iri' ca e' nucun ta.

Apocalipse 1:7

Noro je! Maqui' tara pain tajain nanawin Jeju. Querec querec pi' pin totoron oro wari'. Oro wari' co xucun' pa' nonon quem, querec querec pi' pin totoron. Awaran awaran pi' pin ac caca tara con oro xucucun wari' pain oro xijein macan'. Amém, iri'o' na ca tomi' ne ta.