Lucas 17:22 - Tradução Bíblica Pacaas Novos

²² Tomi' ac tococwa na co taxipa' ca ma': Main maqui' tara oro xec pain ca coromicat xim mahu' pain ca Iri' Wari' ta' ca'. Wara maqui' xira na urut pain xec nein ca querec xim urut pum pain ca Taramaxicon pin ta' ma ma', ac i ma' paxi' tara ca jain jain xim mahu'. Ane om maqui' hap ta' ne xec nein ca Taramaxicon pin ta' ta' ne.

Lucas 17:22 Iomraidhean Croise

Mateus 9:15

Om na, noro jujun oro wari' co tomi' querec te xucucun pain ca an tam narima' ca win ma' nucucun ma' ac tococwa na. Ma' tara ca tomi' xaxa' ac caca pain ca pe ho' pe ho' wet cocon win ma' nucucun co an tam nam narima' ra? Om ca an to ac cacain, xi tomi' querec te ara caca ta. Ame hwe e', main maqui' tara oro xec nein ca an ca' tococwa con, an to pin ac cacain tara ca cao' wa con ac i ma' na ca tomi' tococwa ma'.

Marcos 2:20

Ame hwe e', main maqui' tara oro xec nein ca an ca' tococwa con. Je tara oro xec nein ca an to pin cacain ca cao' wa con na ca tomi' tococwa ma'.

Lucas 13:35

Paca' pin turuhu' Iri' Jam ta, paca' pin tarain cote ne xiricon ca' pahu'. Om ta pe mami' cain. Om ta querec mami' mahu' quem, tomi' iri'o' inuhu'. Ame hwe e', main maqui' tara xec nein ca tomi' ca' xim mahu': Tomi' querec te xun co ma' co mam' maqui' nain ca hwara' opa nucun Iri' Jam ta, ac i ma' tara ca tomi' xim mahu'. Je i ma' tara xec nein ca querec mami' xim mahu' ta na ca tomi' tococwa oro wari' nein Jerusalém pane.

Lucas 5:35

Ame hwe e', main maqui' tara xec nein ca an ca' tococwa con. Je tara oro xec nein ca an to pin cacain ca cao' wa con na ca tomi' tococwa ma'.

João 12:35

Tomi' ac tococwa na: Pe ho' pe ho' wet paxi' inuhu' pain ca ac iri' naran ta' ca'. Ane om pe ho' cara xim xuhu' ne. Toha mi' xut pain xumuxut ta xine pain ca pe ho' pe ho' wet xuhu' ca'. Ma' ta taraju pa' hwe inuhu'. Ma' ta om ane ane hwet pa' cuhu' ca jitacat nein ta inuhu'. Wari' co xut nain ca jitacat nein ma', om ca taxi' cain ca mao ta' nucun.

João 13:33

Pe ho' wijimain ca' e' xuhu' ta hwijima' ac caparut na. Pirao' xun paxi' mahu'. Om ta hwet ac mahu' pain ca mao ta' ta' quem. Win ne ca wara tomi' xo' toton oro taramaxicon nexi' pain ca judeu iri' pane. Tomi' ac i ma' inuhu' pain xocori ca' quem.