Lucas 17:2 - Tradução Bíblica Pacaas Novos

² Mo xi tucu xine iri' cote ne pacun ca mam' ep xine trigo pain paramacon ma', mo xi xin pocom mi' tocwa pain cote ne com quem, jain jain pije' ac ca xira. Pain ca to' caracat con wari' co an xiho' non pije' co om hwara' opa ma' iri xira ne, mija tamana pan ac ne xira ca jain jain ca pain ca wap ton con Iri' Jam ta tata.

Lucas 17:2 Iomraidhean Croise

Mateus 17:27

Om xi pagar jein capari' pain ca iri' win ma' ne xun Iri' Jam quem. Ane hohot ne pain ca pagar pan xin ne. Ma' ta om mana' cacapari' co pagar jein nanapari' ma'. Je ca tomi' xim ca' Pedro ac con na. Mao rain com cain. Xin rain macori pi nem ma', quep ac mon tara hwam co cao' cain' nain puxum ma'. Pa iri rain capijacon ne, mam' ac main tara moeda pain capijacon. Ma' 4 tara dracma nein. Mao ac main i cain tara, pagar ac main tara imposto ne, pagar ac main tara imposto nem ma' quem na ca tomi' con Pedro Jeju pane.

Mateus 18:10

Ma' tara xumuhu' me ac caparut na. Ta noc camain' huhun oro wari' co an xiho' nonon hwijima' co om hwara' opa nana cwa' me. Je ca tomi' xuhu' ca': Oro jam co taramaja mi' nonon Iri' Jam ma', co querec wet taxipa' nonon ma', tama' to ho' nonon Te co pe pawin cain.

Mateus 18:14

Ac i ma' na Cotere' co pe pawin quem. Noc nain ca pan' am xica' pe ca wari' co an xiho' non pije' pain ca howa con ma' na ca tomi' caparut ma'.

Mateus 26:24

Mi' pin ta' ina pain ca Iri' Wari' ta' ca'. Win ne ca xirao' pe cacapa' oro profeta pane. Mi' pin ta' paxi' ina. Ane ximin pan ta' ca co ma' co tomi' mi' xim napa' cocon co noc nanapa' ma' ne, co quep xim nanapa' ma'. Ximin tara. Hohot xira pain ca om pan' ne ca pije' nucun cam jicon ta na ca tomi' caparut ma'.

Marcos 9:42

Wari' co to' caracat non win ma' ca co om hwara' opa ma', co an xiho' non pije' co howa napa' cwa', wap tamana ac con tara Iri' Jam ta ac tococwa na. Mija tara ca jain jain ca con. Mo xi tucu xine cote ne pacun pain paramacon ma', mo xi xin pocom mi' tocwa pain cote ne com quem, jain jain pije' ac ca xira. Pain ca wap ton con Iri' Jam pain ca to' caracat con wari' co an xiho' non pije' ma' iri xira ne, mija tamana pan ac ne xira ca jain jain ca con ta.

João 21:15

Pi' pin iri na ca cao' nuxut ne, tomi' querec ac con na Simão Pedro Jeju: Simão, panxica João. Om ca noc mapa'? Tomi' querec te tiquin' ca' mapa' cocon caram cwa' ra non. E'e', taxi' mapa' pain ca om noc xim ca' Taramaxicon ne ac ca na. Je ca tomi' xim ca': Querec wet roron oro wari' ne co an xiho' nanain wijimain ovelha ta ac con na.

1 Coríntios 9:15

Hohot paxi' xira pain ca quep xiho' pan mahu', ane om quep xiho' xine ta xuhu' pain cara pane ne. Om ca quep xiho' xine xuhu' pain ca xirao' mi' xuhu' pain xocori ca' quem, om na. Taramaja mi' e' inuhu', tomi' querec te tamana ina pain ca pijim' hwet e' xuhu' pain capijacon Iri' Jam ca'. Mo ta to' i'ina pin mahu' pain ca ac ca xin to ta' ne pain ca tomi' querec te ne ca', hohot ac capa' tara pain ca mi' pin wa ta.

1 Coríntios 9:22

Pe ho' iri inonon co om hwara' opa nana pain ca howa nucucun ma' ne, pain ca om taraju pa' caca pain ca ein cacain carawa ma', om ca tomi' mana' toton pain ca om hwara' opa nucucun pain ca om taraju pa' nucucun. An xiho' e' inonon pain ca ein cacain carawa. Ma' ta hwara' opa pin caca pain ca howa nucucun ta inonon. Je cwere mao na cocon oro wari'. An xiho' an xiho' pi' pin inonon. Ma' ta ma' caca oro wari' co witan nana pata' ta ina.