Lucas 17:18 - Tradução Bíblica Pacaas Novos

¹⁸ Je xi in hwet cacapa' quem? Je xi an hwet cacain ca tomi' querec te nucucun pain ca awi na awi na cocon Iri' Jam quem? Xica' pe na co cwa', co tatirim cwa', xica' pe na co cwa' co in hwet napa' cwa'. Xica' pe na co cwa' co an hwet nain ca tomi' querec te nucun pain ca awi na Iri' Jam awi na Iri' Jam ta ca ca' na ca tomi' tococwa ma'.

Lucas 17:18 Iomraidhean Croise

Mateus 19:30

Je ca tomi' xuhu' ca': Oro co hwara' opa nana pain xocori ca', ame hwe e'. Mija ac caca tara co hwara' opa hwara' opa om pin xi' nana. Oro co om hwara' opa nana pain xocori ca' iri na ne, ame hwe e'. Mija ac caca tara co hwara' opa pin xi' nana quem na ca tomi' xo' caparut pain ca taxipa' urut con ca'.

Mateus 20:16

Je ca tomi' xuhu' ca' ac caparut na. Co om hwara' opa nana pain xocori ca', ame hwe e', main hwara' opa pin tatara. Co hwara' opa nana pain xocori ca' iri nana ne, ame hwe e'. Main hwara' opa hwara' opa om pin tatara quem na ca tomi' caparut.

Mateus 8:10

Taraju iri nain i ma' Jeju ne, wa wa tamana ac con na, tomi' ac tococwa na oro wari' co ja' ja' nonon ma': Howa tamana napa' co cwa' ta! Tomi' iri'o' inuhu', om ca querec camain' ton win judeu ta' co an xiho' non pain ca howa nucun ta.

Mateus 8:12

Oro judeu co wara tora' paxi' wawa pain cara pane iri nana ne, pain ca mama' tatarain pawin ca taramaxicon pe ca Iri' Jam paxi' wawa pane, wixicaracao' mi' ac tococwa tara pain ca jitacat tamana nein. Oro wari' co jain jain to nanain i cain, awaran tamana ac caca tara, cacacao' ac cacain tara xicocon pain ca jain jain tamana nucucun ta na.

Mateus 9:8

Querec iri nanain i ma' oro wari' ma' ne, wa wa pin ac caca na, in ac tamana ac cocon na Iri' Jam quem. Awi na Iri' Jam ta, mi' non pain ca hwara' opa wa wari' cwa', pain ca quep xio ron co carama pe cwa' ta con ca' na ca tomi' caca ma'.

Lucas 17:17

Cain' cain' xira quem ac ca na Jeju. Om ca ma' 10 caca co to' xio pin ta' quem? Main ca to caca oro xucucun ma' quem, co ma' 9 nana ma' quem?

Apocalipse 14:7

Tomi' mip ac ca na: Tomi' ha' jun Iri' Jam ta. In ac jun pain ca hwara' opa tamana nucun. Xi maqui' pin ara ne xec nein ca wap toton cocon oro caracat. Pe torotop mi' querec te jun co ma' co quep nain pawin je macan' je cote ne com je oro ca hoi hoi ne com ca weweweo qui' nain macan' ta na ca tomi' ca ma'.