Lucas 17:10 - Tradução Bíblica Pacaas Novos

¹⁰ Je ca tomi' xuhu' ca', ac i ma' tara pain ca taramaja nuhu' ma' quem, pain ca taramaja mi' hun Iri' Jam ma' ac tococwa na. Ara ara pi' pin iri jein oro ca taramaja nuhu' ca ara je cuhu' ne, na e' na pain ca tomi' ca' xujuhu': Je i ma' ira, taramaja mi' e' urun Iri' Jam ma', na e' na pain ca tomi' ha' xun pain oro ca ara je capari' ca', ac i ma' tara ca tomi' xujuhu' ta na ca tomi' tococwa ma'.

Lucas 17:10 Iomraidhean Croise

Mateus 25:30

Tomi' ac tococwa na oro xucucun co taramaja mi' e' nonon ma'. Co cwa' co jam' curucun cwa', pain ca noc cain ca taramaja wa ca', xin mi' jun pain ca jitacat tamana nein cain. Oro wari' co jain jain to nanain i cain, awaran tamana ac caca tara, cacacao' ac cacain tara xicocon pain ca jain jain tamana nucucun ta. Ac i ma' na cocon oro wari' co taramaja mi' e' nonon taramaxicon nucucun ma' na ca pijim' caparut Jeju pane.

Lucas 17:11

Mama' xin Jerusalém ta ac ca na Jeju ma', mama' ac caca na. Xuruxut nanain wana ca ac mao nain cacarain Samaria je Galileia ma'. Pe nain quiricon xina Samaria ma', pe nain xijein quiricon Galileia ma', xuruxut mama' nanain wana ca ac nain ximijain.

Lucas 17:9

Cain' cain' ton ma pain ca ara ara pi' pin cain oro ca taramaja nucun ca ara ra mon quem? In ac inem pain ca taramaja nem ma', tomi' querec te inem pain, ac i ma' tara ca tomi' ton ma ra? Om na. Xi wara tomi' ha' ne ara mon ta, je ca na e' ne pain ca tomi' ha' quem ma'.

Romanos 11:35

Ma' tara wari' co mi' cain' non pain carawa, ma' ta pagar mapa' pain ra? Om na quem.

Romanos 3:12

Xuruxut ni xuruxut ni pi' pin ca' nanain wanaxicon Iri' Jam oro wari'. Pan teretem pan teretem pi' pin nana. Om na wari' co ara xo', om ca ma' xica' pe camain' ca wari' co ara xo'.

Filemom 1:11

Om paxi' na ca quep xiho' xo' quem pain cara pane. Ane quep xiho' pin capari' pain xocori ca' ne. Quep xiho' nem, quep xiho' napa' quem.