Lucas 16:5 - Tradução Bíblica Pacaas Novos

⁵ Tomi' tomi' xam' ac tococwa na oro wari' co dever nonon taramaxicon nucun. Harahap je tata, tomi' querec ac con na co hwet cain' non ma': Ma' carawa ca dever mon taramaxicon ne quem non.

Lucas 16:5 Iomraidhean Croise

Mateus 18:24

Tomi' xo' toton iri nonon ne, o qui' ac tocwa na co dever tamana non ma'. Iri' cote ne dinheiro ca dever con. Mo xi ma' 10.000 ne cawaxi' ca taramaja ca, om xi pagar pin ac cain dinheiro ca dever con taramaxicon nucun.

Mateus 18:28

Mao ac ca na, xut cam' ac con na win ma' ca co win taramaja ca ma'. Dever wijimain pan non co ma'. Ma' 100 e' na denário ca dever con. Quep mip ac con na pain canemicon. Juhum' pa' ton na ira. Pagar ne pain ca dever mapa' ta ac con na.

Mateus 6:12

Xic am pin rain ca caracat nuxut ca' quem. Win ne ca mana' mana' om pin urut cocon oro wari' pain ca caracat nucucun pain ca ara cup cacaparut ca'. Tomi' xo' urut cocon, om ca mana' mami' urut cocon.

Lucas 16:4

Coromicat xo' ac ca na. Na xin ne ac ca na, taxi' pin inain carawa ca ara ta' ta' ca', ma' ta mija pin cacapa' oro wari' co xiram pa' xim nanapa' pain ca ximin ta' ta' ca'. Maqui' pin iri tara xec nein ca om taramaja mi' mami' ac ton taramaxicon ne cwa' ne, tomi' querec te ac cacapa' tara, pe ho' xut pain xuruxut ca' ac cacapa' tara, quep xiho' ac cacapa' tara quem na ca tomi' xucun ma'.

Lucas 16:6

Om na, dever 100 inon pain cote ne too nein homain winain oliva ac ca na. Hap ra, je i ca' ca xirao' nein ca dever mon ca'. Xirao' ni rain, dever 50 inon pain cote ne too nein homain oliva ta rain con na ca tomi' con ma'.