Lucas 16:4 - Tradução Bíblica Pacaas Novos

⁴ Coromicat xo' ac ca na. Na xin ne ac ca na, taxi' pin inain carawa ca ara ta' ta' ca', ma' ta mija pin cacapa' oro wari' co xiram pa' xim nanapa' pain ca ximin ta' ta' ca'. Maqui' pin iri tara xec nein ca om taramaja mi' mami' ac ton taramaxicon ne cwa' ne, tomi' querec te ac cacapa' tara, pe ho' xut pain xuruxut ca' ac cacapa' tara, quep xiho' ac cacapa' tara quem na ca tomi' xucun ma'.

Lucas 16:4 Iomraidhean Croise

Lucas 16:3

Noc pin napa' pain ca taramaja mi' mami' ton taramaxicon ne cwa' ac xucun na co querec wet nain caramaxicon ma'. Cain' cain' xita' quem ac xucun na. Om ca taramaja ac ta' pain xitot, xi hwara' opa ta' ta. Wixipa' xita' pain ca tama' mi' xine toton pain dinheiro je oro carawa oro wari' ma' quem, ac i ma' na ca coromicat pan xucun.

Lucas 16:5

Tomi' tomi' xam' ac tococwa na oro wari' co dever nonon taramaxicon nucun. Harahap je tata, tomi' querec ac con na co hwet cain' non ma': Ma' carawa ca dever mon taramaxicon ne quem non.

Lucas 16:9

Je ca tomi' xuhu' ca' ac tococwa na. Xiram pa' jujun oro wari', mam' xiram pa' jujun pain oro carawa ca cut hwe pain macan' ca'. Om pin iri turuhu' oro carawa ne, pain ca cono' pin xi' hwe ma', tomi' querec te pan ac cucuhu' tara pain ca aram aram to pin xin hwein pawin cain ta na ca tomi' tococwa ma'.

Tiago 3:15

Oro ca coromicat ximama' ac i ma' wa ma', om ca maqui' nein pawin. Maqui' nain macan'. Maqui' nain ca coromicat nein ca wari' wa pain ca om howa tocwa Iri' Jam ma'. Maqui' non Caxicon Jam.