Lucas 16:26 - Tradução Bíblica Pacaas Novos

²⁶ Om ca hwet ac quem Lázaro cwa', xi tac caho' ara capari' cote ne man ca om tawiri ma'. Wari' co hwet xim nuhu' pain i ma' parut, om ca hwet ac cuhu'. Wari' co hwet xim naparut pain i ca' pahu', om ca hwet ac caparut quem na ca tomi' con ma'.

Lucas 16:26 Iomraidhean Croise

Mateus 25:46

Je ca tomi' xuhu' ca' ac caparut na. Oro wari' co om xuruxut xo' nana ma', mama' ac cacain tara ca wap to xun tococwa. Om ta pi' ra ha' ne ca wap cara tococwa ta. Oro wari' co xuruxut xo' nana ma' iri na ne, mama' ac cacain tara ca e' cara to xi' caca quem. Om ta pi' ra ha' ne ca e' cara nucucun ta na ca tomi' caparut pane.

Lucas 12:59

Mo ta om pagar pi' pin main dinheiro ca pagar ron quem juiz ma', om ac ne tara ca hwet ca' ac main xirinain ca tao' to tao' to to wa ma'. Tomi' iri'o' inuhu' ta na ca tomi' tococwa ma'.

Lucas 16:25

Ane tomi' in pin con Abraão ne: Om na ta arain. Mam' pe wet rain oro carawa ca hohot nem pain ca e' e' wet ma pain macan' pane. Tomi' querec te ma pain oro carawa ca awi ca param ma pane quem. Lázaro cwa' iri na ne, ximin na pane. Om ca ma' camain' con carawa ca awi. Ac i ma' paxi' hwe pain cara pane. Ane ja' tomi' querec te tocwa Lázaro pain i ca' ne. Wum iri na ne, jain jain tamana pan ma pain cote ne xe ma' ta.

Lucas 16:27

Jain jain ac ca na. Om na ta jeo' ac con na. Mao rain i cain ron pain xiricon te ta.

João 3:36

Om ta pi' ra ha' ne ca e' nucucun oro wari' co howa nonon Panxica. To ho' cara totoron Iri' Jam pain pawin. Oro wari' co om tomi' ha' nonon Panxica cwa' iri nana ne, om ta to ho' cocon Iri' Jam pain pawin. Mana' pan ac tococwa tara, wap tamana cara ac tococwa tara quem.

Apocalipse 20:10

Xin mi' ac tocwa tara pain cote ne xe Caxicon Jam ma', co mixein nonon oro wari' ma', xin mi' ac tocwa tara pain cote ne xe ca ac xuterem' ma', ca wiran wi nain pacun ca weo tamana ma', ca enxofre caca oro wari' ma'. Wara xin mi' ta pain cote ne xe co ma' co ac caji carawa co hwet qui' cain' ma', wara xin mi' ta pain co ma' co ac caji carawa co hwet qui' pa'ao' ma' quem, co profeta mixein ma', pain ca tomi' hwet taxipa' cain oro ca tomi' nucun co ma' co hwet qui' cain' ma' quem. Je ta xin mi' pe tocwa Caxicon Jam ma' quem. Jain jain cara ac caca tara pain xec je pain xim quem. Om ta pi' camain' ne ca jain jain nucucun, mao ac ne ma' tara cocon ta.

Apocalipse 22:11

Co pan teretem nana ma', pan teretem cara ma' tatara ne. Co to' em' xucucun pain ca caracat nucucun ma', to' em' cara ma' ac xucucun tara. Oro wari' co ara xo' taxipa' nana ma' iri na ne, ara xo' taxipa' cara ma' tatara ne. Co win xumu cara nonon Iri' Jam ma', win xumu cara ma' totoron ne. Ac i ma' na ca tomi' capa' jam co taramaja mi' non Iri' Jam.