Lucas 16:25 - Tradução Bíblica Pacaas Novos

²⁵ Ane tomi' in pin con Abraão ne: Om na ta arain. Mam' pe wet rain oro carawa ca hohot nem pain ca e' e' wet ma pain macan' pane. Tomi' querec te ma pain oro carawa ca awi ca param ma pane quem. Lázaro cwa' iri na ne, ximin na pane. Om ca ma' camain' con carawa ca awi. Ac i ma' paxi' hwe pain cara pane. Ane ja' tomi' querec te tocwa Lázaro pain i ca' ne. Wum iri na ne, jain jain tamana pan ma pain cote ne xe ma' ta.

Lucas 16:25 Iomraidhean Croise

Mateus 27:63

Taramaxicon ac cocon na. Mam' pe wet urut pain ca tomi' nucun co pacara ne, co tama' mixein cara ne. Ca' na ca tomi' nucun pain ca e' e' wet nucun pane: Ma' 3 pin iri tara xec pain ca mi' pin ne ne, e' mami' ac ta' tara ta na ca tomi' mixein nucun pane.

Marcos 9:45

Mo ta to' caracat quem caximam ma' quem, pain ca xut mao main ca caracat pe ta' ma ma', mao maho' rain i cain e'. Ac ca ton tapit pin main tara. Hohot na pain ca mao main pawin pain ca om ne caximam ma'. Cain' cain' xira quem? Hohot xira pain ca xin mi' xima pain cote ne xe ma', pain ca ma' ma' wet ne caximam ra? Om xi hohot ne ta.

Lucas 16:20

Ma' na xucun wari' co an pe wa pain cacarain manain xiricon co caramaju ma' quem. Om non carawa. Lázaro na wixicon. Mija non oro caji nan quem.

Lucas 16:23

Jain jain pe pan ac cain na cote ne xe quem. Mija na ca jain jain ca. Querec pira ac con na Abraão. Querec pira non Lázaro pain ca pe ho' con quem.

Lucas 16:26

Om ca hwet ac quem Lázaro cwa', xi tac caho' ara capari' cote ne man ca om tawiri ma'. Wari' co hwet xim nuhu' pain i ma' parut, om ca hwet ac cuhu'. Wari' co hwet xim naparut pain i ca' pahu', om ca hwet ac caparut quem na ca tomi' con ma'.

Lucas 6:24

Wahu' pain ca caramaju hwe pain xocori ca' iri na ne, main maqui' tara xec nein ca ximin tamana xi' hwe. Xi wara ma' ara cuhu' carawa ca ja' tomi' querec te nuhu' pain xocori ca' quem.

João 16:33

Tomi' hwet inuhu' pain oro ca tomi' ne ca', ma' ta om toron ne xumuhu' pata' inuhu'. Ma' paxi' turuhu' oro ca to' i'ina nuhu' pain macan' ca'. Na e' nuhu' pain ca hwara' opa hwe. To' quiji' pin ara xi' inon co ma' co taramaxicon pe ho' nonon oro wari' co om howa nonon Te ta na ca tomi' caparut ca'.

Atos 14:22

Hwet iri tata co howa nonon Jeju pain oro cidade ma' ne, quep xiho' ac tococwa na pain ca howa nucucun. Hu ca' tata: Ta an to hwein ca howa wa me, howa cara jun Jeju ta ac tococwa na. To' i'ina tatarapari' oro wari' co om howa nonon Jeju ma' ac tococwa na. Quep em' xim paxi' tatarapari'. Je i ma' ira, na e' na pain ca jain jain iri' pain ca to' i'ina to' i'ina cacapari' ma', aram aram to ho' pin ac xun tara Iri' Jam ma', pain ca aram aram taramaxicon pe ho' toton cocon oro wari' nucun ta, ac i ma' na ca quep xiho' tococwa pain ca to' hwara' opa tococwa ma'.

Romanos 8:7

Je ca noc cocon Iri' Jam oro wari' co win xumu nanain oro ca param nucucun ma'. Xi tomi' ha' cacain capijacon ta. Om ca tomi' ha' taxi' cacain quem.

Filipenses 3:19

Mama' tatarain cote ne xe, xi om ne ca win xumu ara cacain ca param pan nucucun ta. Ac ca iri' jam ne cacain na ca param pan nucucun. Xec xec nana pain ca pan teretem nucucun, xi wixipa' pan caca pain ta. Coromicat e' nanain oro caramaji macan'.

1 Tessalonicenses 3:3

Hwet roron, ma' ta om to' i'ina tococwa pain ca quep em' tococwa pain ca howa nucucun ta urut con pahu'. Wara taxi' ara xi' hwein ca coromicat an pe xo' nucun Iri' Jam pari', pain ca main quep em' tuturuhu' oro wari' pain ca howa mahu' ta capari' pane.

Hebreus 11:25

Ca' na ca coromicat nucun: Hohot napa' pain ca quep em' wi cacapa' cocon oro wari' nucun Iri' Jam cwa', je ca param ta' ca'. Hohot tiquin' ca' napa' pain ca ja' tomi' querec te cara capa' ca caracat wa ta na ca coromicat nucun.

1João 2:15

Ta win xumu hwein oro ca om hohot non Iri' Jam pain macan' ca' me, ta win xumu hwein oro ca param ximama' caca oro caracat co to nanain macan' ca' quem. Wari' co win xumu nain oro ca om hohot non Iri' Jam pain macan' ca', om ca win xumu con Cotere'.

Apocalipse 7:14

Om ca taxi' toton ta taramaxicon. Tomi' hwet ne cocon ac ton na. Tomi' hwet ac capa' na: Wiricoco co jain jain tamana nana pain oro cawaxi' pain ca quep em' tamana tococwa pain ca howa cocon Jeju pane. Hohoc hohoc towo' pin nonon womicocon pain quicon co ma' co ac Wijimain Taramaji Ovelha ma'.