Lucas 16:24 - Tradução Bíblica Pacaas Novos

²⁴ Merem ac ca na: Xiram pa' ne ta jeo' Abraão. Tomi' mi' ne con Lázaro ma'. Xin cam rain tamain mum pain com ron ne con me, ara xio rain petehwet nucun ne con me. Xi jain jain tamana ara ta' pain xe ca' paxi' non.

Lucas 16:24 Iomraidhean Croise

Mateus 25:41

Tomi' ac toton tara co to nanain paraju quem, co om xuruxut xo' nana quem: Wahu' pain ca tomi' noro cuhu' Te ma', to ni ca' xine. Mama' jein cote ne xe ca om jo' ra ha' cain, ca wara quep awori mi' tocwa pain Caxicon Jam cocon oro jam nucun co taramaja mi' nonon cwain.

Mateus 3:9

Ta tomi' ximama' ca' hwe me: Om na, om ta wap caparut Iri' Jam, xi iri' hwanana ne ara urut con hwanana nuxut Abraão cara pane ta, om ca na camain' ne, pain ca tomi' ximama' ac i ma' hwe ta. Cain' cain' xihwe quem? Je ca tomi' xuhu' ca' ac tococwa na. Ha' ara xi' non Iri' Jam pain ca to' waram winacon Abraão pin cain oro pacun ca' inuhu'.

Mateus 5:22

Ane tomi' pan xuhu' pain i ca' ne: Wari' co mana' ximao non win ma' ca ma', tomi' mi' ac tocwa tara pain ca wap wa pain ca wum co em' ta tocwa. Wari' co tamanain ma ta non win ma' ca pain ca tomi' ximao con ma' quem, o mi' ac tocwa tara cocon oro juiz co tomi' mi' taxipa' nonon oro caracat pain ca wap wa ma'. Wari' co tomi' noro non win ma' ca pain ca iri' tamanain ma, om ca awi camain' ma ta con ma', ximin na co ma' ta. Hohot na pain ca xin mi' tocwa pain cote ne xe ta.

Lucas 16:30

Om na ta jeo' Abraão ac ca na. Mo xi hwet cocon wari' co e' mami' ma', cwirin' pin ac caca xira ta na.

Lucas 19:9

Tomi' ac ca na Jeju: Zaqueu cocon oro ca nari nucun cwa', to' witan pin tata pain xec ca'. Howa an xiho' ara xi' non hwanana nexi' Abraão quem.

Lucas 3:8

Xi iri'o' hwe ta ac tococwa na. Xucun wari' pin xihwe. Ma' ta querec pin' xine ca cwirin' hwein ca caracat nuhu' ta. Ta tomi' ximama' ca' hwe me: Om na, om ta wap caparut Iri' Jam, xi iri' hwanana ne ara urut con hwanana nuxut Abraão cara pane ta, om ca na camain' ne pain ca tomi' ximama' ac i ma' hwe ta. Cain' cain' xihwe quem? Je ca tomi' xuhu' ca': Ha' ara xi' non Iri' Jam pain ca to' waram winacon Abraão pin cain oro pacun ca' inuhu'.

João 4:10

Om na, mo xi querec pin' main carawa ca mi' xim quem Iri' Jam ca', mo xi querec pin' mapa' pain ca cam mi' ne pain com xim ca' quem, cam mi' ne pain com pan ac mapa' xira, mi' ac xim xira pain iri' com ca to' e' cara nain ca wari' wa ta ac cam na.

João 4:14

Wari' co toc nain com ca mi' ta' ta' ca' iri na ne, om ta toc ta' com mami' ca. Com ca mi' ta' ta' ca', an xiho' nain ca hoi hoi ne com ca weweweo cara ma'. Weweweo pe tarain ximicon wari' co howa napa'. To' e' cara ac con tara, mi' ac tocwa tara pain ca pe ho' cara con Iri' Jam pain pawin quem na ca tomi' cam ma'.

João 7:37

Xec nein ca pi' pin ta' ne ca tomi' querec te nuxut ma', awi tamana na, awi tiquin' ca' nain oro xijein xec nein ca tomi' querec te nuxut. Maqui' iri na iri' xec nein ne, tequi' pe ac ca na Jeju. Tomi' ac ca na, tomi' mip na: Wari' co jain jain nain com ca mi' nain ca e' wa pain pawin cain, hwet ac capa' tara, mi' ac ton pain tara ta.

Romanos 4:12

Je ca tomi' xuhu' ca'. Hwanana ne urut con Abraão pain ca judeu urut ca', pain ca wac xirac xujuxut ca', hwanana ne paxi' urut con hwanana nuxut Abraão. Ane om to' hwanana nucun caparut ca wac xirac xujuxut ca' ne, om na. To' hwanana nucun naparut ca an xiho' urut con pain ca wara howa nucun pain ca om wac xirac querec tocwa pane ta.

2 Tessalonicenses 1:8

Oro wari' co noc nonon Iri' Jam ma', co om tomi' ha' je na nanain capijacon ca tomi' hwet napari' con Taramaxicon nexi' Jeju ma', wap ac tococwa tara pain ca win hwe pane tococwa ma'.

Tiago 2:13

Oro wari' co om xiram pa' nonon oro win ma' caca ma', om ta xiram pa' pan tococwa pain ca tomi' xo' xun tococwa pain oro ca tomi' caca, je pain oro ca ara caca quem. Oro co xiram pa' nonon oro win ma' caca ma' iri nana ne, xiram pa' ac tococwa tara pain ca tomi' xo' xun tococwa ta.

Tiago 3:6

Ac xe ca to' em' nain oro pana pain mi na petehwet nexi' quem. Pan tem tamana na. Pe paxi' nain winaxi', ane to' em' to' em' pi' pin nein oro coximinain cwerexi' ne. Ac ca tom tom pi' pin capari' na. Wirico Caxicon Jam co caraho' nain xajinain petehwet nexi' ta, ac je na.

Apocalipse 19:20

Mixita xun paxi' totoron, ane quep pan tococwa ne. Quep ta co ma' co ac caji carawa co hwet qui' cain' ma', quep wi ta con co ma' co profeta mixein ma', co tomi' hwet taxipa' nain oro ca tomi' nucun ma'. Wirico co ma' co mi' ca pain ca hwara' opa nucun pain ca ara taxipa' cain oro ca om ara taxi' ne ca wari' wa ira. To' wa wa tamana nonon oro wari' pane ira. Oro ca ara ca ma', je i ma' ca mam' mixein cocon oro wari' co xirao' xirac wawa pain wixicon co ma' co ac caji carawa ma', co pe torotop mi' querec te nanain pacun ca ara an xiho' xine curucun ma'. Xin mi' ac tocwa na pain cote ne xe ma', ca ac xuterem' ma'. Co ma' co ac caji carawa co hwet qui' nain com ma', wirico win ma' nucun ma' quem, wixicao' mi' nunucun ac tococwa na pain cote ne xe ca wiran wi nain pacun ca weo tamana ma', ca enxofre caca oro wari' ma' quem.

Apocalipse 20:15

Oro wari' co om xirao' to wa wixicocon pain tapari carawa ca xirao' to xine wixicocon co e' cara xi' nana ma', wixicaracao' mi' ac tococwa na pain cote ne xe ca ac xuterem' ta.

Apocalipse 22:1

An hwet mi' ac capa' na pain iri' cwerein com ca mi' nain ca e' cara wa. Awi tamana na comi, om na homiri, om ca tocohon camain' ne. Weweweo qui' nain ca xao pe pe ca Iri' Jam, je ca xao pe pe ca co ma' co ac Wijimain Taramaji Ovelha ma' quem.