Lucas 16:21 - Tradução Bíblica Pacaas Novos

²¹ Cao' xita' na nain pawirinain caramaxicon ca cao' ca co ma' co caramaju ma' quem. Ximin na, maqui' maqui' na oromijac ma', xicot xicot ac cain na nonacon ma' quem.

Lucas 16:21 Iomraidhean Croise

Mateus 15:27

Taxi' paxi' ina quem Taramaxicon ne ac cama na. Ane om narain ho' tocwa pain ca cao' wa oro wixicon oromijac ma' ne. Cao' nain oro pawirinain carawa ca cao' pawuru caca co wina nonon ma', ca cao' pawuru to cacain pana ca mam' cao' to caca ma'. Je xi xiram pa' ac i ma' mapa' pain ca om judeu ta' ca' quem na ca tomi' con ma'.

Marcos 7:28

Taxi' paxi' ina quem Taramaxicon ne ac cama na. Ane om narain ho' tocwa pain ca cao' wa oro pawirinain carawa wixicon oromijac ma' ne. Cao' nain oro pawirinain carawa ca cao' pawuru caca oro hwijima' ma', ca cao' pawuru to cacain pana ca mam' cao' to caca ma'. Je xi xiram pa' ac i ma' mapa' pain ca om judeu ta' ca' quem na ca tomi' con ma'.

Lucas 16:20

Ma' na xucun wari' co an pe wa pain cacarain manain xiricon co caramaju ma' quem. Om non carawa. Lázaro na wixicon. Mija non oro caji nan quem.

Lucas 16:22

Aram aram maqui' ac ne na xec nein ca mi' pin nucun Lázaro ma'. An mao ac cocon na oro jam co taramaja mi' nonon Iri' Jam. O mi' nonon con Abraão cara pane. Aram aram mi' pin ac ca na co ma' co caramaju ma' quem. An corom pe ac xine na curucun pain manain pacun.

João 6:12

Ma'am pin iri nana ne, tomi' ac caparut na pain ca taxipa' urut con ca': Om ta waraju xin oro pawirinain ma'. Pan cut jein ta naparut.

1 Coríntios 4:11

Qui' urut pain oro carawa ca ara naparut ca' ira. Wara ximin urut pain cara pane, ximin ximin wet urut pain xocori ca' quem. Tama' pe' urut. Werewein taxipa' na womuxut. Quep em' nanaparut pain ca to' cacaparut pain micocon. Om taxipa' naparut xirim ca to xo' urut.

2 Coríntios 11:27

Taramaja tamana ina pane, jam' ina pain. Mija na xim ca om pi'am ta' quem. Pe' ina pain ca om capa' ca cao' wa, je pain ca om capa' ca toc wa quem. Ma' ho' ma' ho' napa' oro xec ca om cao' camain' ta' quem. Capin' ho' capin' ho' ina, xi ma' e' ara capa' caxicon wom ta.