Lucas 16:20 - Tradução Bíblica Pacaas Novos

²⁰ Ma' na xucun wari' co an pe wa pain cacarain manain xiricon co caramaju ma' quem. Om non carawa. Lázaro na wixicon. Mija non oro caji nan quem.

Lucas 16:20 Iomraidhean Croise

Mateus 26:71

Xut hwet ac cain na man ca corom ac xine ca tao' caho' nein xirim ma' quem. Querec ac con na xequem xojam' co taramaja pe nain i ma'. Tomi' ac cama na cam ma' quem, tomi' nonon oro wari' co to nanain i ma'. Co ma' ma', pe ho' non Jeju co maqui' nain Nazaré ta nonon.

Lucas 16:19

Ma' na wari' co caramaju pane ac tococwa na. Pe taxipa' non iri' wom co mija dinheiro nucun. Cao' e' nain oro carawa ca mija dinheiro nein pain oro xijein xec quem.

Lucas 16:21

Cao' xita' na nain pawirinain caramaxicon ca cao' ca co ma' co caramaju ma' quem. Ximin na, maqui' maqui' na oromijac ma', xicot xicot ac cain na nonacon ma' quem.

João 11:1

Caxi ac ca na wari' pane. Lázaro na wixicon. Wari' nein Betânia na, je i ma' wixinain ca paric to ne xirim ca pe ca cacam mana cowe ca ma', Maria cam Marta ma'.

Atos 3:2

Hwet xin iri nanain ne, wara an mamam' nonon wari' co carama pe ma'. Wara carama pe qui' nain ca xo' pan' qui' nucun pain ca pije' nucun. An mamam' an mamam', wara ca' na cote ne capijain manain xirim ca corom ac caca oro wari' ma', an terem' ac cocon na. Capijain Man Ca Awi ta na wixinain cote ne manain xirim ma'. Je curucucun pane, an mamam' an terem' taxipa' nonon pain i ma', pain oro xijein xec. Ma' ta xiram pa' xine, mi' xine pain dinheiro ta cocon oro wari' co corom xi' nana ma' nonon.

Tiago 1:9

Wari' co howa ma', co ximin pain ca om con carawa ma', tomi' querec te e' tara pain ca xiram pa' pan con Iri' Jam. Ac ca to' caramaju pin tocwa na pain ximicon.

Tiago 2:5

Je ca tomi' xuhu' pain ca tomi' querec te xuhu' ca' xere. Taraju wet je e'. Oro wari' co ximin nana pain macan' ca', wiricoco co tora' pan ca Iri' Jam ma', pain ca howa xine cocon ma'. Tomi' ca' tata: Howa iri mahu' ne, ac ca caramaju tamana hwe na. Main mi' xuhu' pain ca to ho' mahu' pain ca aram aram taramaxicon pe ho' xuhu' ta' ta. Wara tomi' pe ara xi' inuhu' pain, xi om noc ara mahu' ta pan tata.