Lucas 16:17 - Tradução Bíblica Pacaas Novos

¹⁷ Ma' ma' wet na ca xirao' pe ca Moisés je oro ca xirao' to caca oro profeta quem. Pan' am paxi' tara nanawin pain macan' ca'. Ane om pan' am camain' ne ca xirao' nucun Moisés cocon oro profeta ne. Om ta pan' am camain' ne wijimain ca xirao' nein cocon ta.

Lucas 16:17 Iomraidhean Croise

Mateus 5:18

Je ca tomi' xuhu' ca', tomi' iri'o' inuhu'. Oro ca xirao' pe ca Moisés pane, je oro ca xirao' to caca oro profeta pane, om ta pan' am camain' ne ta. Om ta pan' am camain' ne wijimain ca xirao' nucucun quem. Hwet hwet pi' pin tara. Pain ca ma' ma' wet ne nanawin pain macan' ca', om ta pan' am camain' ne wijimain ca xirao' to nein cocon. Hwet hwet pi' pin tara ta.

Lucas 21:33

Main om pin tara pawin pain macan' ca'. Oro ca tomi' ne ca' iri na ne, om ta pan' ara'am camain' ne ta. To wet cara tara ta na ca tomi' tococwa ma'.

Romanos 3:31

Tomi' querec xuhu' pain i ca' quem: Howa iri urun Jeju ne, je ca joc in pin xin ca xirao' nucun Moisés ra? Om na, om ca joc in pin camain' xin ta. Howa iri urun Jeju ne, querec pin' ac irin na ca hwet hwet pi' pin ne oro ca xirao' nucun Moisés ca xirao' pe ca pane.

1Pedro 1:25

Ane to wet cara ne capijacon Taramaxicon nexi' ne. Ac i ma' na ca xirao' pe xine pain capijacon Iri' Jam ma'. Je ca tomi' xuhu' ca'. Je i ma' capijacon Iri' Jam con Jeju ma', ca pijim' hwet xihwe pane.

2 Pedro 3:10

Ac ca om om ca paxi' na Taramaxicon nexi' ma', ane maqui' ta' ca ne. Ane ane maqui' tara xec nein ca in qui' ta' nucun. Ac pain ca ane ane maqui' ca wari' co an noc xa tain nain carawa ma' tara pain ca om winim' tocwa ma', ac i ma' tara ca ane ane maqui' ta' ne xec nucun Taramaxicon nexi'. Taraju ac xine tara ca coc irija' wa, ac jam tara, ane ane om pin ac ne tara pawin. Wiran mao ac ca tara xina con panawo' con pijo', wiran mao tara macan' je oro carawa ca to nain quem. Om om pi' pin ac ne tara ta.

Apocalipse 20:11

Querec ac tain na cote ne ca mam' xao pe ca taramaxicon. Towo' na. Querec inon co xao pe pe nain quem. Jein ca' non macan' je pawin quem. Om ca querec mami' xine.

Apocalipse 21:1

Querec ac tain na xocori pawin je xocori macan'. Wara om pin ara xi' na wara pawin je wara macan' pane. Wara om pin na cote ne com quem.

Apocalipse 21:4

Xic cawain' xic cawain' pi' pin tarain oro comi tococon pain ca awaran nucucun. Om ta cono' mami' wa, om ta tomi' xaxa' mami' wa, om ta awaran mami' wa, om ta caxi mami' wa quem. Xi om pin ara ne oro coximi wara macan' ta. Ac i ma' na ca tomi' wa ca maqui' nain ca mam' xao pe ca Iri' Jam.